Nahúm 3:3 - La'aqtaqa Ñim Lo'onatac 'Enauacna 2013

³ Qataq da l-lamaxa nam qanayeetalec caipi, qataq da lqashelgaxa na ỹeelonecpi, qataq na le'eraxa ana taquiaxaipi. Qataq nam qalota que'emaxaicpi, qataq nam logosheguem leuaxaicpi. Nam leuaxaicpi maye qaipogolaxaateguesop.

Toba del Oeste

³ ¡Jalcote jaga'me cadeeta jo'ne neloiquiaĝaiqui dajotegue ga'me nalada't! ¡'Uo da'me laqajelgaĝa'j gaa'me nedaĝanaqa'te jo'ne nalada't lo'o, chayovida'alo gaa'me chiquenal da'me 'uo da'me laqajelgaĝa'j! ¡Jalcote ga'me qoye'quemaĝam, choqogaa'me laqaya' jo'ne yele'u! ¡Ga'me lapa't dia'me yele'u qaya'te loiquiaqa'! ¡Male qopoguelaĝanoto nale gaa'me napa'che!

Nahúm 3:3 Referans Kwoze

Habacuc 3:11

Qaq añi nala', qataq ñi ca'agoxoic qalaq vi'iigueta, da ila'aguet na le'eraxa ana 'archecnapi, qataq na lqashelgaxa ana 'arataquiaxai.

Ezequiel 39:4

Qaq 'am, qataq na 'analleppi, qataq nam shiỹaxauapi maye 'annaictague' qaullivi qome qoviỹalec aye qasoxonaxapi ye Israel. Qaq nache huaña qome yemaye da qami' sanegueta da yaqto' qami' che'c nam ỹotta'a't maỹopi maye chec na lapat, qataq na huauec shiguiỹacpi.

Isaías 37:36

Nache so lamaxashec Ñim Nataxala' jec, nache ỹalauat so ciento ochenta y cinco mil alleppi, huaña naqa'en yem lanataqa' so Asiria le'ecpi, qaq so lỹa na'a'q co'ollaq nlouec so laỹepi nache ilalec som leuaxaicpi huetaiya'.

Isaías 34:3

Nache na leuaxaicpi qaỹasaxauec qome, qaq nam qauem laita namayepi naỹoxoosheguem qome, qataq ipaxanec na ltago'q 'eeta'am ca tala da ipaxaalec ana qasoxonaxapi.

Nahúm 2:4

Qaq ana laigonapi qalaq ỹaguec ana naloxo da quetague' na nqa'aicpi, nache cholaxan naqa'en nam naponaqa'pi, qaq da lataxac qalaq 'eeta'am ana ncoỹaraxanaqtepi da 'ettaigui, qaq ana naloxo 'eeta'am ca nqashelgaxa.

2 Reyes 19:35

Qaq nacheso se'eso pe, anac so lamaxashec Ñim Nataxala', nache ỹalauat so ciento ochenta y cinco mil ỹalleppi se'eso lanataqa' so Asiria le'ecpi. Qaq so nte'eta so lỹa na'a'q, nache somayepi huetaiya' da mashe ileu.

Génesis 3:24

Qaq co'ollaq ime da ỹo'orauec so shiỹaxaua, nache da pa'aigui da nala' lliguisheguem yem nanaxanaqa' maye huaigui ye Edén, ỹanaleguete soua huo'o da lca'alaqa' maye huo'oi naua laua't, qataq som ỹeelonec 'ettaigui maye coleetagui, da yaqto' saishet da huo'o ca ivireua'a aso qo'oipaq, maye chegaqaigui da nca'alaxa.

Levítico 26:37

Qataq ỹe'egueetega'tpi, 'eeta'am ca dataueeguesop ca alaataxac, na'aictaxa da qaica ca ncaatague', nache qaica ca 'oonolec da qoñiita ca ishet da dataỹa'aguet ca npa'aguenaxauapi.

Isaías 66:16

Qaq ỹoqta 'eesa da Ñim Nataxala', huota'a qome ca norec qataq ca ỹeelonec da nmit imauec na shiỹaxauapi, nache qalota qome ca ilem da lhuaqỹaxac Ñim Nataxala'.