Nehemías 1:5 - La'aqtaqa Ñim Lo'onatac 'Enauacna 2013

⁵ Nache sheeta': «'Am Nataxala', maye 'Aro'onatac 'Enauacna maye qoneto'ot na piguem, 'am 'amaqtaqaic qataq chaqaic, maye 'aupacchiguilo naua 'anaỹamaxataxaco, qataq sa 'anapacalec ca 'am ỹauotec, qataq ỹalaxagueta naua 'aramaxasoxonaxaco.

Toba del Oeste

⁵ Qama'le jenaac: «Am Jaliaĝanec Dios jo'ne ona'ague di'me piyem, am jo'ne 'uañaĝaic, am jo'ne let'adaic nataq'aen am qot'oiyapega; da'me am jo'ne nach'e eta't da'me adoqopitalo gaa'me jo'ne am noqopideta nataq'aen yoqocha'alo daa'me adamajoĝonaĝaco nataq'aen da'me auen yepaquichigui da'me a'naĝataĝac jo'ne auanema ca'li jogaa'me.

Nehemías 1:5 Referans Kwoze

Éxodo 20:6

Qalaxaye ỹataqta lta'araic da ỹauotaxanaqtaic ca aỹem ỹauotec qataq ỹalaxaleguete naua iqataxaco, qataq choche tatec da sauotec cam llalaqpi.

Deuteronómio 7:21

Ỹoqo'oye saishet qome da qami' iviloxolaqche't da qarcolanaqai souaxat da qañi'iitega yemayepi, cha'aye Ñim Nataxala' maye Qanatamnaxala'ai, Ñim 'Amaqtaqaic qataq ncolanaxat qami' hueta'agueta.

Nehemías 4:14

Qaq co'ollaq sela'a da ỹataqta ñi'i somayepi, nache ñachaañi da shenapega so nataxala'pi, nta'alpi, qataq 'enauac som laỹepi shiỹaxauapi, sheeta': «¡Saishet qome da qayi'iitac! Nacherata da qauennachiỹa'a Ñim Nataxala' da ỹataqta 'añaxaic qataq ncolanaxat, ỹoqo'oye qauloquiilec qome na qarqaỹaipi, qaỹa'alquipi ỹalleppi, qataq 'alpi, qataq ana qaramoxouaipi, qataq naua qarma'achilli'.»

Deuteronómio 7:9

Ỹoqo'oye qauauattoñiita qome da Ñim Nataxala' maye Qanatamnaxala'ai, Ñimaye ỹataqta 'eesa, qataq ipactelec da naỹamaxataxac, qataq da lchoxonnataxanaxa maye ỹanem cam ỹauotec, qataq ỹo'ot na lamaxasoxonaxacpi Ñimaye, nache ivitta'a ca ỹataqta qalota maye chegoxoguetpi camaye,

Nehemías 9:32

Qaq ỹoqo'oye 'am Qanatamnaxala', Atamnaxala' maye 'amaqtaqaic, 'añaxaic, qataq ncolanaxat, maye 'aupacchigui da 'anaỹamataxac qataq da nache 'eetai' da 'arauotaxanaqtaic ne'ena 'aralamaxat nhuo' le'ecpi, saishet qome da saq 'amaqtaq 'anqa'en da 'aulotagui da nque'eenaxac so qarta'alpi, qarataxala'pi, ntaxaỹaxanaxanecpi, na'aqtaxanaxanecpi, qataq so hua'au qarta'alpi qataq 'enauac na nalamaxat nhuo' le'ecpi, chegoqchiguiña se'eso na'a'q da lo'onataxanaxac so nta'alpi ye Asiria, nache ivitta'a nagui.

1 Reyes 8:23

nache 'enapeco': «'Am Nataxala' maye Natamnaxala' na Israel le'ecpi, na pa'asheguem na piguem qataq na huetalec ana 'alhua, qaica ca Atamnaxala' da 'eeta'am 'am, da 'aupacchiguilo naua 'anaỹamaxataxaco, qataq da 'archoxonnataxanaxa cam ỹataqta lquiyaqteỹaxac da 'am do'onataxanot,

1 Crónicas 17:21

Qaq ỹoqo'oye negue'tom ca 'eeta'am ne'ena 'aralamaxat nhuo' Israel le'ecpi, cha'aye nachenata namayepi da 'ausoueeguesop co'ollaxa da nlataguec da yaqto' 'aralamaxatpi, nache 'auo'ot da la'amaqchec da 'are'enaxat, 'auachegoxotchigui na lta'araicpi maye ỹo'ot da na'aalaxa, co'ollaq 'auamaqauec nam ỹotta'a't shiỹaxauapi, ỹauaachigui 'anqa'en na 'aralamaxat nhuo' le'ecpi, maye 'anqateeguesop co'ollaxa ye Egipto.

Salmos 47:2

Cha'aye Ñim Nataxala', Ñim Nataỹaña 'enauacna, Ñimaye ỹataqta huo'o da lchec, Ñimaye nacheñi ñi lta'araic nta'a 'enauac na huetalec ana 'alhua.

Salmos 89:2

Sa'axattac qome da 'arauotaxanaqtaic da nache 'eetai', qaica ca loga't, qataq da sa nqui'c naua 'ara'aqtaqa, 'eeta'am na piguem.

Salmos 89:3

Qaq 'am qoneta': «Aỹem ñaỹamaxate' so lleca'aguishec. Sachaxanapeguem so ỹamaxashec David da sepacchigui qome da ỹa'aqtac, 'eeta':

Deuteronómio 7:12

Qaq da ỹataqta qauloiteleguete ne'enaua nqataxaco, qataq qaupaquiichiguilo da qauo'oche', nache Ñim Nataxala' maye Qanatamnaxala'ai, ipacchigui qome da ỹo'ot 'enauac na ỹan la'aqtacpi co'ollaq naỹamaxate' so hua'au qarta'ailpi.

Esdras 1:2

«Qaq 'era da la'aqtac ñi nta'a Ciro, maye nta'a ye Persia, 'eeta': Ñim Lo'onatac 'Enauacna maye neto'ot na piguem, Ñimaye lalamaxat 'enauac na huetalec ana 'alhua, qaq Ñimaye aỹem ỹanem da aỹem lta'a 'enauac na nta'alpi naua 'aleu'. Ñimaye aỹem ỹamaxalec, da ño'oxoosheguem aca atamnaxaqui ye Jerusalén, maye huaigui ye 'alhua Judá.

Nehemías 2:4

Nache se'eso nta'a, 'enapec: ¿Qaq chaq negue't ca 'anshetaique da 'am setaunec? Huaña nache ỹataqta seỹaxanot Ñim Nataxala' da aỹem itauan.

Nehemías 4:8

Qaq huaña nache 'enauac somayepi huaxaỹa't da yaqto' qomi' iloquiaxa'n, qataq da qomi' iqalhuaqche't.

Salmos 76:8

Qaq chegoqtot na piguem da 'auachaxan da nalochiguiñi lataxac da huo'o ca 'anmit, nache ana 'alhua huo'o da lcolanaxa nache ỹataqta ỹe'emaqtom.

Salmos 89:8

'Am Nataxala', Atamnaxala' maye Qaica ca 'Auqalanapec, ¿negue'tom cam 'am 'eeta'am? Cha'aye 'am 'añaxaic qataq 'am coleesop da 'eesa lataxac.