Nahúm 3:4 - La'aqtaqa Ñim Lo'onatac 'Enauacna 2013

⁴ Qaq yo'oq 'enauac de'era souaxat da lquisheguetaxac, anam quisheguetaxaipi maye ỹataqta huo'o da lyac, qataq ỹaỹaten da dapaxaguenataxanec da ñi'iyaqnataxanaxac, qataq irolec da lquisheguetaxac qataq da lli'iyaqnataxanaxac da ỹatenachet nam ỹotta'a't shiỹaxauapi.

Toba del Oeste

⁴ Nach'ena jenjo' male qo'yetec di'me Nínive, yajouaĝat da'me lequejeguetaĝa, qa'a ena'am jaga'me quejeguetaĝae jo'ne 'uo da'me lamaic choqoda'me 'lonaĝac. Nataq'aen yayaten ca'li da'me nedanaĝanaĝac, qama'le yejaĝañi gaa'me noyaqa qaedi e'n lelataqa.

Nahúm 3:4 Referans Kwoze

Isaías 47:9

Qalaxaye nque'elaxatta da huaigui ca 'oonolec na'a'q da 'am nvita qome ca qauem, nache 'am pa'ai qome qataq qaica ca 'aỹa'alaqpi, na'aictaxa nam qalota 'araconaxanaxacpi qataq nam saqaivi da qanaloqten 'aye'eyaqnataxanaxacpi.

Apocalipsis 18:23

¡Qataq saishet da qaltaq ỹe'eguelaxalec da icoỹarelec 'am na le'eraxa aca ncoỹaraxanaxaqui, qataq saishet da qaỹa'axaỹa ca ntonaxac cam hueta'a ca naronaxac! Cha'aye nam 'armenaxanaxanecpi namayepi co'ollaxa ndotec na 'añaxaicpi da huetalec ana 'alhua, qaq 'am ỹataqta 'auatenachet co'ollaxa da 'arolec da 'aye'eyaqnataxanaxac 'enauac na ỹotta'a't shiỹaxauapi.»

Apocalipsis 18:9

Qaq ye Babilonia qom nalaqaasheguem na le'eraxa, nache na'alaqtapiguiñi nam nta'alpi ana 'alhua qataq nỹeeteguelec yemaye. Ne'ena nta'alpi 'eeta'am ye Babilonia da ỹo'oxoreetac nam qanatameetacotpi maye saq 'en qataq huetaigui da lta'araic llo'oxoyec.

Isaías 47:8

Qaq ña 'ana'axaỹaxana nagui de'era, 'am 'alo maye 'arqopitaxat da nyacỹaxac qataq 'avi'imaqtac da 'anso'ootangui añi 'anso'onaxaqui, ye pa'auo 'arhuennataxac qalaq, 'eeta': «Aỹem nachaqaỹemta nache qaca aca lỹa sheeta'am, qaq saishet qome da sevira da aỹem pa'ai, qataq saishet da saqca ca ỹalec.»

Ezequiel 16:35

Qaq ỹoqo'oye 'ana'axaỹaxaachigui da ỹa'aqtac, 'am quisheguetaxai: