Nehemías 1:11 - La'aqtaqa Ñim Lo'onatac 'Enauacna 2013

¹¹ 'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Toba del Oeste

¹¹ Am ñachoĝodenot, am Yejaliaĝanec, jayem anaquiaĝana nale jauo'oe jodaa'me ñachoĝodenaĝaco, jayem jo'ne mach'e anejoĝonec, nach'e ena'am yema jogaa'me jiyaĝadipi jo'ne anejoĝonaqa jo'ne 'nonaĝachedigui joda'me adenaĝat. Jayem auanem da'me dojo', qaedi 'uo joga'me jaqanatet qomle male jajoya'aguet ga'me jaliaĝanec, qaedi nach'e ena'am jayem yanem joga'me jouetaque.» Jaajo' noloqo'ote jayem jo'ne japiyen ga'me laquip joga'me jaliaĝanec.

Nehemías 1:11 Referans Kwoze

Nehemías 1:6

Nagui, 'am ñachoxonnot da 'ana'axaỹaxana da ñatamnaxac, cha'aye maiche aỹem 'aramaxashec, ỹoqo'oye ye na'a'q qataq ye pe 'am seỹaxaatacot da 'anqouaguec na 'aralamaxat Israel le'ecpi. Cha'aye saỹateeta da aỹem qataq na ỹalaqpi maye salegaqtaigui, namayepi huo'o da qarasouaxashet 'am hueto'ot.

Nehemías 2:8

nataqa'en seỹaxanot da ỹo'ot aca lỹa lere da taỹa'a so Asaf, maye ilotague' so aviaq da yaqto' aỹem ỹanem ca qo'oipaqpi da yaqto' so'ot ca lasompi se'eso lpaqtaxanaxat aso nalloxolate, maye netaña so saqaỹapeque aso atamnaxaqui, nataqa'en so lpaqtaxat so huaqta'a't nỹecpi qataq ca ima' da yaqto' sonaigui. Nache se'eso nta'a aỹem ỹanem 'enauac so seỹaxanaiquepi, cha'aye aỹem hueta'aguet da lqouagaxanaqtaic Ñim Lo'onatac 'Enauacna.

Nehemías 2:1

Qaq huo'o so na'a'q, huetoigui so ca'agoxoic Nisán, so mashe ivi' naua veinte vi'iye da lo'onataxanaxac so nta'a Artajerjes, nache cai sanem se'eso nta'a aso nỹomaxaqui huetagui so lataxa, nache somaye aỹem ỹauatton da ỹataqta saquico, saq 'ena'ama soua lỹa't na'axa'te,

Hebreos 13:18

Qanqouagaxauñiitaleguete qomi'. Cha'aye qomi' saỹatenaqta da Ñim Lo'onatac 'Enauacna qaica ca sa ỹaỹamaxaren qarataxac, cha'aye qomi' ñepogoxoinaqtapegue' da 'enauac da qauaỹamaxayiñiita da qarataxac.

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Salmos 130:2

'Aua'axaỹa qome da iỹaxanaxac 'Am Nataxala', ñaq 'auqocha'a da ỹa'alaxac da 'am seỹaxaatacot.

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.

Salmos 86:6

Ñaq 'aua'axaỹa qome da ñatamnaxac 'Am Nataxala', qataq 'aulo'oguet da ñeqouagaxaunaxac.

Esdras 1:1

Qaq so la'auaxanec vi'i da lo'onataxanaxac so Ciro, maye nta'a ye Persia, Ñim Nataxala' ỹanem da lhuennataxac somaye, da yaqto' ỹamaxalec 'enauac so hueta'a so ilotague' 'alhuapi da qaỹa'axatec so ỹan la'aqtac. Huaña nache ipacchigui da la'aqtac Ñim Nataxala', maye ỹanem co'ollaxa so la'aqtaxanaxanec Jeremías, nam nasaxauec la'aqtacpi somaye qataq nam qoỹettañipi, maye 'eeta':

Génesis 40:21

Qaq som lataxala' som ỹomaxaqui lo'opi qalaq ỹe'eguelaxatem da lo'onataxanaxac co'ollaxa, nache somaye qaltaq ipactegue da ỹaatapeguem aso nỹomaxaqui so faraón, 'eeta'am so hua'autec lo'onataxanaxac.

Génesis 40:23

Qalaxaye so lataxala' so ỹomaxaqui lo'opi, saishet da tagui lauel so José.

Génesis 41:9

Qaq huaña nache so lataxala' so ỹomaxaqui lo'opi, 'enapego' so faraón, 'eeta': «Nagui, tachigui iuel da huo'o da so'ot sa ỹaỹamaxañi.

Génesis 32:11

¡Qaq ñaq aỹem 'arqouaguec qome, da aỹem 'anca'alaxateeguesop da lhuaqỹaxac na ỹaqaỹa Esaú! Cha'aye huo'o da icolanaxa da anac da aỹem iloquiaxan, nache ỹalauat na 'alpi, qataq na ñaqpiolec.

Proverbios 1:29

cha'aye qauo'otañi da naỹaanec, qataq qaica ca 'enec qanqa'eñi Ñim Nataxala'.

Génesis 43:14

Qaq Ñim Lo'onatac 'Enauacna maye Qaica ca Ỹaqalanapec, nacheñi qome ñi ỹanem que'eca ỹale da qami' ichoxore'n da yaqto' isouec cam lỹa qarqaỹai qataq ñi Benjamín. Qaq aỹem, da qaica ca ỹalec, qalaq nache 'ena'am ¡nalotañi da qaica ca ỹalec!»

Génesis 32:28

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»

Génesis 40:2

Qaq somaye nache dalemataỹalo co'ollaxa soua dos ltau'. Qaq soomaye nachesoua som lataxala'ate so ỹomaxaqui lo'opi, qataq som nauole lo'opi,

Génesis 24:42

Qaq quiye can ñevita añi nshere, nache ñeqouagaxaunot Ñim Nataxala', sheeta': 'Am Nataxala', maye 'am Natamnaxala' ñi ña'aco' Abraham, da ỹoqta 'eesa da qaica 'anqa'en camachaqca de'era ỹecỹaxac,

Génesis 40:1

Qaq co'ollaq mashe qaỹoqtegue de'era, nache soua lamaxa'she so nta'a, som ỹomaxaqui lo'o, qataq som nauole lo'o, soomaye npa'agueneto co'ollaxa so na'aco't som nta'a ye Egipto.

2 Crónicas 6:40

Qaq nagui, 'Am Ñatamnaxala', 'am ñachoxonnot da huetalec qome da 'armeenaxanaxac ne'ena, qataq 'aua'axaỹa qome ca atamnaxac da huaña ne'ena.

Salmos 61:5

Cha'aye 'Am, Ñatamnaxala', 'am 'aua'axaỹalo co'ollaxa naua san' ỹa'aqtaqa, qataq aỹem 'aỹa'anem na 'auqataxaatapigui' da 'aỹa'anem, na huo'o naq 'enec naqa'en da 'are'enaxat.

Salmos 106:46

Nache ỹo'ot da ivira'a da 'enauac som mpa'aguenaxauapi somayepi, huo'o da lchoxonnataxanaxa somayepi.

Jeremías 42:12

Qaq huo'o qome da ichoxonnataxanaxa da qoñeeta, qataq nataqa'en so'ot qome da ñim nta'a qami' ichoxore'n, nache qami' ỹasheetrec da qavi'eguelaqaỹa ye qana'alhuai.›

Malaquías 3:16

Qaq huaña nache nam huo'o naq 'enec naqa'en Ñim Lo'onatac 'Enauacna, detaqtega't. Qaq Ñim Nataxala' hua'axaỹa, nache ỹataqta na'axaỹaxaachigui na la'aqtacpi. Qaq nache qaỹatato'ot Ñim Nataxala', co'ollaq qoỹerelec aso nere da yaqto' saishet da qaicoua'ai nam huo'o naq 'enec naqa'en Ñim Nataxala', qataq ỹo'oxoreetac Ñimaye.