Números 10:17 - La'aqtaqa Ñim Lo'onatac 'Enauacna 2013

¹⁷ Qaq co'ollaq mashe qansogoñi so npe'l, nache jec na chegoxoguetpi so Guersón qataq so Merari, maye nacheso so qaipataxalec co'ollaxa da ỹachetac naxa so npe'l.

Números 10:17 Referans Kwoze

Números 1:51

Qataq na leviitapi da ivita da qanqochenaxat ca npe'l, nache namayepi nachena na nsoguiñi, qaq da vi'iiguet qanqa'en, nache namayepi ỹa'ara't da qaltaq nauaxaỹaxaasheguem que'eca npe'l. Qataq da huo'o camachaqca chegaqauec shiỹaxaua da saishet da leviita, da taua'a que'eca npe'l, nache camaye qaỹalauat.

2 Pedro 1:14

So Qarataxala' Jesucristo mashe aỹem ỹaỹaanaxanaxanec da saqaỹaloq da ivita ca loga't da ñachaalataxac;

Hebreos 12:28

Sanqot da qana'achec Ñim Lo'onatac 'Enauacna, cha'aye da lo'onataxanaxac Ñimaye maye qomi' ỹanema saishet da ishet da qanqochenaxat. Qaq ỹoqo'oye iuen da sho'oxorenaq Ñimaye chegoqchigui da lta'araic lsoxoyec qataq da ño'oxonnataguec maye ỹaỹamaxareeta da qoỹami'.

Hebreos 9:11

Qalaxaye mashe sogote da nvi' So Cristo, qaq Somaye nacheso So qoỹanem da Lataxala' na Ntaxaỹaxanaxanecpi da qaitaxaỹapegue' Ñim Lo'onatac 'Enauacna, qaq chegoqchigui Somaye 'enauac nam no'on maye qomi' qoỹanema. Cha'aye yem ndaqa' maye huetasheguema da ntaxaỹaxanaxanec, ỹataqta 'onaxaic qataq nalochiguiñi. Saishet da lo'onatac ca chochaq shiỹaxaua, qataq saishet da lma' ana 'alhua.

Números 10:16

Qaq so lataxala' so nalleppi na maiche lalamaxat lauo' le'ecpi so Zabulón, nacheso so Eliab, som llalec so Helón.

Números 10:21

Ime, qataq jec so chegoxoguetpi so Quehat, maye ỹachetac so nogoxoshetpi maye sa qaishetapec. Qaq co'ollaq ivi' somayepi, nache mashe ime da qaltaq qaỹa'ara't so npe'l.

1 Crónicas 23:24

Qaq se'esopi nacheso som chegoxoguetpi so Leví, ỹataqtac som chegoxoguet lta'alpi co'ollaq qoỹerelec aso ne'enaxat lmalate da yaqto' lataxala' nam maiche llalaqpi, maye napactelec ye veinte vi'iye da nachaalataxac. Qaq somayepi, nacheso som huetague' na no'onatacpi aso atamnaxaqui maye lalamaqte Ñim Nataxala'.