Números 10:29 - La'aqtaqa Ñim Lo'onatac 'Enauacna 2013

²⁹ Huo'o so na'a'q, nache so Moisés 'enapega so lacho' Hobab, som llalec so Reuel maye lma' ye Madián, 'eeta': Qomi' ñeqo'onaxa ye 'alhua maye qomi' ỹachaxanapecoto co'ollaxa Ñim Nataxala'. Ỹoqo'oye qomi' 'auca'ateguelo qome, qaq qomi' 'am sechoxorenaq qome. Cha'aye Ñim Nataxala' ỹachaxana da lchoxonnataxanaxa na Israel.

Números 10:29 Referans Kwoze

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Jueces 4:11

Qaq ye saqaỹapeque ye Cedes, maye naña aso encina ye Saanaim, nache netaña so lpe'l so Jéber, som queniita maye ca'ai so laỹepi queniitapi maye chegoxoguetpi so Hobab, som lacho' so Moisés.

Éxodo 3:1

Huo'o so na'a'q nache so Moisés ilotague' aso lalo qaguetapi so lacho' Jetro, maye ntaxaỹaxanaxanec ye Madián. Nache so Moisés ỹo'orelec aso qagueta da taỹa ye toolec 'alhua, qaq nache ivitta'a añi qasoxonaxa maye le'enaxat Horeb maye lalamaqte Ñim Lo'onatac 'Enauacna.

Éxodo 2:18

Qaq co'ollaq ivireua'a ye lma' so qa'ampi, nache so lta'a Reuel inatta'apo', 'eeta': «¿Che ta'ainco' ye qami' sa qaỹaloxogueta na na'a'q?»

Génesis 32:12

Qaq 'Am, ỹataqtegue co'ollaxa da 'ara'aqtac, da qaica camachaqca 'anqa'en da ỹecỹaxac, qataq cam aỹem chegoxoguetpi, ỹataqta qalota 'eeta'am na lsoche na 'alhua maye huo'ot na loigue aso auaxai, maye saqaivi' da qanaloqten.»

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Hebreos 6:18

Qaq Ñimaye ye saishet da datenataxan, nache dam ỹachaxanapec qataq so ỹan la'aqtac chegoqchigui da maiche la'añaxac, saishet da naralaxat. Qaq damaye qomi' ỹa'añaqche't, cha'aye qomi' sauoqtaique da Ñim Lo'onatac 'Enauacna qomi' npaxattaleguete, qataq huo'o da qarpi'iỹaxac da Ñimaye qomi' ỹanema dam qomi' ỹachaxanapecoto.

Tito 1:2

qataq ỹaỹateeta da aquitaxac da achaalataxac maye chochaq tatec. Qaq Ñim Lo'onatac 'Enauacna maye sa datenataxan, Ñimaye ỹachaxanapec co'ollaxa de'era achaalataxac co'ollaq saxanaqaca ana 'alhua.

Hechos 7:5

Qaq na'aictaxa da somaye hueta'a ne'ena, qalaxaye Ñim Lo'onatac 'Enauacna saishet da ỹashenem da ỹauo'o ca ỹoqta lalamaxat lma'. Qalaxaye ỹachaxanapecot somaye da ỹanem ne'ena 'alhua, qaq da ivita da ileu, qalaq nacheca ca llalaqpi ca talec. Qaq na'aictaxa da se'eso na'a'q so Abraham saxanaxa da huo'o ca llalaqpi.

Jeremías 50:5

Denataxaataique qome ca nqa'aic maye taỹa'ague da Sión, ime nache jec da taỹa yemaye nache, 'eeta': ‹Ñeqo'onaxa Ñim Nataxala', nache sauoqo'o ca chochaq tatec qanaỹamaxataxac maye saishet qome da icoua'ai Ñimaye.›

Isaías 2:3

Qaq anac qome na qalota shiỹaxauapi, nache 'eeta': «Qauanaqui, ñeqo'onaxasheguema añi nqasoxonaxa Ñim Nataxala', añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, huaña nache ishet da qolaqtegueto qome naua lleco Ñimaye.» Cha'aye Ñim Nataxala', chegoqchiguiña qome ye Sión da lapaxaguenataxanaxac, qataq chegoqchiguiñalo qome ye Jerusalén naua la'aqtaqa.

Salmos 34:8

Ñaq qavi'iguiñi Ñim Nataxala', yaqto' qauaỹachiñi da Ñimaye ỹataqta soxoraic. Qaq ỹataqta machiguiñi qome ca shiỹaxaua maye pi'iỹa'a Ñimaye.

1 Samuel 15:6

qalaxaye hua'auñi da ỹamaxa da la'aqtac so queniitapi, da 'enapega 'eeta': Qami' qauaỹamaxacheeta co'ollaxa na Israel le'ecpi co'ollaq chegaqa'a ye Egipto, ỹoqo'oye qoquiỹa'ai qome na amaleciitapi. Qauataiuec qome yaqto' saishet da qaualliquiitaigui namayepi qom ñematchiguiñi. Nache so queniitapi ca'ai co'ollaxa so amaleciitapi.

Jueces 1:16

So chegoxoguetpi so Hobab maye queniita, som lacho' so Moisés, somayepi chegoqchiguiña co'ollaxa ye huaqta'a't nỹecpi maye le'enaxat Chaisat, nache lỹatec so maiche nhuo' le'ecpi maye chegoxoguetpi so Judá da nqo'ona ye toolec 'alhua ye Judá, maye pa'aỹa'ague da la'añaxa ye Arad, da yaqto' nache naña, nache lauoreuapi som shiỹaxauapi maye lma' yemaye.

Números 23:19

Ñim Lo'onatac 'Enauacna saishet da 'eeta'am ca shiỹaxaua, Ñimaye saishet da datenataxan, qataq sa naralaxat ca lhuennataxa. Cha'aye da huo'o ca ỹan la'aqtac, qalaq ipacchigui da ỹo'ot. Qataq da huo'o ca ỹachaxanapec qalaq ipacchigui da ỹan.

Éxodo 18:27

Qaq co'ollaq ime, nache so Moisés ncoyeguene' so lacho', nache somaye ỹe'eguelaxa ye na'alhua.

Éxodo 18:1

Nache so Jetro maye lacho' so Moisés, som ltaxaỹaxanaxanec na netaña ye Madián, somaye la'axaỹaxac 'enauac na ỹo'otec Ñim Lo'onatac 'Enauacna so Moisés, qataq so lalamaxatpi Israel le'ecpi, nataqa'en la'axaỹaxac da 'eetec Ñim Nataxala' co'ollaq nqateeguesop somayepi ye Egipto.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Génesis 13:15

cha'aye Aỹem, 'am sanem qome 'enauac na 'alhua maye 'aulotalec, qaq nache 'eetai' qome da 'aralamaxat, qataq ca 'am chegoxoguetpi qome.

Éxodo 6:4

Nataqa'en ñaỹamaxateto co'ollaxa soomaye da sanema ye 'alhua Canaán yem 'alhua maye huo'o so na'a'q da netalec somayepi, 'eeta'am ca shiỹaxaua ỹaqa'a ca chegoqta'ague.

Éxodo 18:12

Ime, nache so Jetro ỹacona so shiguiỹac, nache ỹavigaxat, ỹauo'o lachetaqtaxanaqte da ỹanot Ñim Lo'onatac 'Enauacna, nataqa'en huo'o aso lỹa lachetaqtaxanaqte. Ime, nache anac so Aarón qataq 'enauac so lqueroxonecpi so Israel le'ecpi, anac da qanhuana'ai' so lacho' so Moisés da qaỹo'oxoren Ñim Lo'onatac 'Enauacna.

Números 10:28

Qaq 'era naxa da 'eetec se'eso alleppi Israel le'ecpi da ivita da jec, nache nalochiguiñi.

Deuteronómio 4:40

Ỹoqo'oye qaualaqaiguet qome na lqataxacpi, qataq na lamaxasoxonaxacpi maye qami' sanema nagui, yaqto' qaica ca da, da qanachaalataxaqui, qataq ca qami' chegoxogueta, qataq logoraic da qanachaalataxaqui da qoñiitalec yi'iye 'alhua maye qami' ỹanema qome Ñim Nataxala' maye Qanatamnaxala'ai.

Deuteronómio 30:5

Nache Ñim Nataxala' qami' ñe'eguelaxatalo qome ca 'alhua maye lalamaxat co'ollaxa so hua'au qarta'ailpi, da yaqto' qaltaq qaralamaxache. Nache qami' ỹanema da lchoxonnataxanaxa, qataq qalota naqa'en ca qaỹa'alquipi, napacalec na llalaqpi so hua'au qarta'ailpi.

Salmos 95:1

Ña qauanaqui, so'otaq da qantonaxac da so'onaxanaqto'ot Ñim Nataxala', so'onaxanaqto'ot Ñim qomi' mpaxattaleguete qataq qarca'alaxaqui.

Salmos 100:1

Ỹataqta qauamaichiguiñi da qauo'onaxañiito'ot Ñim Nataxala', 'enauac qami' maye qoñiitalec ana 'alhua.

Génesis 17:8

Qaq 'am qataq cam 'am chegoxoguetpi, sanem qome 'enauac na 'alhua Canaán, nam qonetaña nagui, da chochaq tatec da lalamaxat qome camayepi, qaq Aỹem nachaỹem natamnaxala' qome camayepi.»

Éxodo 2:21

Qaq co'ollaq deque'etac somaye, nache so Reuel 'enapega da nache hua'a ye lma' somaye, nache so Moisés ỹaỹamaxareeta. Qaq co'ollaq mashe qaỹoqteguelo soua na'axa'te nache so Reuel ỹanem so Moisés da lhua aso llale Séfora.