Nehemías 1:9 - La'aqtaqa Ñim Lo'onatac 'Enauacna 2013

⁹ Qalaxaye nataqa'en qonapec da huo'otaq qomi' 'am she'eguelaxasoxoguet, qataq ỹataqta so'ota'q naua 'aramaxasoxonaxaco, nache na'aictaxa da ñelagaxataq, qataq seviraqa'a ca qaỹoqta 'alhua, qalaxaye ishet da qomi' 'alaỹona't, qataq qomi' 'auauegalo ye 'alhua maye 'arca'aguishec da qomi' 'aỹa'analeguete.

Toba del Oeste

⁹ Qalaĝaja qom male ñatetonaĝala't nataq'aen am jelaqaque nataq'aen jauoqo'oe jodaa'me adamajoĝonaĝaco jo'ne ja 'nalo'te, nataq'aen jo'onataĝanaq joda'me at'aqatac, qama'le qo'mi auachiyoĝotauelo gaa'me aleua lael jo'ne qaya'aguelo qaedi qo'mi a'viyelaĝatalo jodi'me aleua jo'ne joote adiquiyac jo'ne auanem joda'me adenaĝat.

Nehemías 1:9 Referans Kwoze

Jeremías 32:37

«Aỹem llaỹona't qome na nhuo' le'ecpi maye hueta'a na 'alhuapi maye selagaxaalec co'ollaxa, co'ollaq Aỹem nlaxagui da ỹalemataic, inogoxonaxac qataq da chaqaic ỹayeloxo, nache ñe'eguelaxata qome ne'ena 'alhua da yaqto' ỹe'emaqtac qom netalec namaye.

Mateo 24:31

Nache samaqteegalo qome na ỹamaxashecpi, namayepi ỹauota'a ana lasheere da yaqto' laỹona't nam Aỹem ca'attague'pi.

Jeremías 12:15

Qalaxaye qom mashe ime da ñeqateua'a namayepi, nache qaltaq she'eguelaxa da sechoxoren, nache she'eguelaxata qome nam lalamaxatpi lma'pi qataq na na'alhua.

Isaías 56:8

Qaq 'era da la'aqtac Ñim Nataxala', ñim laỹona't nam qaỹauec co'ollaxa Israel le'ecpi, 'eeta': «Aỹem llaỹona't qome nam ỹalamaxat nhuo' le'ecpi, qataq nam laỹe nhuo' le'ecpi da yaqto' huaxaiguet ñaqa'en nam mashe llaỹona't co'ollaxa».

Salmos 147:2

Ñim Nataxala' qaltaq no'oxoosheguem ye Jerusalén, qataq laỹona't na Israel le'ecpi maye laga't co'ollaxa.

Esdras 6:12

¡Qaq Ñim Lo'onatac 'Enauacna maye lca'aua'a co'ollaxa ye Jerusalén da lma' naqa'en da le'enaxat Ñimaye, ilaxachigui qome ca camachaqca nta'a, huo'otaq ca ỹotta'a't shiỹaxauapi da ỹauotaique naralaxat de'era ỹamaxasoxonaxac, huo'otaq da nlaxaañi aca atamnaxaqui maye lalamaqte Ñim Lo'onatac 'Enauacna! Aỹem Darío, 'era da ỹamaxasoxonaxac, qaq damaye qaỹa'axatec qome, qataq ỹataqta qaipacchiguilo da qaỹo'o't naua shena'ape.»

Deuteronómio 12:5

qaq cha'aye cam nanataqa' maye lca'ateua'a qome Ñim Nataxala' da yaqto' huaña da qanauane' Ñimaye, da ỹalectaigui na maiche nhuo' le'ecpi. Qaq nacheca ca qanmichiỹaique da huaña da qatamñiỹot Ñimaye.

Ezequiel 36:24

Aỹem qami' ñeqateeguesopa qome 'enauac ne'ena ỹotta'a't shiỹaxauapi, qataq nam 'alhuapi, nache qami' llaỹona't qome, nache qami' she'eguelaxatalo yem maiche qana'alhuai.

Jeremías 31:10

Qaq qami' ỹotta'a't shiỹaxauapi ñaq qana'axaỹaxañiỹa da la'aqtac Ñim Nataxala', qataq qaua'aqtaxañim nam hueto'ot na qaỹoqta loiguepi: ‹Ñim Nataxala' ilagaxattac co'ollaxa na Israel le'ecpi, qalaxaye qaltaq laỹona't qome nache ilo'ogue namayepi, 'eeta'am ca qagueta lo'o da ilo'ogue aca lalo qaguetapi.›

Isaías 11:12

Qataq nauaxaỹaxaasheguem qome aca la'anaxanaqte da yaqto' nam ỹotta'a't shiỹaxauapi ila'a, nache laỹona't na Israel le'ecpi maye qaỹauega co'ollaxa ye ỹaqa'a 'alhuapi, qataq chegoqchiguiña naqa'en 'enauaque naua laỹel ana 'alhua, na Judá le'ecpi maye nlagaxattac co'ollaxa.

Salmos 106:47

'Am Nataxala' maye 'Am Qanatamnaxala', ñaq qomi' 'anca'alaxatrec qome, qataq qomi' 'anqateua'alo da salegaqta'aguet na ỹotta'a't shiỹaxauapi na souaqta'alo, yaqto' sanaqot da qana'achecỹaxac da qui'itta 'are'enaxat, qataq so'otaq da qayo'oxonnataxanaxac.

1 Reyes 9:3

nache 'eeta': «Aỹem, sa'aqchigui so 'anqouagaxaunaxac qataq so 'anachoxonnaxac. Qaq ana'ana atamnaxaqui maye 'ano'oxoosheguem, anamaye seỹotauga da yaqto' nache hueta'a qome da ỹe'enaxat, qataq nache 'eetai'salo naua na'axa'te da huetalec da imeenaxanaxac, qataq da iquiyaqteỹaxac.

Jeremías 3:14

Ñim Nataxala', 'eeta' da la'aqtac: «Ñaq aỹem qañe'eguelaqaỹa qami' qauemaicpi ñalaqpi, cha'aye nachaỹem Qarataxala'ai. Ñim 'oonolec nam huaqta'a't nỹecpi maye ỹotta'a't naua nañalo, qalaq 'oonolec qome ñi sacootaua'a da qoñeeta, qataq ñi 'oonolec nam maiche nhuo' le'ecpi, qalaq dos qome ñeua sacootaua'alo, nache ñe'eguelaxata na Sión.

1 Crónicas 16:35

Qataq qoñiỹapec: «¡Ña qomi' 'anca'alaxatrec 'am maye 'Auo'otapecna maye 'am qarca'alaxaqui! Qomi' 'alaỹona't qataq qomi' 'ausoueeguesopa nam ỹotta'a't shiỹaxauapi, yaqto' sho'oxorenaqtac dam qui'itta 'are'enaxat, qataq qaramachiguiñi da 'am sho'oxorenaqtac.»

Deuteronómio 12:21

Qaq da huo'otaq qaỹoqta ca huaña ca lca'ateua'a da lanataqa' Ñim Nataxala', nache qami' ishet da qaualauache ca shiguiỹac maye chegaqaigui ca qaralamaxache huacapi, huo'otaq qaguetapi, maye qami' ỹanema Ñim Nataxala', qaq nache huaña ca qoñiita'a da qollequi, nache qaupaquiichigui da ỹamaxasoxonaxac.

1 Reyes 8:48

Nache da ỹataqta 'am imato'ot da lquiyaqteỹaxac, qataq da nachaalataxac da 'am ỹe'eguelaxa, da hueta'a que'eca na'alhua ca mpa'aguenaxauapi maye ỹauec co'ollaxa, nache da 'am nqouagaxaunot, datategue na huaña ne'ena 'alhua maye 'aỹa'anem co'ollaxa so lta'alpi, qataq nam huaqta'a't nỹecpi maye 'arca'aguishec, qataq ana atamnaxaqui maye ño'oxoosheguem da yaqto' 'aralamaqte,

Salmos 107:3

nam laỹona't co'ollaxa Ñimaye, ỹachegoxotchiguiña na ỹotta'a't 'alhuapi, nam pa'aigue da sheu', taguiñi, yo'oxoñi qataq da avit.

Isaías 27:12

Qaq que'eca na'a'q Ñim Nataxala' do'onataxan qome, chegoqchiguiña ye tala Éufrates nache ivitta'a so tala ye Egipto, 'eeta'am ca ichegoqtac ana ala ca nañiguishec, qalaxaye qami' Israel le'ecpi qami' qalaỹona't qome, qalaq qaỹacootaua'a ñi 'oonolec da qoñiita.

Jeremías 6:22

Ñim Nataxala' 'eeta', da la'aqtac: «Yem qaỹoqta 'alhua maye pa'aigue da sheu', mashe naỹamaxattac da anac yem shiỹaxauapi maye 'añaxaicpi.

Ezequiel 14:6

Qaq ỹoqo'oye qonapega qome na Israel le'ecpi, qoneta': ‹Da la'aqtac Ñim Nataxala', 'eeta': Aỹem qañi'iguelaqaỹa qome, qataq qoquiỹa'ai na qarqolaqui qataq qa'axañiiñi da qauo'ocheetac 'enauac nam qaiqaigapi.›

Levítico 26:3

Qaq da qaualaqaigueta naua iqataxaco, qataq ỹataqta qauo'oche' naua ỹamaxasoxonaxaco,

Deuteronómio 30:1

Qaq qom mashe qami' nvitalo 'enauac de'era qami' sa'aqtaxaatapeguema, nchoxonnaxataxanaxac qataq da qauem maye qami' sanema da qalca'aigui, qataq qauennataxañi qom qoviita'a ca na'alhua na ỹotta'a't shiỹaxauapi maye qami' ỹo'ora'alo Ñim Nataxala' maye Qanatamnaxala'ai,

Zacarías 8:7

Aỹem, sesoueeguesop qome na ỹalamaxatpi nhuo' le'ecpi da la'añaxac na shiỹaxauapi maye lma' ye 'alhua maye pa'aỹa'ague da nala' lliguisheguem, qataq na pa'aỹa'ague da nala' lliguiñi,