Nehemías 1:7 - La'aqtaqa Ñim Lo'onatac 'Enauacna 2013

⁷ Qomi' ỹataqta qauem na so'otaqpi, qataq saishet da salaxasoxoguet na 'aramaxasoxonaxacpi maye qomi' 'anema co'ollaxa, 'auachegoxotchigui so 'aramaxashec Moisés.

Toba del Oeste

⁷ Yataqata ja no'en da'me jo'ne jauoqo nale, queda'me ja jauoqo'oe jogaa'me adamajoĝonaĝaco jo'ne auanema joñe'me anejoĝonec Moisés.

Nehemías 1:7 Referans Kwoze

Daniel 9:11

'Enauac na Israel le'ecpi saỹalaxaguet na 'arapaxaguenataxanaxacpi qataq 'aramaxasoxonaxacpi, ỹoqo'oye qomi' taleguete dam qauem, qataq da qoỹan co'ollaxa na'aqtac, maye nanettalec aso lmalate na lamaxasoxonaxacpi so 'aramaxashec Moisés, cha'aye huo'o da qarasouaxashet 'am hueto'ot.

Daniel 9:13

Qaq 'enauac de'era qauem qomi' taleguete, nache ipacchigui som nanettalec aso lmalate na lqataxacpi so Moisés, qalaxaye qomi' saishet da 'am ñimitaqaique 'Am Nataxala' maye 'Am Qanatamnaxala', qataq saishet da saxanaxañi nam qauem maye so'otaqtacpi, qataq saishet da qolaxague dam 'eesa lataxac.

Salmos 106:6

Qomi' huo'o na qarasouaxashetpi shenaqta'am so qarta'alpi, da so'otaqtac na qauemsat qataq na ñe'etaxaloxosat.

Apocalipsis 19:2

Cha'aye Ñim Lo'onatac 'Enauacna saishet da depe'enaxan da huo'o ye nmit qataq ipagaqchiichigui da 'eesa lataxac. Ỹauo'o da nhuaxanaguec añi ỹataqta lta'araic da lquisheguetaxac maye ỹapaxaguenec 'enauac na huetalec ana 'alhua, da natamnot nam qanatameetacotpi maye saq 'en. Qataq qaỹo'ot da nhuaxanaguec, souaxat da ỹalauat nam lo'onataxanaxanecpi Ñimaye.»

Malaquías 4:4

Qantoñeeta'aque qome, naua iqataxaco maye sanema co'ollaxa so ỹamaxashec Moisés, co'ollaq huaña añi qasoxonaxa Horeb, naamaye nachenaua na llapaxayiñi lataxaco, qataq ỹamaxasoxonaxaco da yaqto' 'enauac na israel le'ecpi iuen da ỹalaxaleguete.

Sofonías 3:7

Nache da iuennataxac, 'eeta': ‹Da sheetec de'era nache ye Jerusalén Aỹem ñi'iỹa qome, nache ỹaconeguet qome da sapaxaguen; yaqto' saishet da dolagui na lma'pi, cha'aye souaxat da Aỹem sauo'o da nhuaxanaguec.› Qalaxaye namayepi ỹataqta iỹala'a co'ollaxa da ỹo'ot na ỹotta'a't qauemsat.

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.

2 Crónicas 27:2

Qaq so Yotán ỹo'ot co'ollaxa nam ỹataqta ỹaỹamaxareeta Ñim Nataxala', cha'aye ỹataqta quetelec 'enauac nam ỹo'otpi co'ollaxa so lta'a Uzías, qalaxaye saishet da taigui co'ollaxa aso atamnaxaqui maye lalamaqte Ñim Nataxala' da ỹavigaxat na lchenaxanaxat. Qalaxaye ỹasheetem som shiỹaxauapi da nache queto'ot da natameetacot so atamnaxala'pi maye saq'en.

2 Crónicas 25:4

Qalaxaye saishet da ỹalauat som llalaqpi somayepi, cha'aye nache 'eetec som nanettañi nqataxac maye huetalec aso lere so Moisés, maye da la'aqtac co'ollaxa Ñim Nataxala', 'eeta': «Nam nta'alpi saishet qome da qaỹalauat souaxat cam lasouaxashetpi cam llalaqpi, qataq cam ñalaqpi saishet qome da qaỹalauat souaxat cam lasouaxashetpi ca lta'alpi, maye nacherata da qaỹalauat ñi 'oonolec souaxat ca maiche lasouaxashet.»

1 Reyes 2:3

Ñaq 'aualaxagueto' qome naua lamaxasoxonaxaco Ñim Nataxala' maye 'Anatamnaxala', qataq 'auo'ot nam 'eetapeguecpi Ñimaye, qataq 'aupacchiguilo naua lqataxaco, lamaxasoxonaxaco, qataq naua lapaxayiñi lataxaco maye ỹelyiñi co'ollaxa so Moisés. Yaqto' maicheye cam qoueta'ague, qalaq nquictasheguem qome da ỹaỹamaqchiguiñi 'enauac nam 'auacoolec da 'auo'ot.

Deuteronómio 6:1

Qaq 'ena na namaxasoxonaxacpi, nqataxacpi, qataq na qalapaxañi lataxacpi, maye aỹem ỹamaxalec Ñim Nataxala' maye Qanatamnaxala'ai da qami' sapaxagueneque, yaqto' ỹataqta qauo'oche qom mashe qoñiitalec yi'iye 'alhua maye qami' ỹanema qome da qaralamaxache.

Deuteronómio 5:1

So Moisés iỹaxaneuga da laỹona't 'enauac so Israel le'ecpi nache, 'eeta': «Qami' Israel le'ecpi, ña qana'axaỹaxañiỹa nagui na qami' sanema nqataxacpi, qataq na qalapaxañi lataxacpi, nache qanapaxagueñiỹa qome qataq ỹataqta qauo'oche.

Deuteronómio 4:5

Aỹem mashe qami' sapaxagueneque naua nqataxaco maye aỹem ỹamaxaleguete co'ollaxa Ñim Nataxala' maye Qanatamnaxala' da yaqto' qauo'oche', qom mashe qoñiỹalec ye 'alhua maye qarma'ai qome.

Deuteronómio 4:1

Qaq nagui qami' shenapegalo qami' Israel le'ecpi, qana'axaỹaxañiỹalo qome naua qalapaxayiñi lataxaco, qataq naua namaxasoxonaxaco maye qami' sapaxagueneque, qataq ỹataqta qauo'oche' qome, yaqto' qarca'alliiuec, qataq qoñiỹalec ye 'alhua maye qami' ỹanema qome Ñim Nataxala' maye Natamnaxala' so hua'au qarta'ailpi.

Levítico 27:34

Qaq 'ena na lamaxasoxonaxacpi Ñim Nataxala' maye ỹanem co'ollaxa so Moisés da yaqto' ỹanem so Israel le'ecpi, co'ollaq huaña añi qasoxonaxa Sinaí.

Isaías 1:4

Choxoraicpiolec nam shiỹaxauapi maye 'etaxaloxoicpi, nhuo' le'ecpi maye nlaxagui na lasouaxashetpi, namayepi chegoxoguet so qauemaicpi, ñalaqpi maye lqopitaxat na qauem. Namayepi qaỹoqta naqa'en Ñim Nataxala', qataq ca'ai Ñim Qui'itta Natamnaxala' na Israel le'ecpi.

Salmos 89:31

qataq da ỹe'enai' na iqataxacpi qataq da sa ỹalaxaguet na ỹamaxasoxonaxacpi.

Salmos 89:32

Nache serolec aca ỹashelte da seuaxan souaxat da sa ỹalaq, qataq sauota'a ca iuaxanaxanaxat da seuaxan souaxat da lle'etaxaloxo.