Nehemías 1:10 - La'aqtaqa Ñim Lo'onatac 'Enauacna 2013

¹⁰ Cha'aye maiche qomi' 'aramaxashecpi, qataq qomi' 'aralamqa'ate maye qomi' 'anqateeguesopa co'ollaxa ye Egipto, qomi' 'auroleguete da qaica ca 'ena'am 'ara'añaxac.

Toba del Oeste

¹⁰ »Am Yejaliaĝanec, qo'mi mach'e ac'oqo'tepi, nach'e ena'am qo'mi anejoĝonaqa, queda'me at'añaĝac jo'ne p'ajaye qo'mi nec'alaĝatedegue.

Nehemías 1:10 Referans Kwoze

Deuteronómio 9:29

Qalaxaye namayepi ye maiche 'aralamaxatpi, qataq 'anqateeguesop co'ollaxa ye Egipto 'aurolec da ỹataqta lta'araic 'ara'añaxac.›»

Éxodo 32:11

Qalaxaye so Moisés ỹauo'o da la'aqtac, huotaique da nmanaqchet Ñim Nataxala', 'eeta': «'Am Nataxala', ¿Ta'ainco' da huotaique nnoxotasheguem 'anqa'en da 'arayeloxo da 'aualemataỹa ye 'aralamaxat nhuo' le'ecpi, maye 'aurolec co'ollaxa da ỹataqta lta'araic 'ara'añaxac co'ollaq 'anqateeguesop ye Egipto?

Isaías 64:9

'Am Nataxala' saishet qome da ỹapacauec da 'aralemataic, qataq saishet da qome da nache 'eetai' da 'auennatega dam qaralaataxanaxac. ¡Ñaq 'auloigui da 'enauac qomi' nhuo' le'ecpi maiche qomi' 'aralamaxatpi!

Salmos 136:12

irolec da lta'araic la'añaxac na lhuaq, cha'aye da lauotaxanaqtaic chochaq tatec.

Salmos 74:2

Ñaq 'auennata'a qome na 'aralamaxat nhuo' le'ecpi, maye 'arca'aguishecpi co'ollaq la'atchiguiñi na, nam 'arca'alaqtacpi co'ollaxa da yaqto' 'aralamaxat, qataq 'auennata'a qome añi qasoxonaxa Sión maye 'aranataqa' co'ollaxa.

Deuteronómio 15:15

Qaq saishet da 'aucoua'ai da 'am nlatac co'ollaq qonetaña ye Egipto, yem huaña co'ollaxa da Ñim Nataxala' maye 'Anatamnaxala' 'am isoueeguesop da 'anlataguec. Qaq ỹoqo'oye 'am sanem nagui de'era namaxasoxonaxac.

Éxodo 15:13

Qaq nachera da 'arauotaxanaqtaic da huo'omshe 'auauecta'aguet ne'ena 'aralamaxatpi maye 'arca'alaqtacpi, qataq nachera da 'ara'añaxac da 'auo'onataxana, da 'auauectaua'a ye 'arma' maye qui'itta.

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Éxodo 6:1

Nache Ñim Nataxala' 'enapega somaye, 'eeta': «Nagui qaq 'aumeten da sheetec ñi faraón, cha'aye ñimaye saishet qome da choche qoquiỹa'ai naqa'en ne'ena 'alhua, qom huo'otaq sa serolec da lta'araic ỹa'añaxac, qaq ñimaye qome maiche qami' ỹo'oldauec.»

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Éxodo 13:14

Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa.

Éxodo 13:16

Qaq ỹoqo'oye damaye 'eeta'am ca la'anaxat na qarhuaq, huo'otaq na qaratap, qaq damaye naigui da seuennaqte da Ñim Nataxala' nacheñi ñi qomi' nqateeguesopa ye Egipto co'ollaq do'onataxana da lta'araic la'añaxac».

Salmos 89:14

Qaq naua nalochiguiñi lataxac qataq ỹaỹamaqchiyiñi lataxaco, nachenaua na na'attaleguete da 'aro'onataxanaxac da 'am nta'a, qaq da 'arauotaxanaqtaic qataq da 'eesa lataxac hua'auta'ague da 'icỹaxac.