Números 10:36 - La'aqtaqa Ñim Lo'onatac 'Enauacna 2013

³⁶ Qaq naxa da vi'iiguet asa'aso arca maye laỹe' soua aỹamaxataxaco, nache so Moisés, 'eeta': «¡Ña 'anmatec 'Am Nataxala', cha'aye 'aualectaigui na qalota nalleppi na Israel le'ecpi maye saishet da qaivi' da qanaloqten.»

Números 10:36 Referans Kwoze

Deuteronómio 1:10

Cha'aye Ñim Nataxala' maye Qanatamnaxala'ai, ỹataqta qalota naqa'en na qoyalquipi, 'eeta'am ye lcata ana huaqaañipi na piguem.

Isaías 63:17

¿Qaq ta'ainco' 'am Nataxala' da qomi' 'auo'oteque da sashoxolec da 'anqa'aicỹaxac, qataq da qaramchigui 'anqa'en da qarquiyaqteỹaxac da yaqto' qaica ca 'enec ñaqa'enaq 'Am? Ña qomi' 'añe'eguelaxalo souaxat da 'arauoche na 'aramaxashecpi qataq na nhuo' le'ecpi maye 'aralamaxatpi.

Génesis 24:60

Nache qoỹaalec so no'on na'aqtac aso Rebeca, maye 'eeta': «'Am qarqaỹole, ¡nache'am qome, da 'am late'e ca ỹataqta qalota shiỹaxauapi! ¡Cam 'am chegoxoguetpi qalaq loxonec qome cam huaqta'a't nỹecpi maye lalamaxat ca npa'aguenaxauapi!»

Salmos 132:8

Ñaq 'anachaañi 'Am Nataxala', nache 'auanaua'a yem 'anmataqa', 'am qataq añi arca maye hueta'aguet da 'ara'añaxac.