Números 1:16 - La'aqtaqa Ñim Lo'onatac 'Enauacna 2013

¹⁶ Qaq 'ena na le'enaxatpi so lataxala'pi som ỹalecta'a't nhuo' le'ecpi, maye ỹaneuo co'ollaxa so Israel le'ecpi, qataq da lataxala' so alleppi.

Números 1:16 Referans Kwoze

Números 7:2

Nache so lataxala'pi na Israel le'ecpi maye nacheso so lataxala'pi na maiche nalamaxat nhuo' le'ecpi, maye ỹataqtac na maiche chegoxoguetpi som ỹo'ottac co'ollaxa aso ne'enaxat lmalate, somayepi ỹaneuo aso lachetaqtaxanaqte,

Éxodo 18:25

Nache lca'aua'a som ỹalleppi Israel le'ecpi maye ỹataqta huo'o na ỹaỹaten. Ime, nache huo'o so ipataxalec da ilo'ogue so mil shiỹaxauapi, qataq so cien, qataq so cincuenta qataq soua diez.

Éxodo 18:21

Qaq 'am, 'alca'agui qome ne'ena nhuo' le'ecpi, 'alca'aua'a cam ỹalleppi maye ỹataqta nalauo, qataq ỹataqta huo'o naq 'enec naqa'en Ñim Lo'onatac 'Enauacna, qataq saq shepecaic, qataq saishet da choche nmitta'ai ca lashiichiỹaxac, qaq ca 'oonolec camayepi huo'o ca 'aupataxalec da ilo'ogue ca mil shiỹaxauapi, qataq huo'o ca 'aupataxalec da ilo'ogue ca cien, qataq huo'o ca 'aupataxalec da ilo'ogue ca cincuenta, qataq huo'o ca 'aupataxalec da ilo'oguelo caua diez.

Números 26:9

nache so Eliab, llalec so Nemuel, Datán qataq Abirán. Qaq se'eso Datán, qataq so Abirán, soomaye ỹalectraigui co'ollaxa so laỹepi so Coré, maye dataỹa'aguet co'ollaxa Ñim Nataxala', qataq Moisés qataq so Aarón.

Números 16:2

soomaye dataira'aguet co'ollaxa so Moisés, nache huaxaiguet so doscientos cincuenta Israel le'ecpi. Qaq se'eso ỹalleppi ỹataqta huo'o naq 'enec, qataq nataxala'pi.

Números 1:4

Qataq qami' ỹalectaiguilo qanqa'eñi ñi 'oonolec na lataxala'pi na maiche nalamaxat nhuo' le'ecpi.

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

1 Samuel 23:23

Nache ỹoqta qanaloqchiñiita ca ỹoqta ỹe'egueetapoigui nqañoxotaxaquipi camaye, ime nache qañe'eguelaqai da aỹem qaua'aqtaxañim, yaqto' nache qami' ñenaicapegueto qome. Qaq da ỹoqta 'eesa da hueta'a yi'iye 'alhua ca David, nache ỹataqta ñematte' qome naua lma'ate yem lauo' le'ecpi so Judá da ñemitaique camaye.

1 Samuel 22:7

nache 'enapega so lamaxashecpi, 'eeta': Qami' ỹalleppi maye qauachegoqoiguet so Benjamín, ñaq aỹem qana'axaỹaxañiỹa. ¿Peta'a qaupicheetega da so llalec so Yesé qami' ỹanema nataqa'en qome ca 'alhua qataq ca uva lma', qataq da 'enauac da qoñiita da qami' ỹanaguilo da qami' lataxala'ate ca mil, qataq ca cien alleppi?

Jueces 6:15

Qalaxaye so Gedeón qaltaq 'enapec: «'Am ỹataxala' ñaq aỹem 'anqouaguec, ¿ca 'eeteco' da ñeca'alaxatec na Israel le'ecpi? Ye nam ỹalamaxat ihuo' le'ecpi namayepi ỹataqta choxoraqpi, da ỹalectaigui na laỹe nhuo' le'ecpi maye chegoxoguetpi so Manasés. Qataq aỹem ye ỹataqta qaica ca ỹa'amaqchec.»

Deuteronómio 1:15

«Nache saconeua'alo soua shiỹaxau' sachegoxotaigui ñi 'oonolec na maiche nalamaxat nhuo' le'ecpi, maye ỹaanaxanaxaiqa qataq mashe nmate' na lataxaguesat, nache sami' da huo'o naq 'enec da qami' ilo'oguelo. Qaq huo'o na ilo'ogue ñaqa'en so mil, cien, cincuenta, diez, qataq huo'o na lataxala' na maiche nalamaxat nhuo' le'ecpi.

Números 11:17

Nache aỹem, senotec qome da 'am ña'aqtaxane', nache sanem camayepi ca laỹolec da na'añaxac maye 'am sanem co'ollaxa, yaqto' 'am itauan da 'auaueca'aguet ne'ena shiỹaxauapi yaqto' saishet da 'andotec.

Números 1:15

Ajirá som llalec so Enán, maye chegoxoguet so Neftalí.»

Números 1:17

Nache so Moisés qataq so Aarón ỹaconeguet co'ollaxa se'eso ỹalleppi maye qoỹaneuo,

Números 10:4

Qaq da 'oonole aca qaỹashiiyigui, nache ndotec na lataxala'pi na maiche nalamaxat nhuo' le'ecpi Israel le'ecpi, da 'am taua'a da laỹona't.

Números 30:1

So Moisés da'aqtaxanem so lataxala'pi so maiche nalamaxat nhuo' Israel le'ecpi, 'eeta': «Da lamaxasoxonaxac Ñim Nataxala', 'eeta':