Nehemías 1:6 - La'aqtaqa Ñim Lo'onatac 'Enauacna 2013

⁶ Nagui, 'am ñachoxonnot da 'ana'axaỹaxana da ñatamnaxac, cha'aye maiche aỹem 'aramaxashec, ỹoqo'oye ye na'a'q qataq ye pe 'am seỹaxaatacot da 'anqouaguec na 'aralamaxat Israel le'ecpi. Cha'aye saỹateeta da aỹem qataq na ỹalaqpi maye salegaqtaigui, namayepi huo'o da qarasouaxashet 'am hueto'ot.

Toba del Oeste

⁶ Male jayem anaquiaĝana nayi, qama'le aua'uo joda'me jiyaĝataque da'me am ñachoĝodenot nale pi'yaq uotaĝa nolo', da'me jayem mach'e anejoĝonec jo'ne qaya'te yepitaĝanaĝac, jo'ne jetaque yecochiya jodi'me Israel. Jechoĝo't jogaa'me qadoeco da'me am ñautenaĝa, ena'ama jogaa'me 'uaediñe jiyaĝadipi, nach'e ena'am jayem.

Nehemías 1:6 Referans Kwoze

Daniel 9:20

Qaq aỹem nache shecto'ot da ñatameetac, qataq da sa'axattac nam ỹasouaxashetpi, qataq na lasouaxashetpi na ihuo' Israel le'ecpi, qataq saatacot da ñachoxonnaxac Ñim Nataxala' maye Ñatamnaxala', seỹaxaateguelec añim qui'itta nqasoxonaxa.

Daniel 9:4

Nache ñatamnot, qataq sa'aqtaxanem Ñim Nataxala' maye Ñatamnaxala', sheeta': 'Am Nataxala', maye 'Aro'onatac 'Enauacna 'Am lta'araic qataq 'Am 'añaxaic, maye nache 'eetai' naxa da 'aupacchigui nam 'auachaxanapecpi, qataq 'auachaxana da 'arauotaxanaqtaic nam 'Am ỹauotecpi, qataq ipaqueelec nam 'aramaxasoxonaxacpi:

Salmos 34:15

Ñim Nataxala' ntela'a na shiỹaxauapi maye no'on da lataxac, qataq hua'axaỹa na natamnaxacpi.

Salmos 106:6

Qomi' huo'o na qarasouaxashetpi shenaqta'am so qarta'alpi, da so'otaqtac na qauemsat qataq na ñe'etaxaloxosat.

2 Crónicas 29:6

Cha'aye so hua'au qarta'alpi ỹataqta sa ỹalaq co'ollaxa, nache ỹo'ot nam ỹataqta qauem ỹauaachigui naqa'en Ñim Nataxala' maye Qanatamnaxala', qataq ca'ai nache ỹo'otan yem lanataqa' Ñim Nataxala'.

2 Crónicas 6:40

Qaq nagui, 'Am Ñatamnaxala', 'am ñachoxonnot da huetalec qome da 'armeenaxanaxac ne'ena, qataq 'aua'axaỹa qome ca atamnaxac da huaña ne'ena.

Isaías 6:5

Qaq huaña nache shenapec: «¡Choxoraicolec aỹem, yo'oqta da seleu nagui! Cha'aye ỹataqta sauaachigui Ñi Nta'a, Ñim Nataxala' maye Qaica ca Ỹaqalanapec, cha'aye aỹem ỹataqta aỹem 'etaxaloxoic, qataq salectaigui na nhuo' le'ecpi maye ỹataqta qauema naua la'aqtaqa.»

1 Juan 1:9

Qalaxaye da sa'aqtaxanaxam naua qarasouaxashe'ete Ñim Lo'onatac 'Enauacna, qalaq nataqa'en qolaqto'ot da qarpi'iỹaxac da Ñimaye maye no'on da lataxac, ishet da qomi' ichoxore'n qataq iỹouec 'enauac na sa ỹaỹamaxañisat maye so'otaqtac.

Lucas 18:7

Qaq Ñim Lo'onatac 'Enauacna ¿peta'a saq 'eeteco' nataqa'en de'era, da iueelec cam lca'aguishec maye nachoxoreetacot Ñimaye naua na'axa'tesa'ache qataq naua pe'? Qaq ¿peta'a huo'o ca ỹectega? 'A'i saishet.

2 Timoteo 1:3

Da tachigui ye iuel 'am, ye na'a'q qataq ye pe da ñeqouagaxaueetac, nache sanot da ña'achec Ñim Lo'onatac 'Enauacna maye so'otta'ape naua la'aqtaqa, qataq ñanomta da qaica ca hueto'ot ỹasouaxashet. Qaq de'era nachera da 'eetec nataqa'en so hua'au ita'alpi.

Lamentaciones 5:7

Som qarta'alpi huo'o co'ollaxa na lasouaxashetpi qaq somayepi mashe ileu, qalaxaye qomi' taleguete nagui na lasouaxashetpi somayepi.

1 Timoteo 5:5

Aca pa'ai maye ỹoqta 'eesa da qaỹalata'a't, acamaye imato'ot da naquitaxac Ñim Lo'onatac 'Enauacna da iỹaxaatacot ca ntaunaguec, ye na'a'q qataq ye pe.

Salmos 130:2

'Aua'axaỹa qome da iỹaxanaxac 'Am Nataxala', ñaq 'auqocha'a da ỹa'alaxac da 'am seỹaxaatacot.

Salmos 55:17

Nache she'eguelaqto'ot qome Ñimaye qataq ñeỹeeto'ot ye nte'eta qataq ye avit, qaq Ñimaye hua'axaỹa qome de'era ivilỹaxac.

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

Esdras 10:1

Qaq so Esdras co'ollaq ña nqouagaxaueetac qataq ỹaatac so la'aqtac, souaxat na lasouaxashetpi so lauo' le'ecpi qataq nỹeetac, ỹa'attrañi naua l-llecte, hueta'a aso atamnaxaqui maye lalamaqte Ñim Lo'onatac 'Enauacna, nache anac so qalota ỹalleppi, 'alpi qataq so ñaqpiolec maye Israel le'ecpi. Qaq 'enauac somayepi coleesop somaye, nache nỹeetac souaxat da lta'araic nqui'ic.

Efesios 2:3

Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

Lucas 2:37

qalaxaye nagui asomaye pa'ai qataq mashe ivi' ochenta y cuatro vi'i da llaxa. Asomaye hueta'a añi no'onaxanaxaqui late'erai ye pe qataq ye na'a'q nqouaqchettac, nqouagaxaueetac qataq ỹo'oxoreetac Ñim Lo'onatac 'Enauacna.

Salmos 88:1

'Am Nataxala', 'Am Atamnaxala' maye ica'alaxaqui, ye na'a'q qataq ye pe, 'am seỹaxaatacot da aỹem 'autauan,

Esdras 10:11

Qaq nagui, ỹataqta qanauattoñiitela't da huo'o da qarasouaxashichi maye hueta'asop Ñim Nataxala' maye Natamnaxala' so hua'au qarta'alpi, qataq qauo'oche' qome naua ỹaỹamaxareete' Ñimaye. Qataq qaỹa'axañeeuec qome 'enauac na chegaqauecpi maye natameetacot na ỹaqa'a atamnaxala'pi, qataq na 'alpi maye chegaqauec maye qauaroñeeguet.

2 Crónicas 28:10

Qaq nagui nache qaltaq qauacoñiiua'a da qauauo'oi qarlataqui na shiỹaxauapi maye lma' ye Judá, qataq ye Jerusalén. Qaq ¿peta'a saisheto' da huo'o da qarasouaxashechi hueto'ot Ñim Nataxala' maye Qanatamnaxala'ai?

1 Samuel 15:11

«Ỹataqta huo'o da ñetogotaxac da sanagui da nta'a ñi Saúl, cha'aye ñimaye aỹem ca'ai qataq saỹalaxaguet na ỹamaxasoxonaxacpi.» Nache so Samuel ỹataqta qaica ca lamaic, nache imauec se'eso pe da nqouagaxaueetacot Ñim Nataxala'.

1 Reyes 8:30

Qataq 'aua'axaỹa qome da lỹaxanaxac ne'ena 'aramaxashec, qataq na 'aralamaxat nhuo' Israel le'ecpi qom ivita da nqouagaxauen da hueta'a ne'ena. Qataq 'aua'axaỹa da qoueta'a na piguem maye 'aranataqa', ñaq 'aua'axaỹa qome qataq 'auapalaxat na lasouaxashetpi.

1 Reyes 8:47

qaq da hueta'a que'eca 'alhua maye qaỹauega souaxat da noxonecpi, nache da nauattoola't da huo'o ca lasouaxashet, nache 'am nqouagaxaunot, 'eeta': Qomi' huo'o da qarasouaxashet, qataq so'otaq na qauempi, qataq na saỹaỹamaxañipi.

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Salmos 102:17

Qom ilo'oguet da natamnaxac nam qaica ca mpaxattalecpi, qataq saishet da sa hua'axaỹa da nachoxonnaxac namayepi.

Daniel 9:5

Qomi' huo'o co'ollaxa da qarasouaxashet, qataq so'otaq da qauem, qomi' qauemaiqa qataq sa salaxasoq, qataq saishet da 'am seuennataqa'a, qataq qolqa'ai co'ollaxa na 'aramaxasoxonaxacpi, qataq na 'arqataxacpi.

Daniel 9:8

'Am Nataxala', qomi' qataq nam nta'alpi maye qomi' ilotegueto, qataq nam qarataxala'pi, qataq nam qarta'alpi, ỹataqta huo'o da qara'agaxa, souaxat da 'am hueto'ot na qarasouaxashetpi.

Daniel 9:15

'Am Nataxala' maye 'am Qanatamnaxala', 'auachaxan co'ollaxa da lta'araic 'ara'añaxac, co'ollaq 'anqateeguesop ye Egipto na 'aralamaxat nhuo' le'ecpi, qaq nache chegoqchiguiña co'ollaxa da 'auo'ot da la'amaqchec da 'are'enaxat, nache ivitta'a nagui, qalaxaye qomi' huo'o da qarasouaxashet, qataq so'otaqtac na qauem.