Nahúm 3:5 - La'aqtaqa Ñim Lo'onatac 'Enauacna 2013

⁵ Qaq Ñim Nataxala' maye Qaica ca Ỹaqalanapec, 'eeta': Aỹem soota'a ne'ena da 'am sataỹa'aguet, nache aỹem ñauatsheguem qome ana 'arpoto, nache seviraxatasheguema na 'arashec, yaqto' na ỹotta'a't shiỹaxauapi ỹauaachigui qom qouetauec, qataq nam nta'alpi ỹauaachigui qome da 'ara'agaxa.

Toba del Oeste

⁵ Joñe'me Jaliaĝanec jo'ne napacalegue ena'uac male enaac: «Jayem 'uo nayi qaedi yataqata am ñautena: male ñaqat jana'me aneuoĝoe, qaedi yema naa'me ale'u lael male qoyauana da'me am jale'tague, qama'le jalcote da'me adepocoĝo.

Nahúm 3:5 Referans Kwoze

Jeremías 13:26

Qaq Aỹem nataqa'en ỹataqta 'am ñesochiguiñi qome yaqto' 'am talec da lta'araic 'ara'agaxa.

Nahúm 2:13

Qaq da la'aqtac Ñim Nataxala' maye Qaica ca Ỹaqalanapec, 'eeta': «Aỹem 'am ñanaỹa nagui da 'am sataỹa'aguet, nache savigaxat anam 'aigonapi maye 'analaataxaquipi, nache nda'a't nmala'q ñaqa'en anamayepi, qataq serolec ca ỹeelonec na 'aỹa'alaqpi da salauat, nache imeuo ñaqa'en da ncachaxac nam 'ana'alhua, huaña nache saishet da qaltaq qaỹa'axaỹa nam 'ara'aqtaxanaxanecpi».

Ezequiel 23:29

Qaq yemayepi 'am nquiỹa qome, nache ỹauo'o lalamaxat nam chegaqaigui co'ollaxa da 'aro'onataxanaxac, qataq ivitta'a da ỹataqta qouetauec naqa'en, nache imauec da yo'oqta da 'aro'ocỹaxac maye 'aỹa'aneguet co'ollaxa da quisheguetaxac. Dam 'arataxac maye maiche 'ananoiqueetac naxa da huo'o ye 'auo'ot, qataq da 'arquisheguetaxac,

Jeremías 13:22

Qaq da 'aunataxan da ta'ainco' da 'am talec de'era, qaq iuen da 'auaỹateeta da souaxat dam ỹataqta lta'araic 'arasouaxashet, ¡ỹoqo'oye 'am qansogoñi, qataq 'am qaỹe'en!

Habacuc 2:16

Qaq damaye saishet qome da ỹo'ot ca 'ayo'oxoyec, nacherata da 'am talec naqa'en da 'ara'agaxa, cha'aye Ñim Nataxala', 'am ỹanem qome da 'anỹomgui aca ỹomaxaqui, maye ỹo'ot da 'aula'a dam sa nateneuo 'arataxac, huaña nache da 'ayo'oxoyec nmeneguet da qaica ca 'ara'amaqchec.

Ezequiel 16:37

Qaq ỹoqo'oye Aỹem, llaỹona't qome 'enauac nam 'ancachaxauapi, nam ỹo'ot co'ollaxa da 'aramaicỹaxac, qataq 'enauac nam 'arauotaxatpi co'ollaxa, qataq nam 'arquiỹaxatpi, llaỹona't qome namayepi da 'am laponeua'a, yaqto' ỹauaachigui 'enauac da 'aro'ocỹaxac da huetauec.

Miqueas 1:11

¡Qaq qami' Safir le'ecpi, qom qami' qaỹauegalo ca ỹaqa'a 'alhua, qalaq qoviitauec qome qataq lta'araic da qara'agaxai! ¡Qaq na lma' ye Zanán qalaq saishet qome da huenoxonec! ¡Qaq na lma' ye Betesel qalaq huo'o da nnoinaxac nache qaica ca qami' itaua'n!

Ezequiel 23:25

Qaq Aỹem 'am sematalec qome da ỹayeloxo, nache namayepi ỹataqta 'am saiyacnapec qome, icheguec na 'armic, qataq naua 'artela, qaq ca lca'alaxaicpi qome nache ỹalauat irolec ca ỹeelonec. Qataq saicherapec da ỹauec na 'aỹa'alaqpi ỹalleppi, qataq na 'alpi, qaq 'aupa'atec qome da 'am ỹavigaxat.

Jeremías 50:31

Ñim Nataxala' maye Qaica ca Ỹaqalanapec, 'eeta': Qami' ỹotta'a't shiỹaxauapi maye qaica ca qanỹeñi, Aỹem qami' sataỹa'agueta, mashe ivita na na'a'q qataq na laloqo' da sauo'o ca qanhuaxanaguiqui.

Ezequiel 21:3

nache qonapega, qoneta': Da la'aqtac Ñim Nataxala', 'eeta': Aỹem ñechoxot da 'am sataỹa'aguet. Aỹem ñeqatsheguem qome na ỹainec, nache salauat na no'on da lataxac, qataq na qauem da lataxac.

Ezequiel 26:3

Qaq ỹoqo'oye Aỹem Nataxala', shenapec: 'Am Tiro, aỹem 'am ñechoxota da 'am sataỹa'aguet, so'ot qome da nachaañi ca qalota ỹotta'a't shiỹaxauapi da 'am dataỹa'aguet, 'eeta'am da 'eetec ana lapaxa aso auaxai da nachaañi,