Nahúm 3:1 - La'aqtaqa Ñim Lo'onatac 'Enauacna 2013

¹ ¡Choxoraicolec 'am huaqta'a't nỹecpi maye 'aramanec da 'aucorec na ntago'q, qataq 'am nlaqchigui da natenataxanaxac qataq qaica ca 'auyaqueetac, qataq qaica ca loga't da 'aralaataxanaxac!

Toba del Oeste

¹ ¡Degueja da'me am noic, jo'ne am uetedalegue gaa'me lataĝanaĝayaqa! Yataqata 'uo da'me adoqovinaĝanaĝac choqoda'me adaqaleuaĝa: ¡da'me adeloiquiaĝac qaya'te loiquiaqa'!

Nahúm 3:1 Referans Kwoze

Habacuc 2:12

Qaq choxoraxaso', 'am Babilonia maye 'ano'oxoosheguem na huaqta'a't nỹecpi, da chegoqchigui 'anqa'en naua 'aucolde'c ntago'q, qataq dam qauem lataxac.

Oseas 4:2

Nacherata da ỹapacauec na saq 'en maye ỹan la'aqtacpi, qataq da latenataxanaxac, lalaataxanaxac, lcachaxac, qataq da lauatapiguiñi' ana sa lhua, qataq da qaica ca iren.

Nahúm 2:12

Qaq ca llon da ỹalauat ca loxonec nache iquia'axan aso lloona qataq soua llalqa, qataq nache iỹoqtaigui som lauac nam loxonecpi.

Isaías 42:24

Qataq ¿negue't cam ỹaneguet na Israel le'ecpi nam lauo' le'ecpi so Jacob da noxonecpi qataq qaicachiỹa? ¿Saisheto' da nacheñi Ñim Nataxala'? Cha'aye namayepi huo'o da lasouaxashet hueto'ot Ñimaye, souaxat da saishet da quegue so nqa'aic maye ỹachaxanegue co'ollaxa Ñimaye, qataq saishet da ỹalaxagueta naua lapaxaguenataxanaxaco.

Isaías 17:14

Qaq ye avit qalaq ỹataqta huo'o da lchec namayepi, qalaxaye da mashe yaqta'a yo'oxoñi nache qaica. Qaq 'era da 'eetec qom vi'iiguet nam qomi' nhuottaleguete naxa, qataq 'era da loga't nam qomi' nlaxattreguiñi naxa.

Isaías 24:9

Qataq sa nỹomgui na lataxa da do'onaxaatac, cha'aye na nỹomaxaicpi ỹataqta ichemaxan qome na lataxa.

Salmos 62:10

Saishet qome da qaupi'iitega da loquiaxac, saishet da qaỹa'agaqñiỹauec da ncachaxac, da ivita da nquictasheguem da qarsallaqai, qalaq saishet da qaumachiỹalec da qarquiyaqteỹaxaqui damaye.

Nahúm 2:13

Qaq da la'aqtac Ñim Nataxala' maye Qaica ca Ỹaqalanapec, 'eeta': «Aỹem 'am ñanaỹa nagui da 'am sataỹa'aguet, nache savigaxat anam 'aigonapi maye 'analaataxaquipi, nache nda'a't nmala'q ñaqa'en anamayepi, qataq serolec ca ỹeelonec na 'aỹa'alaqpi da salauat, nache imeuo ñaqa'en da ncachaxac nam 'ana'alhua, huaña nache saishet da qaltaq qaỹa'axaỹa nam 'ara'aqtaxanaxanecpi».