Números 11:1 - La'aqtaqa Ñim Lo'onatac 'Enauacna 2013

¹ Huo'o so na'a'q, nache so Israel le'ecpi quetapeguelec Ñim Nataxala', souaxat da huaigui nque'eenaxac somayepi. Nache Ñim Nataxala' hua'aqtega co'ollaxa somayepi, nache ỹataqta dalemata, huaña nache ỹavigoigui naqa'en naua loiguiye so lpe'lpi somayepi.

Números 11:1 Referans Kwoze

Números 21:5

nache ỹoltaq quetot da quetapeguelec Ñim Atamnaxala' qataq so Moisés, nache 'eeta': ¿Ta'ainco' ye qomi' qanqacheueguesopa co'ollaxa ye Egipto da yaqto' seleuaqaña qanqa'eñi ne'ena toolec 'alhua? Teno' nagui, mashe qaica ca qonoq qataq ca qaraquip. ¡Qataq mashe saỹemaxac ne'ena nallec maye qaica ca lyac!

2 Reyes 1:12

Nache so Elías, 'enapeco': Da 'eesa da aỹem na'aqtaxanaxanec, nache naañi qome ca norec maye chegoqo'ot na piguem, nache 'am ỹavigaxat, qataq na cincuenta 'analleppi. Huaña, nache nque'elaxatta da naañi so norec maye chegoqo'ot na piguem, nache somaye, qataq so nalleppi, nmichiguiñi da ỹavic.

Números 16:35

Qalaxaye so lanataqa' Ñim Nataxala' nataqa'en chegoqteua'a so norec, nache ỹavigaxat, nache nmichiguiñi naqa'en 'enauac se'eso doscientos cincuenta shiỹaxauapi, maye ỹavigaxattac co'ollaxa so lchenaxanaxat.

Deuteronómio 9:22

Qaq nache 'eeta'am co'ollaq huaña ye Tabera, Masah qataq ye Quibrot Hatavá da dalemata qanqa'eñi Ñim Nataxala'.

Levítico 10:2

Huaña, nache Ñim Nataxala' anacot so norec, nache ỹavigaxa't. Qaq 'era da 'eetec co'ollaq ileu' soomaye.

Éxodo 16:9

Ime, nache so Moisés 'enapega so Aarón, 'eeta': «Qonapega qome na Israel le'ecpi da nquigueua'a ye hueta'a Ñim Nataxala', cha'aye Ñimaye hua'aqtega da qauem ltaxaỹaxac namayepi».

Judas 1:16

Ne'ena shiỹaxauapi ỹataqta taxaỹaxaicpi qataq camachaqca ca quetapeguelec. Qataq nachaqrata da nmitta'a da ipacchigui ca maiche lqopitaxanaqtaic. Qataq naua la'aqtaqa ỹataqta ño'oxonnaxaiqa, qataq da detaxaỹa ca lỹa shiỹaxaua qalaq ỹataqta iyaata, qalaxaye choche ỹatenachettac.

1 Corintios 10:10

Nataqa'en saishet da huo'o ca quetapeguelec Ñim Lo'onatac 'Enauacna, 'eeta'am da 'eetec co'ollaxa somayepi da huo'o na quetapeguelec so Moisés qataq so Aarón. Nache qaỹalauat, ỹalauat so chegaqasheguem lamaxashec laataxanaxaic Ñim Lo'onatac 'Enauacna.

Isaías 30:33

Qaq cha'aye mashe qaỹoqteguelo soua vi'iye da qaiqataxaatai' da taỹa'a qanqa'en ye Asiria qataq ñim nta'a yemaye, yem ỹataqta qaỹoqchiguingui qataq qalochiguiñi nma' maye huetangui ye 'ettangui norec maye qalota na lalonaxat qo'oipaqpi. Ñim Nataxala' qom iquetetec la la'at nache 'eeta'am ca la'auaxac na quiquiaxaraic da 'eroigui nache ỹavigaxat yemaye.

Salmos 106:18

Qataq 'eroigui so norec nache ỹavigaxat 'enauac somayepi, nache na le'eraxa somaye nmatchiguiñi se'eso 'etaxaloxoicpi.

Salmos 78:21

Nache Ñim Nataxala' co'ollaq hua'axaỹa de'era nache dalemata, qaq de'era lalemataic 'eeta'am ca norec, da dalemataỹa so Jacob.

Da na'aqtaguec so Job 1:16

Qaq co'ollaq ñaq saxanaxa da imat da la'aqtaxanaxac se'eso ỹale, nache nvireuo so lỹa, nache da'aqtaxan, 'eeta': «Nhuaxanaxaañi aso qasoxonaxa, nache nmichiguiñi da ileu naqa'en aso qaguetapi qataq so lo'opi. Qaq nachaỹemta da ñeca'alec, nache ñanac da 'am sa'aqtaxanem.»

2 Samuel 11:27

Qalaxaye co'ollaq ime dam lasouaxac asomaye, nache so David damaxasoxoneuga asomaye da yaqto' qaỹauegueua'a so lma' lta'araic, nache so David ỹauo'o lhua asomaye, qaq co'ollaq qaỹata'ague de'era, nache asomaye ñiguiñi so llalec. Qalaxaye Ñim Nataxala', ỹataqta sa ỹaỹamaxaren de'era ỹo'ot so David.

Deuteronómio 32:22

Qaq da ỹayeloxo ỹataqta 'eroigui 'eeta'am ca norec, nache iviraña da ỹavigaxat ca qaỹoqchiguiña pa'aguiñi ana 'alhua. Qataq ỹavigaxatta na 'alhua qataq ana ala ana qo'oipaqpi, qataq ivira'a na ỹa'añaxattañi ana qasoxonaxapi.

Éxodo 16:7

Qaq qonte' nte'eta, qaq qauauañiichigui ca llo'oxoyec Ñim Nataxala', cha'aye Ñimaye hua'aqtegalo qami' da qoquiitapeguelec. Cha'aye ¿negue't qomi' da huo'otaq qomi' qoquiitapegueleguete?

Isaías 33:14

Qaq ye Sión qalaq iviloxol na 'etaxaloxoicpi, na qauemaicpi qalaq nlaxagui da lcolanaxa, nache, 'eeta': «Dam shenaqta ¿negue't ca ishet da huetaigui nam norec maye dalaataxanapec, nam lta'araic norec maye chochaq tatec?»

Números 10:33

Huaña co'ollaxa, nache so Israel le'ecpi, ca'ai añi qasoxonaxa maye lalamaqte Ñim Nataxala', nache tres na'axa'te soua lqueuoxoqui'. Qataq qaica'attaueegue aso arca maye laỹe' da naỹamaxataxac Ñim Nataxala', nache qanmittaique ca huaña da qanayeua'a.

Génesis 38:10

Qaq Ñim Nataxala', ỹataqta sa ỹaỹamaxaren da ỹo'ottac so Onán, qaq ỹoqo'oye nataqa'en somaye nqat da nachaalataxac.

Santiago 5:4

Qami' saishet da qaushiichiñi añi lasheue ye 'oonolec ca'agoxoic na qaro'onataxanaxanequi. Qaq Ñim Nataxala' maye qaica ca 'ena'am da la'añaxac hua'aqtega da nqui'ic qataq da lquiquiaxac namayepi. Ana'ana qo'omi maye qarsheetenaxanaqchi ctaxa, nachana ana ỹa'axat da huo'o da qarasouaxashechi qom qauataiỹot Ñim Lo'onatac 'Enauacna.

Hebreos 12:29

Cha'aye Ñim Lo'onatac 'Enauacna, Ñimaye 'eeta'am ca norec maye ỹataqta cochepchiguiñi naqa'en ca ỹavigaxat.

Nahúm 1:5

Nache Ñimaye da choche nlectelec ana qasoxonaxapi nache cholaxan, qataq ana lcomaraxalatepi qalaq nlaguiñi. Qaq ana 'alhua qalaq cholaxan qataq na netalecpi anamaye iviloxol da lcolanaxa.

Lamentaciones 3:39

Cam shiỹaxaua da 'etaxaloxoic, ¿qaq negue'to' cam nachoxoreetapeguem da ña nca'altauec?

Deuteronómio 25:18

qataq da 'eetec co'ollaq saishet da ñi'iỹa Ñim Lo'onatac 'Enauacna da qami' naxategueta, huangui so nqa'aic, nache chegoxogue na qarlaqai da iloquiaxan so nca'ataxaatauopi maye nasamaqtocpi maye qaica ca la'añaxac.

Números 11:18

Qalaxaye qonapega qome ne'ena nhuo' le'ecpi da nqui'itaxatta qonte', yaqto' chec ca lapat. Cha'aye Ñim Nataxala' hua'aqtega da qannoinaxaqui qataq da qara'aqtaqui, maye 'eeta': ‹¡Negue'tom ca qomi' ỹanema ca lapat da yaqto' sacheguenaq da 'eeta'am co'ollaq sonaqtaña ye Egipto!› Qaq Ñim Nataxala' qami' ỹanema nagui ca lapat da yaqto' qollequiitac,

Números 14:2

Qataq 'enauac somayepi, qauem na la'aqtac da quetapeguelec so Moisés, qataq so Aarón, 'eeta': «¡'Onaxaictoxo' co'ollaxa da nache seleuaq co'ollaq souaqta'a ye Egipto, huo'otaq nagui da souaqaña ne'ena toolec 'alhua!

Números 14:22

nache qaica ca 'oonolec nam ỹauaachigui da ỹo'oxoyec, qataq na na'anecpi maye so'ot co'ollaq huaña ye Egipto, qataq so huaña ye toolec 'alhua, qataq nam qalota da Aỹem ỹe'eguen, qataq na saishet da aỹem ỹalaxaguet,

Números 14:27

«¿Chaq laguio' da ime da lleueeta'agueta naua qauema ltaxaỹaxaco ne'ena qauem shiỹaxauapi? Cha'aye Aỹem mashe ña'axaỹaxaategalo naua ỹataqta qauema ltaxaỹaxaco da Aỹem quetapeguelec ne'ena Israel le'ecpi.

Números 14:28

Ỹoqo'oye 'aua'aqtaxanem qome namayepi da ỹa'aqtac, 'eeta': ‹Aỹem Nataxala', maiche ñañan da san da ỹa'aqtac, da qami' taleguete ñaqa'en 'enauac na qauemsat souaxat naua qara'aqtaqalle'.

Números 16:11

Cha'aye 'am qataq na 'araỹepi qalaỹoñiita'a't da qauataiỹa'aguet Ñim Nataxala', qaq ¿Negue'to' so Aarón da qoquiitapeguelec?

Números 17:5

Qaq aca nashelte maye nañaxatec qome, nachaca aca lashelte ca lleca'aguishec, huaña qome nache vi'iiguet da qami' quetegueleguete ne'ena shiỹaxauapi.

Salmos 78:63

So nsoxoppi qalaq ileu, ỹavigaxatta so norec, nache qaica ca do'onaxaalec da laronaxac ana huaron.

Isaías 10:17

Ñim Lo'onatac 'Enauacna maye Qui'itta, ñim icoỹattalec na Israel le'ecpi, Ñimaye 'eeta'am qome na le'eraxa ca norec, nache huaigui ca 'oonolec na'a'q da ỹavigaxat qataq nlaxaañi ana ỹaxat qataq na huouesat maye netalec ne'ena 'alhua.

Ezequiel 20:36

Qami' ñimi't qome 'eeta'am da 'eetec co'ollaq ñimit so qarta'ailpi, co'ollaq huaña ye toolec 'alhua ye Egipto. Qaq 'era da ỹa'aqtac Aỹem Nataxala'.

Habacuc 3:5

Qaq da taỹa'ague qalaq hua'auta'ague da nalolaxa maye dalaataxanapec, qaq da chegaqa'ague qalaq no'onaña ana 'eeta'am ana poqo na le'eraxa.

Números 12:2

Soomaye nataqa'en 'ena'apo': «Ñim Nataxala' saishet da nachesota so Moisés, da detaqtague', cha'aye nataqa'en qomi'». Qaq Ñim Nataxala' hua'aqtegalo co'ollaxa soomaye.