Números 1:20 - La'aqtaqa Ñim Lo'onatac 'Enauacna 2013

²⁰ Nache so llalaqpi, qataq so chegoxoguetpi so Rubén, maye la'auaxanec llalec so Israel, qoỹiyiñi 'enauac na le'enaxatpi so ỹalleppi, maye maiche nalamaxat nhuo' le'ecpi, maye ivi' qataq napacalec naua veinte vi'iye da nachaalaxataxac, maye mashe ishet da taỹa ca alaataxac.

Números 1:20 Referans Kwoze

1 Crónicas 5:1

Som chegoxoguetpi so Rubén, maye llalec ỹe so Israel. So Rubén nacheso so la'auaxanec llalec so Israel, qalaxaye iqataqchet dam 'enec ca na'auaxanec ñalec souaxat da huetapeeguet co'ollaxa aso lhua lỹa so lta'a somaye, qaq de'era 'enec cam na'auaxanec ñalec, qaỹasaxaleguete soua llalqa so José, som llalec lỹa so Israel.

Génesis 46:9

Qaq soua llalqa so Rubén: Janoc, Falú, Jesrón qataq so Carmi.

Génesis 29:32

Qaq aso Lea hualaxai co'ollaxa, nache huo'o so llalec, nache ỹanagui da le'enaxat Rubén, cha'aye 'enapeco': «Ñim Nataxala' ila'a co'ollaxa da saquicota. Qaq ỹoqo'oye nagui so ihua aỹem ỹauotec qome.»

Números 1:21

Nache so nalamaxat nhuo' le'ecpi maye chegoxoguet so Rubén, ivi' cuarenta y seis mil quinientos, ndotec ỹalleppi.

Génesis 35:23

Qaq soua llalqa aso Lea, le'enaxat da Rubén so la'auaxanec, qataq jec so Simeón, Leví, Judá, Isacar qataq so Zabulón.