Números 11:12 - La'aqtaqa Ñim Lo'onatac 'Enauacna 2013

¹² ¿Peta'a nachaỹemo' lta'a, huo'otaq da aỹem late'e, da aỹem 'auamaqtalec da ñepeetague' namayepi da 'eeta'am ca nogotolec maye ña qaillepaxaatac, da seviraxatta'a ca 'alhua maye 'auachaxanapecot co'ollaxa da 'aỹa'anem so hua'au lta'alpi namayepi?

Números 11:12 Referans Kwoze

Isaías 49:23

Na nta'alpi qalaq ỹauo'o qome da 'am llalec, qaq ana lhuapi qalaq 'arsoquiaxanaxanapi. Qataq 'am ỹa'atto'oto qome naua l-llecte, qataq ichegoxouec na 'alhua naua 'arapia'ate. Qaq huaña qome nache aỹem 'auauattoota da nachaỹem Nataxala', qaq nam aỹem ỹa'amaqteetac saishet qome da hueto'ot ca lcoxo.

Isaías 40:11

Qaq namaye anac 'eeta'am ca qagueta lo'o da ilotague' ana lalo qaguetapi, qataq nsoqteuo da ỹachetac na qagueta llalaqpi ỹachetelec ana ltogue, qataq ntela'a da huetague' ana cheta'ague da deco'otac.

1 Ts 2:7

Qaq cha'aye souaxat da qomi' lamaxa'she So Cristo, nache qomi' seshetaqtaxa da qami' shenaqapegalo da qomi' qautauañi', qalaxaye saishet da so'otaq damaye. Nachaqrata da co'ollaq qami' souaqta'agueta, nache ỹataqta huo'o da qarsoxosoxonaxac da qoñiita, shenaqta'am da lauotaxanaqtaic aca nate'e maye ntela'a qataq ỹaqchet ca llalec.

Éxodo 13:5

Qaq nachena ne'ena ca'agoxoic huetoigui da qami' qauo'oche ca qayo'oxonnataxanaxaqui, qom mashe ime da qami' inoxonaqcheteua'alo ye 'alhua Ñim Nataxala', yem 'alhua maye huaña da qaica ca qoue na nallec, yem na'alhua na Canaán le'ecpi, hitiitapi, amorreopi, heveopi qataq na jebuseopi. Nacheye yem ỹachaxanapeguem co'ollaxa soua hua'au' qarta'alli' da ỹauotaique da qarmaye.

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

Génesis 26:3

qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.

Gálatas 4:19

Aỹem ỹataqta qami' sauoteque, qalaxaye da saxanaxa da qoñiỹa'am So Cristo, nache qauo'ocheetac da ñequi'ic, 'eeta'am da nqui'ic aca 'alo da huotaique da deco'o.

Juan 10:11

Aỹem Nachaỹem no'on qagueta lo'o. Ca no'on qagueta lo'o, camaye ỹaalec da nachaalataxac ana qaguetapi.

Ezequiel 34:23

Aỹem so'ot qome da ñe'eguelaq so ỹamaxashec David, nache sanem da nachesota da ilo'ogue ana ilopi qaguetapi, qaq somaye nacheso qome so ilo'ogue anamayepi.

Isaías 49:15

Qalaxaye, ¿ishet peta'a aca nate'e da icoua'ai ca llalec, huo'otaq da vi'iiguet da lauoche cam lalamaxat llalec? Qaq na'aictaxa da acamaye icoua'ai ca llalec, qalaxaye Aỹem saishet da 'am secoua'ai.

Génesis 13:15

cha'aye Aỹem, 'am sanem qome 'enauac na 'alhua maye 'aulotalec, qaq nache 'eetai' qome da 'aralamaxat, qataq ca 'am chegoxoguetpi qome.

1 Corintios 4:15

Qaq na'aictaxa da ivi' ca diez mil na qami' ỹapaxagueneque da na'aqtaguec So Cristo, qalaxaye na qarta'ailpi saishet da qalota. Aỹem 'oonolec maye lta'a da qarpi'iỹaxaqui So Cristo Jesús. Cha'aye aỹem maye qami' sa'axatema co'ollaxa da no'on na'axaỹaxac maye na'aqtaguec So Cristo, nache qaviyiỹa'a da 'eeta'am da qami' ỹalaqpi.

Génesis 24:7

Cha'aye, Ñim Nataxala' maye neto'ot na piguem, ñim aỹem nqateeguesop co'ollaxa ye lma' so ita'a, qataq ye na'alhua yem ihuo' le'ecpi, qataq aỹem ỹachaxanapeguem ne'ena 'alhua da lma' naqa'en ca aỹem chegoxoguetpi, Ñimaye nataqa'en ỹamaq qome, da ỹa'auaxanegue da 'ata'ague ca lamaxashec piguem le'ec, da yaqto' 'auachegoxota'a yemaye da 'anauec aca lhua ñi ỹalec.

Éxodo 13:11

Ñim Nataxala' qom mashe qami' ỹanaleguete yem na'alhua na Canaán le'ecpi qom ipactelec dam la'aqtac maye qami' ỹanema co'ollaxa qataq soua hua'au' qarta'alli', qaq qom mashe ime da qami' ỹanema que'eca 'alhua,

Éxodo 33:1

Ñim Nataxala' 'enapega so Moisés, 'eeta': «'Aue, qoca'ai qome ne'ena, nache 'auauec yi'iye nhuo' le'ecpi maye 'anqateeguesop co'ollaxa ye Egipto. Da yaqto' qanqo'oñiỹa ye 'alhua maye sachaxanapecoto co'ollaxa so Abraham, Isaac qataq so Jacob, da sami' ca chegoxogueta soomaye.

2 Reyes 10:1

So Ajab, ivi' setenta so llalaqpi netaña ye Samaria, qaq ỹoqo'oye so Jehú ỹo'ot co'ollaxa aso lerepi da ỹamaxa ye Samaria, taỹa'a som ỹoqta nataxala'pi ye Jezrel, qataq so nqueroxonecpi, qataq som ilotague'pi som llalaqpi so Ajab, nache 'eeta':

2 Reyes 10:5

Huaña nache so ilotague' so nma' lta'araic maye lo'onataxanaqa' so nta'a, qataq so nta'a maye ilotague' so huaqta'a't nỹecpi, qataq so nqueroxonecpi, qataq som ilotague' so llalaqpi so Ajab, ỹamaxa da la'aqtac so Jehú, 'eeta': «Qomi' so'otaq cam qomi' 'auamaxaleguete, cha'aye maiche qomi' 'aramaxashecpi. Qalaxaye saishet da sauoqo'o ca nta'a, nacherata da 'auo'ot cam ỹaỹamaqchiguiñi 'anqa'en.»

Éxodo 6:8

Nache qami' sauegalo qome ye 'alhua maye sachaxanapeguem co'olloxocheye so Abraham, Isaac qataq so Jacob. Qaq yemaye nagui qami' sanema da ỹataqta qaralamaxache qarmaye. Aỹem ỹa'aqtac maye Nachaỹem Nataxala'.»

Deuteronómio 1:31

qataq cai huaña ye toolec 'alhua. Nache qauauañiichigui da Ñimaye ỹataqta qami' nachetrashegue'm choche qami' nviraxatraua'alo ne'ena 'alhua, 'eeta'am ca nta'a da nachetasheguem ca llalec›.