Nehemías 1:3 - La'aqtaqa Ñim Lo'onatac 'Enauacna 2013

³ Nache soomaye aỹem da'aqtaxaarem, 'eeta': «Qomye na ỹet co'ollaxa da nanoxonaguec, nache no'onalec yi'iye 'alhua Jerusalén, yemayepi ỹataqta ỹaguec da lachoxoyec qataq da ne'enaguec. Qataq so lpaqtaxat yemaye ỹataqta nlachiguiñi qanqa'en, qataq so lasompi ỹataqta ỹavicta souaxat so norec.»

Toba del Oeste

³ Jogaa'me jayem 'yaĝadetem: «Jogaa'me jo'ne ne'uaqa joda'me nalada't jo'ne ja qoyaue'j qa'a yataqata ja no'en joda'me 'loyaĝa'j nataq'aen 'uo joda'me lepocoĝo'j, qa'a da'me nequepaĝatejop di'me Jerusalén yataqachiñe qonolaĝachiñe, nataq'aen jogaa'me jo'mi jo'ne datochidiñe.»

Nehemías 1:3 Referans Kwoze

Nehemías 2:17

Huaña nache shenapega somayepi, sheeta': «Qami' mashe qauaỹaañeeta da qomi' huo'o da qarqalaic, cha'aye se'eso lpaqtaxat ye Jerusalén ỹataqta nlachiguiñi, qataq so lasompi ỹaqta ỹavicta souaxat so norec. Qaq ỹoqo'oye aỹem qauauaqaiguet qome da yaqto' she'eguelaxasoxolec da ño'oxonaxasheguem so lpaqtaxat ye Jerusalén, da yaqto' saishet da nache 'eetai' da qomi' qaisheueeta'ape.»

2 Reyes 25:10

Qaq nache 'enauac se'eso alleppi caldeopi, maye nnaictague' se'eso 'amaqtaqaic lamaxashec so nta'a, iqalagoxotec so lpaqtaxat ye Jerusalén.

Nehemías 7:6

Qaq 'ana ana le'enaxat lmalate so shiỹaxauapi maye lma' co'ollaxa ye Judá, som shiỹaxauapi maye ỹauec co'ollaxa so Nabucodonosor maye nta'a ye Babilonia, qalaxaye somayepi qoỹanem co'ollaxa da ñe'eguelaxa ye Jerusalén qataq ye Judá. Qaq ñi 'oonolec somayepi ỹe'eguelaxa so maiche lalamaxat huaqta'a't nỹecpi.

Nehemías 2:13

Qaq se'eso pe nache aỹem satoigui so lasom maye naña ye ca'amapega't, nache sateuga aso qailonec da da'ailo'oc laỹe', qataq so lasom maye naña so laponqa' so lasoguiñi. Ime, nache semeteetac so lpaqtaxat ye Jerusalén maye hua'axauec qataq so lasompi maye ỹataqta ỹavicta souaxat so norec.

Nehemías 2:3

Nache sasateguet se'eso nta'a, sheeta': ¡Ỹataqta nache 'eetai' qome da 'anca'altauec 'am nta'a! Ta'ainco' ctaxa da qaica ca ỹaquicoxo ye ỹataqta nlachiguiñi ye sachegoqchiguiña huaqta'a't nỹecpi maye nlattraña yeua ita'al, qataq so lasompi ỹataqta ỹavicta naqa'en so norec.

Esdras 5:8

'Am sa'aqtaxanaxam da qomi' mashe souaqta'a ye 'alhua Judá, qataq seviraqa'a añi atamnaxaqui maye lalamaqte Ñim 'Amaqtaqaic Lo'onatac 'Enauacna, maye qano'oxootapiguisheguem, lo'oxonaxat qanqa'en na lta'araic coma', qataq qalapaxaua'alo naua laỹel na ỹataqta no'on qo'oipaq. Qataq ỹataqta qaiỹalapegue' de'era no'onataxanaxac da saqaỹaỹaloxon da qaimat.

Lamentaciones 5:1

'Am Nataxala', ña 'auennata'a qome da souaqaigui, qomi' 'anamata'alo nache 'aumeten da qane'enaguec.

Lamentaciones 3:61

'Am Nataxala', 'ana'axaỹaxaatega co'ollaxa da lsheunaxanaxac namayepi, qataq 'enauac nam lapaxañipi da yaqto' aỹem dataỹa'aguet,

Lamentaciones 1:7

Ye Jerusalén, iuennate se'esoua na'axa'te, co'ollaq nda'a't qataq ỹataqta daquicota, qataq iuennate 'enauac som nsallaxa maye hueto'ot soua hua'au' na'axa'te, qataq iuennate co'ollaq noxonec nache qaica ca anac da itauan, qataq so npa'aguenaxauapi, co'ollaq ila'a da qailaxachigui, nache ỹe'eetac.

Jeremías 52:14

qaq so alleppi caldeopi, maye nnaictague' somaye, iqalagoxotec so mpaqtaxanaxatpi maye coleesop ye Jerusalén.

Jeremías 42:18

Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': ‹Cha'aye dam 'eetec co'ollaq 'eroigui da inogoxonaxac qataq da ỹalemataic da sataỹa'aguet nam lma' ye Jerusalén, qaq nache 'eetec qome da 'eroigui da ỹalemataic da qami' sataỹa'agueta qom qanqo'oñiỹa ye Egipto. Nache qami' naloqnaxanaqa'ate qome dam qauem, qataq cam ỹo'ot ca ncolanaxa, qaq nache saishet qome da ỹe'eguelaxa da qaltaq qauloỹa'a ne'ena 'alhua.›

Jeremías 39:8

Qaq so caldeopi qalaq ỹegueua'a co'ollaxa so lma' lta'araic so nta'a qataq 'enauac so nma'pi maye naigui so huaqta'a't nỹecpi, qataq ỹamaxañi so mpaqtaxanaxatpi ye Jerusalén.

Jeremías 29:18

Aỹem qami' secana'ape qome qami' seroleguete ca alaataxac, nqouaxa qataq ca napiina. Nache qami' so'oteque da 'enauac na ỹotta'a't shiỹaxauapi da qami' deqaigalo da qami' ilota'alo, qataq qami' so'oteque da qami' naloqnaxanaqa'ate da qauem qataq da na'agaxa qataq cam qaiqaiga qataq ca ỹo'ot da ne'elaxa maye huetalec 'enauac nam ỹotta'a't shiỹaxauapi maye qami' selagaxaaleguete co'ollaxa.

Jeremías 24:9

Qataq so'otec qome namayepi, cam ỹataqta ỹo'ot da lli'iỹaxa 'enauac nam ỹotta'a't shiỹaxauapi ana 'alhua, qataq namayepi qaica qome ca 'enec qanqa'en, qataq saqaỹaconeguet, qataq qauem qome ca talec 'enauac nam 'alhuapi maye selagaxaalec namayepi.

Jeremías 5:10

¡Qaq cam mpa'aguenaxauapi namayepi no'on qome da inoxoneua'a, nache nlaxaañi ana lañiguishe uvapi, qaq na'aictaxa da sa imauec da nlaxaañi! ¡Qalaxaye ỹacagaxat qome ana lcouepi cha'aye anamayepi mashe saishet da ỹalamaqte!

Isaías 43:28

som nta'alpi maye 'am ilotague' co'ollaxa ishepaxanaqchet añi ỹalamaqte atamnaxaqui, qaq ỹoqo'oye sa'aqta'a co'ollaxa so Israel, maye chegoxoguet so Jacob da qailaxachigui qataq qaisheueetac.

Isaías 5:5

Qaq nagui qami' sa'aqtaxanema da iuennataxac da so'otec na ỹanaxanaqa' uva lma': Ñeqat qome na lpaqtaxat yaqto' qailaxachigui, qataq samaxañi qome so lpaqtaxanaxat coma' yaqto' qaỹapetapigui.

Salmos 79:4

Nache ỹataqta qomi' ỹe'enai'salo na qarhuoreuapi, qataq qomi' ne'eetapiguilo na qomi' coleesopa.

Ester 1:1

De'era na'aqtaxanaxac, damaye huetoigui so na'a'q co'ollaq so nta'a Asuero, ilotague' so ciento veintisiete 'alhuapi, chegoqchiguiña ye la India nache ivira'a ye Etiopía,

Nehemías 11:3

Qaq 'ena le'enaxatpi som lataxala'pi so shiỹaxauapi, maye nañalo naua 'aleu' maye ỹotta'a't naua nañalo, da yaqto' naña ye Jerusalén. Qaq so huaqta'a't nỹecpi maye ỹotta'a't naua nañalo ye Judá, nache naña som Israel le'ecpi, ntaxaỹaxanaxanecpi, leviitapi, qataq so ilotague' aso atamnaxaqui, qataq som chegoxoguetpi so lamaxashecpi so Salomón, nache ñi 'oonolec somayepi nqo'ona so maiche lalamaxat lma'pi, qataq so maiche lalamaxat na'alhua.

Esdras 2:1

So Nabucodonosor maye nta'a ye Babilonia, somaye loxonec co'ollaxa so qalota judiopi, nache ỹaueegue da Babilonia. Qaq so llalaqpi se'eso noxonecpi nacheso som ỹe'eguelaxa ye Jerusalén, qataq so lauoreuapi nma'piolec maye huaigui ye Judá. Huaña nache ñi 'oonolec somayepi ỹe'eguelaxa so lma'pi.

1 Reyes 9:7

nache Aỹem, ñeqateeguesop qome na Israel le'ecpi ne'ena 'alhua maye sanem co'ollaxa. Qaq ana'ana atamnaxaqui maye seỹotauga co'ollaxa da yaqto' hueta'a da ỹe'enaxat, qalaq sheca'ai qome, huaña nache na ỹotta'a't shiỹaxauapi ne'eetapigui qome na Israel le'ecpi.

Proverbios 25:28

Ca saỹaỹaten da nllañi da lhuennataxac, qalaq 'eeta'am ca nỹecpi maye nlaguiñi qataq qaica ca lpaqtaxat.

Lamentaciones 2:9

Som lasompi yemaye qalaq qaỹamaxauec, qataq qailaxachigui aso lvinaqtepi, nache 'enauac da huetaiya' somayepi. Som lta'a qataq som lataxala'pi somayepi qalaq ỹalectaigui nagui nam ỹaqa'a da la'amqaanataxanaxac, nache mashe qaica nam lqataxacpi Ñim Lo'onatac 'Enauacna. ¡Qaq ivira'a som la'aqtaxanaxanecpi da qaica cam lauanaqchec maye chegoqo'ot Ñim Nataxala'!

Levítico 26:31

Qataq nlachiguiñi ñaqa'en ca qaralamaxache huaqta'a't nỹecpi, qataq dolachigui ñaqa'en ca qanatamnaqa'aipi, qataq sevira'a da saishet da sesheteguet da laitaỹaxac aca qarachetaqtaxanaqche maye samaateguet co'ollaxa.

Levítico 26:33

Nache qami' selagaxaaleguete ca ỹaqa'a 'alhuapi, souaxat da ñeqatsheguem ca ỹainec da yaqto' qami' secaata'ape, ivitta'a da ỹataqta toolec ñaqa'en ca qana'alhuai, qataq ñelaxaañi ca qaralamaxache huaqta'a't nỹecpi.

2 Crónicas 36:19

Qaq nataqa'en ỹavigaxat aso atamnaxaqui maye lalamaqte Ñim Lo'onatac 'Enauacna, qataq iqalagoxotec so lpaqtaxat ye Jerusalén, qataq ỹavigaxat so lma' lta'araic so nta'a, qataq ilaxachigui 'enauac som huo'o da lasheechiỹaxac maye hueta'a yemaye.