Números 1:2 - La'aqtaqa Ñim Lo'onatac 'Enauacna 2013

² «Qauo'oche qome ca naneraguec na Israel le'ecpi, nache qa'aiyiiuo na le'enaxatpi 'enauac na shiỹaxauapi maye huo'o na maiche lalamaxat llalaqpi, qataq na maiche nalamaxat nhuo' le'ecpi. Nache qa'aiyiñi na le'enaxat ñi 'oonolec na ỹalleppi,

Números 1:2 Referans Kwoze

Éxodo 38:26

Qaq da ima'a't 'enauac so ñiyiguishecpi, maye napacalec ye veinte vi'iye da llaxa, nache ivi' seiscientos tres mil quinientos cincuenta shiỹaxauapi, nache ñi 'oonolec somayepi ivi' ye seis gramos na ỹaneuo na lcat plata, maye maiche lashiichiỹaxac da huaña so npe'l.

Éxodo 30:12

«Da ivita da 'auo'ot aca ne'enaxat lmalate da 'analoqna't ye Israel le'ecpi, nache ñi 'oonolec yemayepi ỹauo'o aca lsheetenaxanaqte da Aỹem ỹanot, da yaqto' lasheue da nachaalataxac, yaqto' saishet da huec naua ỹotta'a't napaxaco maye ishet da qanlema.

Números 1:18

nache lapona't 'enauac so Israel le'ecpi, huetoigui so la'auaxanec na'a'q soua dos ca'agoxoiqa se'eso vi'i. Nache qoỹereuo 'enauac so shiỹaxauapi maye huo'o na maiche lalamaxat llalaqpi, qataq na maiche nalamaxat nhuo' le'ecpi. Qaq 'era da 'eetec co'ollaxa qoỹereuo na le'enaxat 'enauac so ỹalleppi maye ivi', qataq so napacalec naua veinte vi'iye da nachaalataxac.

Números 1:22

Qaq so llalaqpi qataq so chegoxoguetpi so Simeón, qoỹiyiñi 'enauac na le'enaxatpi so ỹalleppi maye maiche nalamaxat nhuo' le'ecpi, maye ivi' qataq napacalec naua veinte vi'iye da nachaalaxataxac maye mashe ishet da taỹa ca alaataxac.

Éxodo 12:37

Nache so Israel le'ecpi ca'ai ye Ramesés, tateuga ye Sucot. Somayepi huac da ivi' saiscientos mil ỹalleppi, ndotec so mashe ishet da taigui na huataxanaq, qaq saishet da qanaloqneuo so 'alpi qataq so ñaqpiolec.

Éxodo 38:25

Qaq so lcat plata ivi' tres mil trescientos diecinueve kilos y quinientos veinticinco gramos, maye maiche lashiichiỹaxac da huaña so npe'l.

Números 1:19

Nache qaipacchigui da lamaxasoxonaxac Ñim Nataxala', maye ỹamaxalec co'ollaxa so Moisés, da ỹo'ot de'era naneraguec se'eso shiỹaxauapi, co'ollaq huaña ye toolec 'alhua ye Sinaí.