Nahúm 3:11 - La'aqtaqa Ñim Lo'onatac 'Enauacna 2013

¹¹ Qaq 'am Nínive, nataqa'en 'am qaitaqchet qome nache 'am qaỹapoua'a, huaña qome nache 'anmittaique ca 'anqañoxotaqa' souaxat na 'anpa'aguenaxauapi.

Toba del Oeste

¹¹ »Chane'eja nach'e ena'am da'me am Nínive, am qoniyomaĝañgui qomle ga'me lataĝa, qama'le am taĝaic; 'uo da'me adepocoĝoc, qama'le anañoĝotetapiñe, nataq'aen auelotaque ga'me am yic'olegue, yajouaĝat da'me am dajo'tot jena'me adauteua.

Nahúm 3:11 Referans Kwoze

Isaías 49:26

Qataq nam 'am ique'eteetalec naxa so'otec qome da chec na maiche lapat qataq da nỹomgui na maiche ltago'q 'eeta'am naqa'en ca lataxa. Qaq 'era da 'eetec qome da 'enauac na shiỹaxauapi ỹaỹaten da Aỹem, Aỹem Nataxala' nachaỹem 'arca'alaxaqui. Qataq da Aỹem maye la'añaxanec so Jacob, nachaỹem 'arca'alaxaqui.»

Isaías 2:10

Nam shiỹaxauapi ỹe'eguenot qome na pa'aguiñi ana coma'pi, qataq na pa'aguiñi ana 'alhua souaxat da lchec da lviraxac Ñim Nataxala', qataq na le'eraxa da la'amaqchec Ñimaye.

Lucas 23:30

Huaña qome, nache na shiỹaxauapi 'enapega ana qaỹoqotcheguemec 'alhuapi, 'eeta': «Ña qomi' qaupataqaiyiñi.» Qataq 'enapega ana comarelecpi, 'eeta': «Ña qomi' qo'oxochiiyiñi.»

Nahúm 1:10

Qaq ỹoqo'oye qoñiita'am qome aca ipogotta't qo'oipaq lepi, qataq ca 'auaqpi deqaqta da nmichiguiñi qome da ỹavic.

Oseas 10:8

Qataq nlaguiñi qome na qauem natamnaqa'pi, maye huaña naxa da ỹo'ot na lasouaxashetpi na Israel le'ecpi. Qataq ana lca'atoxonaxalatepi ñaxaalec qome ana cotaquepi qataq ana 'epaqole maye huo'o ana le, nache namayepi 'enapega qome ana qasoxonaxapi, 'eeta': «¡Ña qomi' qauapoileguete!» Qataq 'enapega ana lcomaraxalatepi, 'eeta': «¡Ñaq qomi' qaupataqaiyiñi!»

Jeremías 4:5

Qaua'aqtaxañim de'era ye Jerusalén qataq ye Judá, qauoita'a ana qarasheerei da qaua'aqtaxañim 'enauac na hueta'a yi'iye 'alhua, qataq ỹataqta qana'axanñic qome da qara'alaxaqui qoñeeta': ¡Qalaỹoñiỹa't qome, nache senoxonaxaua'a nam huaqta'a't nỹecpi maye ỹotta'a't naua nañalo maye qampaxatteua'a!

Isaías 2:19

Qom ivita da nachaañi Ñim Nataxala', da imattalec naqa'en ana 'alhua da lchec, nache na shiỹaxauapi nqañoxotoigui qome na lauacpi ana coma'pi qataq na lpoxoỹaxapi ana 'alhua, souaxat da lchec da lviraxac Ñim Nataxala' qataq na le'eraxa da llo'oxoyec Ñimaye.

Salmos 75:8

Ñim Nataxala' nasoqta'a aso ỹomaxaqui, huetagui na lataxa maye ỹotta'a't na lalegue qaq Ñimaye qom icorec somaye, nache 'enauac na qauemaicpi maye huetalec ana 'alhua, nỹomigui qome nache ivitta'a da ỹauta.

Nahúm 2:1

¡'Am Nínive, mashe 'am naỹa'a nam 'am ilaxachigui qome! ¡Qaq ỹoqo'oye 'anauan qome nam npaqtaxanaxat! ¡Qataq 'anauan qome so nqa'aic! ¡Qataq 'ana'achigui qome cam 'ainec! ¡Qataq 'alaỹona't nam 'analleppi!

Miqueas 7:17

Nache namayepi 'eeta'am qome na 'araxanaq da hualecta'aguet na 'alhua, qataq iviloxol da ca'ai na nqañoxotaqa'pi, qaq souaxat da lli'iỹaxa nache 'am ỹe'eguenot qome 'Am Nataxala' maye Qanatamnaxala'.

Amós 9:3

Qaq da tasheguema ana lmilo añi qasoxonaxa Carmelo da nqañoxooñi, qalaq ñaqaiyeta sasheguema da ñimitaique nache saconeua'a, qaq da aỹem nqañoxotaisop da taña na ỹataqta pa'aguiñi aso auaxai, nache samaq aso 'araxanaq late'e da yaqto' inac.

Jeremías 51:57

Ñim Nta'a, Ñim Nataxala' maye Qaica ca Ỹaqalanapec, 'eeta': «Setaqchet qome na lataxala'pi ye Babilonia, nam ỹaanaxanaxaicpi qataq na nta'alpi, qataq na ltauapi, qataq na alleppi nache talec qome ca chochaq tatec lo'ochaxa nache saishet da qaltaq nlouec.

Jeremías 8:14

Qaq na nhuo' le'ecpi 'enapec, qome: ¿Negue'to' cam so'otaqtac da souaqta'a ne'ena? ¡Qolaq 'enauac ñeqo'onaxaua'a qome ye huaqta'a't nỹecpi maye qampaxattaua'a, da yaqto' qomi' qaỹalaua't! Cha'aye Ñim Nataxala' maye Qanatamnaxala' qomi' ỹanegueta da qal-leuaxa, qataq qomi' nỹomaxanguilo ca 'etaxat maye huo'o na lalegue qanlem, cha'aye huo'o da qarasouaxashet hueto'ot Ñimaye.

Isaías 63:6

Qaq ỹataqta Aỹem nlaxagui da ỹayeloxo nache rapaxañi ñaqa'en so ỹotta'a't shiỹaxauapi, qataq serolec da inogoxonaxac da selaxachigui somayepi qataq so'ot da ipaxanec quelec ana 'alhua na ltago'q somayepi.

Isaías 29:9

¡Qaq nache qoquiito'ot qome da qaica ca qaraỹaanataxanaxaqui! ¡Qataq nache qoquiito'ot qome da sa qanauañiiñi qataq qaica ca qauloỹa'a! ¡Qataq nache qoquiito'ot qome da qavi'egochiitapigui' qoñiita'am ca taxaic, na'aictaxa da saishet da qanỹomiigui ca lataxa maye itaqchet ca shiỹaxaua!

1 Samuel 14:11

Qaq huaña nache soomaye nachaxanalo co'ollaxa so filisteopi maye hueta'a so lanataqa'. Qaq somayepi, co'ollaq ila'alo soomaye, nache 'enapeco': «Ña qauloỹa na hebreopi mashe nnoxoosheguem chegoqtoigui na auacpi maye nqañoxotaxaquipi.»

1 Samuel 13:6

Nache so Israel le'ecpi qaica qanqa'en ca ldaqa', cha'aye so filisteopi iloquiaxan co'ollaxa somayepi, nache somayepi nqañoxooñi taiguilo naua auaco qataq ana llimiaxañipi, qataq taigui aso coma'pi, qataq so lca'amaxapi qataq aso lchequepi.