Números 10:9 - La'aqtaqa Ñim Lo'onatac 'Enauacna 2013

⁹ Qaq da qami' iloquiaxa'n ca qanpa'aguenaxauaipi da qoñiitalec ca qana'alhuai. Nache da qoqui da qanalaache', nache qaỹashiiyiguilo caua nasheerel, lỹateueegue' qanqa'en ca na'alaxac. Yaqto' Ñim Nataxala' ishet da iuennata'alo qami', nache qami' nca'alaxateeguesopa ca qanpa'aguenaxauaipi.

Números 10:9 Referans Kwoze

1 Samuel 10:18

qaq huaña yemaye da, 'enapega co'ollaxa somayepi, 'eeta': «Ñim Nataxala', maye Natamnaxala' na Israel le'ecpi, 'eeta': ‹Aỹem qami' ñeqateeguesopa co'ollaxa ye Egipto, qami' Israel le'ecpi, qataq qami' sesoueeguesopa da la'añaxac ye egipciopi, qataq 'enauac som ỹotta'a't shiỹaxauapi maye qami' ỹachoxoreeta'ape.

Jueces 2:18

Qaq naxa Ñim Nataxala', da ỹauo'o na nauaxaỹaxaasheguem nataxala', nache ỹataqta itauaatac, qaq naxa da ña nca'altauec ñi nataxala', nache isoueeguesop na Israel le'ecpi da la'añaxac na mpa'aguenaxauapi, cha'aye Ñimaye ỹataqta huo'o da lchoxonnataxanaxa da hua'aqtega da la'alaxac ne'ena lalamaxat nhuo' le'ecpi, souaxat da sa nañaxaasheguem da lachetataic.

Génesis 8:1

Qaq huaña, nache Ñim Lo'onatac 'Enauacna tachigui lauel so Noé, qataq 'enauac so shiguiỹacpi maye nqotta'ai' somaye aso notaxaqui. Nache ỹo'ot da so la'at ỹasheerelec ana 'alhua, nache so 'etaxat nquiguiñi,

Salmos 106:42

Nache se'eso mpa'aguenaxauapi huetaiya' naqa'en somayepi, qataq ỹo'ottac nam lamaxosoxonaxacpi.

Salmos 106:4

Ñaq aỹem 'auennata'a qome 'Am Nataxala', qom ivita da 'anqouaguec na 'aralamaxat nhuo' le'ecpi. Ñaq aỹem 'auennata'a qom ivita ca na'a'q da 'auca'alaqtaxan.

2 Crónicas 13:14

Qaq so Judá le'ecpi, co'ollaq ỹamata'ague da pa'aỹa'ague da l-laq, nache nanoma da na Israel le'ecpi chegaqa'ague dam dataỹa'ague qataq da l-laq da iloquiaxan somayepi. Huaña nache iỹaxanot Ñim Nataxala', qataq so ntaxaỹaxanaxanecpi ỹashiiyigui aso nasheerepi.

Jueces 10:12

Sidón le'ecpi, amaleciitapi qataq ye madianiitapi, nache naxa da aỹem qauỹaxañiỹot da qami' setaua'n. ¿Qaq peta'a saisheto' da qami' sesoueeguesopa namayepi?

Jueces 10:8

Huaña, nache ivi' dieciocho vi'iye da so filisteopi, qataq so 'amoniitapi da sa iyacnapec 'enauac so Israel le'ecpi maye netaña ye Galaad maye pa'aỹa'ague da nala' lliguisheguem so tala Jordán, ye lma' co'ollaxa so amorreopi.

Josué 6:5

Nache qom qaua'aqaiỹa da ỹoqta qana'axannec da l-lamaxa aca nasheerepi, nache ỹataqta qana'axanñic qome da qara'alaxaqui, nache ye lpaqtaxat yi'iye huaqta'a't nỹecpi hua'axauec qome. Huaña, nache ñi 'oonolec da qoñiita ỹalamaxatteua'a qome yi'iye huaqta'a't nỹecpi.»

Números 31:6

Nache so Moisés ỹamaq somayepi da nalat, nnaictague' naqa'en so Finés, som llalec so ntaxaỹaxanaxanec Eleazar, qaq somaye ỹachetac so nogoxoshetpi maye sa qaishetapec, qataq aso nasheerepi da yaqto' qaỹamaq da nalat so alleppi.

1 Corintios 14:8

Qataq da huo'o ca alaataxac da huo'otaq saishet da ỹataxague da l-lamaxa aca nasheere maye ỹa'axat da huo'o ca alaataxac, nache qaica ca ishet da naỹamaxat da taỹa ca alaataqa'.

Amós 3:6

Qaq da qaỹashiiyigui aca nasheere da huaña ca huaqta'a't nỹecpi, nache na shiỹaxauapi ỹataqta ỹe'elaq, qaq da huo'o ca qauem talec que'eca huaqta'a't nỹecpi, qache maiche namaq Ñim Nataxala'.

Jeremías 6:17

Ñim Nataxala' ỹauo'o co'ollaxa so lauanaxanaxanecpi, nache 'enapega nam nhuo' le'ecpi, 'eeta': «Qana'axaỹaxañiỹa ca la'anaxat ca lchec.» Qalaxaye na nhuo' le'ecpi, 'eeta': «Saishet, saishet da salaxasoxoguet.»

Jeremías 4:21

¿Chaq laguio' qaq ime da selota'a ana na'anaxanaqtepi, qataq da sa'aqtega da l-lamaxa ana nasheerepi?

Jeremías 4:19

¡Ỹataqta mashe sa ñalo'oguet da ñequi'ic! ¡Ỹataqta seuet añi iquiyaqte! ¡Saishet da ñamaañi qataq saishet da she'emaqta! Cha'aye sa'aqtega da l-lamaxa ana nasheere qataq da na'alaxac da qaỹa'alaqtalec da alaataxac.

Jeremías 4:5

Qaua'aqtaxañim de'era ye Jerusalén qataq ye Judá, qauoita'a ana qarasheerei da qaua'aqtaxañim 'enauac na hueta'a yi'iye 'alhua, qataq ỹataqta qana'axanñic qome da qara'alaxaqui qoñeeta': ¡Qalaỹoñiỹa't qome, nache senoxonaxaua'a nam huaqta'a't nỹecpi maye ỹotta'a't naua nañalo maye qampaxatteua'a!

Isaías 58:1

Ñim Nataxala' aỹem 'enapega, 'eeta': «'Anlamaxaren qome da 'aua'alaq saishet da 'añe'etac, 'ana'axannec da 'arvilỹaxac 'eeta'am 'anqa'en aca nasheere, ỹataqta sa 'auala'ac da qonapega na ỹalamaxat nhuo' le'ecpi souaxat da saỹalaq, nam chegoxoguetpi so Jacob souaxat nam lasouaxashetpi.

Isaías 18:3

Qaq 'enauac qami' maye qoñiitalec ana 'alhua, qauloỹa'a qom qanauaxaỹaxaasheguem aca na'ana netalec añi qasoxonaxa, qataq qaua'aqaichigui qome da l-lamaxa aca nasheerepi.

Salmos 136:23

Ñim saishet da qomi' icoua'aisalo na'aictaxa da qomi' qaỹachetraiya', cha'aye da lauotaxanaqtaic chochaq tatec.

Jueces 6:34

Qalaxaye so Saqcha'a La'añaxac Ñim Nataxala', ỹataqta hueta'aguet so Gedeón, nache somaye ỹashiiyigui co'ollaxa aso lasheere peenaq lcoue da yaqto' laỹona't som lauo' le'ecpi so Abiezer da yaqto' huaxaiguet somaye.

Jueces 6:9

qaq saishet da nachaqrata da qami' ñeqateeguesopa yem egipciopi, cha'aye nataqa'en som laỹepi maye qami' sa iyacna'ape. Qaq somayepi qauauañiichigui ñaqa'en da so'orauec, nache qami' sanema na na'alhuapi somayepi.

Jueces 3:27

Qaq co'ollaq ivita ye 'alhuapi maye huaña ana qasoxonaxapi ye Efraín, nache somaye ỹashiiyigui aso lasheere peenaq lcoue, da yaqto' laỹona't so Israel le'ecpi, nache namayepi huenoteeguesop añi qasoxonaxa da yaqto' datalec so Aod.

Sofonías 1:16

Que'eca na'a'q qaỹa'aqtega qome da l-lamaxa ana nasheerepi qataq da na'alaxac, da qailoquiaxan ye huaqta'a't nỹecpi, maye huo'o na lpaqtaxat qataq ana qaỹoqotcheguemec nalloxolatepi.

Oseas 5:8

¡Ña qauashiiyigui ana nasheere qom huaña ye Guibeá! ¡Qataq ana nasheerepi qom huaña ye Ramá! ¡Qataq qauauoi ca qara'alaxaqui maye la'anaxat ca alaataxac qom huaña ye Bet Avén! ¡Yaqto' ỹe'elaq nam chegoxoguetpi so Benjamin!

Ezequiel 7:14

Mashe qaỹashiiyigui ana nasheerepi da qaiỹaxaalec da alaataxac, qaq 'enauac na shiỹaxauapi naỹamaxat, qalaxaye qaica ca ishet da inoxonec da deloqui. Cha'aye Aỹem serolec qome da inogoxonaxac da sauo'o ca nhuaxanaguec da na'amqaanaxac na Israel le'ecpi.

Jeremías 6:1

Qami' maye qauachegoqoiguet so Benjamím, ¡qanqañoxochiiñi qome qoquiỹa'ai na Jerusalén! Qauashiiyigui ana qarasheerei qom huaña ye Tecoa, qataq qaỹa'añiỹasheguem aca qara'anaxanaqchi da huaña ye Bet Haqueren, cha'aye chegaqa'ague qome da sheu' ca lta'araic qauem qataq cam ilaxachigui 'enauacna.

Levítico 23:24

«Qonapega qome na Israel le'ecpi, qoneta': Ca la'auaxanec na'a'q ca ca'agoxoic siete, camaye mataxaqui, qataq huetoigui da qauo'oche ca naponaxac lta'araic, qataq qaỹashiiyigui aca nasheerepi da yaqto' qaỹo'oxoren Ñim Nataxala'.

2 Crónicas 13:12

Qaq Ñim Lo'onatac 'Enauacna, nacheñi Ñim Qarataxala', qaq nam ltaxaỹaxanaxanecpi Ñimaye mashe lhuotta da ỹashiiyigui ana nasheerepi, da yaqto' qami' sataỹaqa'agueta da qami' seloquiaxato. Qaq qami' Israel le'ecpi, saishet qome da qauloqui' Ñim Nataxala' maye Natamnaxala' so hua'au qarta'ailpi, cha'aye saishet qome da qanaviqui Ñimaye.»

Jeremías 49:2

Qaq ỹoqo'oye Aỹem Nataxala' da ỹa'aqtac, 'eeta': anacta ca na'a'q maye huaigui qome da so'ot da na huaqta'a't nỹecpi maye lalamaxat na amoniitapi maye lma' ye Rabá, hua'axaỹa qome ca na'alaxac da qaỹa'alaxalec da alaataxac, nache ỹe'eguelaxa qome da lapoosheguem, nache na huaqta'a't nỹecpi maye ỹotta'a't naua nañalo ỹavic qome. Qaq huaña qome nache na Israel le'ecpi, qaltaq ñe'eguelaxaala't nam lalamaxat co'ollaxa huaqta'a't nỹecpi maye ỹotta'a't naua nañalo. Qaq 'era da ỹa'aqtac, Aỹem Nataxala'.

Deuteronómio 20:1

Qom mashe qaunoxoñiiuec da qauloqui' ca qampa'aguenaxauaipi, nache da qauloỹa'a da ỹataqta qalota ca nalleppi, napacalec ye lcata da qoñiita, qataq netalec ca lalo caipi qataq aca nalaataxaquipi naigonapi, nache saishet qome da qayi'iỹai. Cha'aye qami' hueta'agueta Ñim Nataxala' maye Qanatamnaxala'ai, Ñim qami' nqateeguesopa co'ollaxa ye Egipto.