Nahúm 3:10 - La'aqtaqa Ñim Lo'onatac 'Enauacna 2013

¹⁰ Qalaxaye ñaqaiyeta ye Tebas le'ecpi noxonecpi co'ollaxa, nache qaỹauega ye ỹaqa'a 'alhua, qaq natai' llalaqpi qalaq qaiuaxaneguet na 'alhua da huaña ana lamaqai na nqa'aicpi, qaq nam shiỹaxauapi maye huo'o naq 'enec qalaq qanallichigui, qataq lcat qanqa'en na lquetpi nam lataxala'pi namayepi.

Toba del Oeste

¹⁰ Qalaĝaja jo'me noic Tebas male qoyen ualegue ga'me aleua jo'ne qaya'ague; ga'me ñoqolqapi yataqata qoya'uo lachoĝode'j, qoyacha'ñalo jogaa'me naq'aico lael, nataq'aen jogaa'me te'me nejaliaĝanaqa ma'te qonalichiguilo qama'le yataqata qoyecoñe't, netayelo gaa'me cadeenal.

Nahúm 3:10 Referans Kwoze

Isaías 20:4

Qaq nache 'eetec qome ñi nta'a ye Asiria da loxonec ye Egipto le'ecpi qataq ye Etiopía le'ecpi nache ỹauec da icoñi', na ỹa'axaiquipi qataq na nsoxoppi, nache huetauec qome qataq qaicaua caua lapela'ate naqa'en, qataq chetaleguete naua nate' laỹel da yaqto' nlaxagui da lcoxo.

Abdías 1:11

Cha'aye co'ollaq anac so npa'aguenaxauapi somaye, da deuotaxanec so lsallaxa maye huetaigui so huaqta'a't nỹecpi, qataq co'ollaq anac so chegaqauec alleppi da ỹacagaxat so lasompi ye Jerusalén nache 'am saishet da 'ampaxateguet somayepi, qaq co'ollaq qanallichigui so nogoxoshetpi, nache 'aue'enaxat da lataxac somayepi.

Joel 3:3

Qataq nallechigui co'ollaxa na ỹalamaxat nhuo' le'ecpi, qataq imen na ñaqpiolec naiguet naqa'en ana quisheguetaxaipi, qataq ana nogotolepi, naiguet naqa'en na lataxa.

Oseas 13:16

Qaq na nhuo' le'ecpi ye Samaria qalaq talec qome ca nhuaxanaguec, souaxat da dataỹa'aguet Ñim Natamnaxala'. Qataq qairolec ca ỹeelonec da qaỹalauat, na llalaqpi qalaq qaiuaxaneguet qome na 'alhua da qaỹalauat, qataq ana hualaxaipi qaipeleca'ague qome ana da'am.

Lamentaciones 2:19

Qoñesheguem, nache 'enauaque naua pe' da 'auỹaxaatac, saishet da 'avia'axaneguet da 'arỹaxanaxac. 'Anashetcheguem da nnoinaxac añi 'arquiyaqte da 'auatato'ot Ñim Nataxala', ña 'aua'aqta'a da huecorec 'eeta'am na 'etaxat. 'Auachaxaato'oto Ñimaye naua 'arhuaxaye nache 'anachoxoreelec da nachaalataxac nam 'aỹa'alaqpi, maye hueta'alo naua lamaqail naua nqa'aico, ileetapigui' souaxat na lqouaxa.

Isaías 13:16

Qataq ỹauaachigui qanqa'en da qaiuaxaneguet na 'alhua cam qapio'olec llalaqpi, qataq qui'itchiguilo qanqa'en naua lma'ate qataq qancat ana lhuapi.

Amós 1:13

Qaq Ñim Nataxala', 'eeta': Na Amón le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da nshetaique da nquigaxatec na na'alhuapi, nache namayepi ipeleca'ague ana da'am ana hualaxaipi maye lma' ye 'alhua Galaad.

Lamentaciones 4:1

¡Qaq na oro deqat da lo'oxoỹaxac! ¡Ỹataqta deqat imauec da lqashelgaxa! ¡Qaq na coma'pi maye no'onataxatpi co'ollaxa aso atamnaxaqui, qalaq laga't da huetaña ana lamaqaipi na nqa'aicpi!

Isaías 13:6

Ña qanỹeñi qome, cha'aye mashe saqaỹapeque cam na'a'q maye lviraxaqui Ñim Nataxala', qom nvi' camaye nache qami' nlaxaayiñi Ñim Qaica ca Ỹaqalanapec.

Salmos 137:8

¡Qaq 'am Babilonia, maye taỹa'a da 'am qanlaxaañi! ¡Ỹataqta machiguiñi qome ca ỹo'ot ca 'ansheetenaguec, souaxat 'enauac de'era qomi' 'auo'oteque!

2 Reyes 8:12

Nache so Jazael, inat somaye, 'eeta': ¿Ta'ainco' ye 'anỹeetac? nache so Eliseo, 'enapeco': Cha'aye saỹaten da 'auo'otec qome ca qauem na Israel le'ecpi, cha'aye 'auavigaxat qome na lle'eguenaxaquipi, qataq 'aurolec na ỹeelonec da 'aualauat na nsoxoppi, qataq 'aualauat nam ñaqpiolec maye llalaqpi namayepi, qataq 'aupeleca'ague ana da'am ana hualaxaipi.

Da na'aqtaguec so Job 6:27

¡Qami' ỹataqta qauañoxoche da qaua'ashaxañeetac da nachaalataxac ca saploq, qataq ivira'a da qaumiñi ca maiche qanauochaxauai!

Salmos 137:9

Qataq machiguiñi qome ca ỹacoosop na 'aỹa'alaqpi, nache iuaxaneguet aca coma'pi.

Salmos 149:8

qataq ỹauota'a ca lcat da icoñerai' na lta'alpi namayepi, qataq ỹauota'a ca npaqtac lcat da icoñerai' nam huo'o da la'amaqchec namayepi,

Isaías 19:4

Qalaxaye yem Egipto le'ecpi saneguet qome cam nataxala' maye ỹataqta qaramchigui, cam nta'a maye qaica ca iren da yaqto' ilo'ogue yemayepi.» Qaq 'era da la'aqtac Ñim Nataxala' maye Qaica ca Ỹaqalanapec.

Ezequiel 29:7

da co'ollaq 'am ỹaconeua'a namayepi, nache 'auacac, nache 'auque'emaqchet 'aua'areua'a na laỹe, qaq co'ollaq nshetaique da 'am hua'axaua'a namayepi nache 'auacac nache huañi 'anqa'en namayepi.