Números 10:34 - La'aqtaqa Ñim Lo'onatac 'Enauacna 2013

³⁴ Qaq naxa da choche jec somayepi, nache so lo'oc maye lalamaxat Ñim Nataxala' nalotelec somayepi ye na'a'q da ipelteetalec.

Números 10:34 Referans Kwoze

Salmos 105:39

Qaq Ñim Nataxala' ipelteetalec naqa'en somayepi so lo'oc, qaq ye pe qalaq icoỹattalec na le'eraxa so norec.

Nehemías 9:19

qalaxaye saishet co'ollaxa da 'aualatalec ye toolec 'alhua, nda'a't da 'auauecta'aguet ye na'a'q qataq ye pe, souaxat da ỹataqta lta'araic da 'arauotaxanaqtaic. Ỹoqo'oye saishet da ca'ai 'anqa'en somayepi so lo'oc, maye ỹachaxaata'ague' da llec ye na'a'q, qataq ye pe nache icoỹattalec so norec le'eraxa, da yaqto' ỹauaategue so llec.

Nehemías 9:12

Qaq ye na'a'q nache qoquetaigui so lo'oc da 'auauecta'aguet somayepi, qaq ye pe qalaq qoquetaigui so norec le'eraxa, nache 'aucoỹatta'ague da taỹa'ague somayepi.

Números 10:35

Qaq naxa da jec aso arca maye laỹe soua aỹamaxataxaco, nache so Moisés, 'eeta': ¡Ña qoñisheguem 'Am Nataxala'! ¡Yaqto' na 'Am ipa'agueetacpi nlagaxattac qome!

Éxodo 40:38

Qaq choche iviraxattrauec soua vi'iye co'ollaq queta so Israel le'ecpi, da se'eso lo'oc maye huetaigui Ñim Nataxala', somaye nache 'eetai' da ipelteetalec se'eso npe'l ye na'a'q, qaq ye pe qalaq 'ettaigui somaye. Qaq 'enauac somayepi da ilota'a.