Nahúm 3:6 - La'aqtaqa Ñim Lo'onatac 'Enauacna 2013

⁶ Nache 'am sasaxalec qome na nshepaxanaxa, qataq sauo'o da 'ara'agaxa nache 'enauac 'am qaimeteetac.

Toba del Oeste

⁶ Nataq'aen am jajaĝalegue joga'me nejepaĝanaĝa, qaedi am ualegue joda'me ja am 'te qo'nonaĝachigui; male am qoyec'atetac qama'le yataqata am qoye'uetac.

Nahúm 3:6 Referans Kwoze

Malaquías 2:9

Qaq ỹoqo'oye, souaxat da Aỹem saqaualaqaiguet, qataq souaxat da qauapaxaguiñi na shiỹaxauapi, nache qalca'aitagui, nache Aỹem so'ot qome, da 'enauac nam nhuo' le'ecpi qami' deqaigalo, qataq qami' saq maigueta. Qaq 'era da la'aqtac Ñim Nataxala' maye Qaica ca Ỹaqalanapec.

Jeremías 51:37

nache yemaye ỹe'eguelaxa qome da lapoosheguem na coma'pi, qataq nache lma' qome ana huaxaỹaxapi, qataq qaica qome ca ishet da hueta'a yemaye, nacherata da ỹo'ot da ncolanaxa qataq da nqaigaxa.

Da na'aqtaguec so Job 9:31

qalaxaye nache 'ena'am ishet da aỹem 'auasaxangui ca qaỹoqchiguingui nshaxa, huaña nache ivira'alo naua maiche aỹogo aỹem deqaigalo.

Hebreos 10:33

Qalota da qoñiita na ivireguet da qaisheueetac qataq sa qaiyacnapec, ỹauaachigui qanqa'en na shiỹaxauapi. Qataq huo'o nataqa'en co'ollaxa da qoñiita na nhuanaua'a da nque'eenaxac nam nache 'eetec de'era da nque'eenaxac.

1 Corintios 4:9

Qalaxaye qomi' maye qomi' namaxa'she, Ñim Lo'onatac 'Enauacna 'eeta'am da qomi' ipa'axaatre'c. Shenaqta'am ca ncoñeteguishec maye taỹa'a da qaỹalauat, souaxat ca lasouaxashet. Seviraqta'aguet da qomi' imeteeta'ape na shiỹaxauapi qataq 'enauac na chegaqasheguem lamaxashecpi Ñim Lo'onatac 'Enauacna.

Nahúm 1:14

Qalaxaye 'am nta'a na Nínive, Ñim Nataxala' 'am talec naqa'en de'era 'eeta': «Qaica qome ca 'aỹa'alaqpi da yaqto' nache queta da 'are'enaxat, qataq añi atamnaxaqui maye lalamaqte nam 'anatamnaxala'pi qalaq ñelaxaañi qome nam ne'enaqtacpi atamnaxala'pi maye chegaqaigui na nqachilliguishec lcat, qataq nache naña ñaqa'en qome aca 'anhuachiqui, cha'aye ỹataqta 'am nqaigaxat».

Da na'aqtaguec so Job 30:8

Ne'ena ỹalleppi qaica ca naigui, 'eeta'am da qaica ca lta'a, ỹataqta saq taiguet da netalec ne'ena 'alhua, ỹoqo'oye qaiuaxaatalec da qaỹo'orauec.

Judas 1:7

Qataq nache 'eeta'am da huaigui co'ollaxa so shiỹaxauapi maye lma' ye Sodoma qataq Gomorra qataq som nỹecpi maye saqaỹapeque yeemaye. Som hueta'a yemaye ỹataqta ỹaguec da lle'etaxaloxo qataq ỹo'ottac na ỹotta'a't lataxac da quisheguetaxac maye sa qaishetapec. Qaq ỹoqo'oye Ñim Lo'onatac 'Enauacna ỹauo'o da nhuaxanaguec, icorelec so norec maye saishet da 'om da yaqto' ỹo'ot da nque'eenaxac somayepi. Qaq damaye nachera da 'enauac qomi' qaivitaqteetegalo.

1 Corintios 4:13

Qomi' qaỹasaxaleguete naua ntaxaỹaxaco sa ỹaỹamaxaayiñi, qalaxaye da sasataxaguet qalaq seroxoguet da ỹaỹamaqchiguiñi. Qaq nagui ñaq 'eetalec da qomi' qaỹe'enaxatteguema ca lasogoñi, huo'otaq na lte nam ỹasaxauec na shiỹaxauapi.

Malaquías 2:2

Qami', da saishet da Aỹem qaualaqaiguet, qataq da saishet da huo'o ca 'enec qanqa'eñi da ỹe'enaxat, nache sauo'o ca qauem qami' taleguete. Qauem ñaqa'en dam qanchoxonnataguiiqui. Qaq masheye da qami' sasaxaleguete da qauem, cha'aye saishet da ỹataqta 'eesa da huo'o naq 'enec qanqa'eñi Aỹem.» Qaq 'era da la'aqtac Ñim Nataxala' maye Qaica ca Ỹaqalanapec.

Sofonías 2:15

Qaq 'iye yem huaqta'a't nỹecpi maye ỹataqta nlaqchigui da na'amqaanaxac, qataq qaica ca ñe'etaique, qataq 'enapec naxa da qaica ca 'eeta'am nam netalec ana 'alhua. ¡Yemaye ỹataqta nlachiguiñi, nache ỹe'eguelaxa da lanataqa' na shiguiỹacpi maye qauemaicpi! Qaq 'enauac qome na nlectot yemaye nache ỹe'eetac, qataq iuaxaata'a't naua lhuaxaye.

Lamentaciones 3:16

Qataq aỹem iuaxaneguet ana 'alhua, qataq ỹo'ot da senactaigui na namoxoỹaxa.

Da na'aqtaguec so Job 30:19

Ñimaye ỹataqta aỹem ỹasaxauga na nshaxa, nagui nache sheeta'am na 'alhua qataq na alo.

Ezequiel 16:37

Qaq ỹoqo'oye Aỹem, llaỹona't qome 'enauac nam 'ancachaxauapi, nam ỹo'ot co'ollaxa da 'aramaicỹaxac, qataq 'enauac nam 'arauotaxatpi co'ollaxa, qataq nam 'arquiỹaxatpi, llaỹona't qome namayepi da 'am laponeua'a, yaqto' ỹauaachigui 'enauac da 'aro'ocỹaxac da huetauec.

Habacuc 2:16

Qaq damaye saishet qome da ỹo'ot ca 'ayo'oxoyec, nacherata da 'am talec naqa'en da 'ara'agaxa, cha'aye Ñim Nataxala', 'am ỹanem qome da 'anỹomgui aca ỹomaxaqui, maye ỹo'ot da 'aula'a dam sa nateneuo 'arataxac, huaña nache da 'ayo'oxoyec nmeneguet da qaica ca 'ara'amaqchec.

Malaquías 2:3

Qataq nataqa'en, seuotaxanec da qara'añaxaqui, qataq secoroiguilo naua qarashegolle', na la'atec na shiguiỹacpi maye Aỹem qaỹa'añeetacot naxa. ¡Qataq qoquiỹaueegue' ñaqa'en nam la'atec na shiguiỹacpi da qami' sequelogore'c!