Números 10:33 - La'aqtaqa Ñim Lo'onatac 'Enauacna 2013

³³ Huaña co'ollaxa, nache so Israel le'ecpi, ca'ai añi qasoxonaxa maye lalamaqte Ñim Nataxala', nache tres na'axa'te soua lqueuoxoqui'. Qataq qaica'attaueegue aso arca maye laỹe' da naỹamaxataxac Ñim Nataxala', nache qanmittaique ca huaña da qanayeua'a.

Números 10:33 Referans Kwoze

Deuteronómio 1:33

qamaq Ñimaye nacheñita da hua'auta'ague da qa'aita'ague da yaqto' lca'aique ca huaña da qanmachiiuec. Qaq ye pe nache 'ettaigui naqa'en so norec da icoỹatta'ague so qoyequi, qaq da yo'oxoñi qalaq qami' ipelteetaleguete so lo'oc.»

Éxodo 3:1

Huo'o so na'a'q nache so Moisés ilotague' aso lalo qaguetapi so lacho' Jetro, maye ntaxaỹaxanaxanec ye Madián. Nache so Moisés ỹo'orelec aso qagueta da taỹa ye toolec 'alhua, qaq nache ivitta'a añi qasoxonaxa maye le'enaxat Horeb maye lalamaqte Ñim Lo'onatac 'Enauacna.

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

Ezequiel 20:6

Qaq se'eso na'a'q nache huetoigui co'ollaxa da ñañan da ñeqateeguesop somayepi ye Egipto, nache sauega yem 'alhua maye imitaqteguishec, yem 'alhua maye huaña da saqoue na huaca lche' qataq na dapic lli'i 'eeta'am na 'etaxat, ¡yem 'alhua maye napacalec da lyac na laỹepi 'alhuapi!

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Jeremías 3:16

Qaq qom mashe qami' qalote' da qoñiitalec ne'ena 'alhua, qataq mashe qalota ca qaỹa'alquipi, nache qaica qome ca qaltaq detaqtega aso arca maye laỹe' soua naỹamaxataxaco Ñim Nataxala', nache qaica qome ca iuennatega qataq da tatapigui lauel asomaye, qataq mashe saqaiuen qataq saishet qome da qaltaq qaỹo'ot aca dalaxai. Qaq 'era da ỹa'aqtac Aỹem Nataxala'.

Isaías 66:1

Ñim Nataxala', 'eeta': «Na piguem nachena na ñeso'ootalec, qaq ana 'alhua qalaq nachana ana ỹapiaxalate. Qaq ¿hua'ague ca qaỹa'añiỹa'ague ca ima' da qano'oxoñiisheguem? Qataq ¿hua'ague ca qaỹa'añiỹaña cam ima' maye ishet da ñemataqa'?

Isaías 28:12

Cha'aye Ñimaye mashe 'enapega co'ollaxa namayepi, 'eeta': «'Ena na hueta'a da ñe'emaxa, 'ena na mataqa', qaq nmatec qome cam nasamñi.» Qalaxaye namayepi saishet co'ollaxa da ỹalaxaguet Ñimaye.

Salmos 95:11

Qaq ỹoqo'oye huaigui co'ollaxa so ỹalemataic da san so ỹa'aqtac, da somayepi saishet qome da inoxoneua'a ye 'alhua maye sachaxanapeguem co'ollaxa, yem huaña taxa da nmatec ñaqa'en.»

1 Samuel 4:3

Nache so nalleppi so Israel le'ecpi co'ollaq ỹe'eguelaxa so lanataqa', nache so nqueroxonecpi maye lataxala'pi so Israel le'ecpi nnattega't, 'eeta': ¿Chaq ta'ainco' da Ñim Nataxala' ỹasheetem da qomi' loxonqa na filisteopi? ¡Ña she'eguenaqa'a aca arca maye laỹe' da naỹamaxataxac Ñim Nataxala' maye netaña ye Silo, yaqto' Ñimaye qomi' nca'alaxateeguesopa qome na qampa'aguenaxauapi!

Jueces 20:27

Huaña, nache inat Ñim Nataxala'. Qaq se'eso na'a'q, aso arca maye laỹe' so naỹamaxataxac Ñim Lo'onatac 'Enauacna netaña ye Betel.

Josué 4:7

nache qami' qoñiỹapec qome da qara'aqtaqui: ‹Qomye co'ollaq ỹa'axasoxoolec qanqa'en so tala Jordán aso arca maye laỹe' da naỹamaxataxac Ñim Nataxala', nache na 'etaxat so tala colaxagui. Qaq ne'enaua coma'ye naamaye naigui da yaqto' na Israel le'ecpi nache 'eetai' da lhuennataxat de'era qaỹo'otec co'ollaxa maye huaña ne'ena.›»

Deuteronómio 31:26

«Qauacoñiỹa ana'ana nere maye nanettalec na nqataxacpi, nache qauachiiteua'a na laỹe añi arca maye laỹe' da naỹamaxataxac Ñim Nataxala' maye Qanatamnaxala'ai. Qaq nache huetaña qome, yaqto' aỹem da'aqtaxanem qome da 'eetec na Israel le'ecpi.

Deuteronómio 9:9

Huaña caillaye nache aỹem senossheguemec añi qasoxonaxa da yaqto' saconegueta soua coma'ye maye nanettaleguete da naỹamaxataxac Ñim Nataxala' da qami' naỹamaxateto. Nache sootasheguemec añimaye soua cuarenta na'axa'te, qataq soua cuarenta pe', qaq nache qaica ca sachec qataq qaica ca ñeỹomgui.

Números 10:12

Nache so Israel le'ecpi jec da ca'ai ye toolec 'alhua ye Sinaí. Qaq huaña ye toolec 'alhua ye Parán, nache vi'iiguet se'eso lo'oc.

Éxodo 19:3

Huaña yemaye, nache so Moisés tasheguemec aso qasoxonaxa da nauane' Ñim Lo'onatac 'Enauacna. Nache Ñim Nataxala' iỹaxana somaye co'ollaq huetalec asomaye, 'eeta': «'Aua'aqtaxanem qome de'era ỹa'aqtac na Israel le'ecpi maye chegoxoguet so Jacob, qoneta':

Isaías 11:10

Qaq qom ivita que'eca na'a'q, nache aca llaxataxa se'eso lpa'a' maye nacheso so Jesé, nachaañi qome 'eeta'am da la'anaqte na nhuo' le'ecpi, nache na ỹotta'a't shiỹaxauapi jec qome da nmittaique, qaq cam hueta'a camaye qalaq ỹataqta huo'o qome da llo'oxoyec.

Jeremías 31:2

Ñim Nataxala', 'eeta': Co'ollaq huaña ye toolec 'alhua, nache sachaxana da isoxoyec nam nhuo' le'ecpi maye ỹet co'ollaxa da nleuaxa. Co'ollaq na Israel le'ecpi nmittaique cam nmataqa',