Nahúm 2:8 - La'aqtaqa Ñim Lo'onatac 'Enauacna 2013

⁸ Qaq ye Nínive, qalaq 'eeta'am aca laỹe' na 'etaxat da depoqogui nache ipaxanec na le'ec, qaq nache 'eetec da datauec 'enauac na lma' yemaye. Nache na'alaqtapiguiñi 'eeta': «¡Ña qoviỹa'aina! ¡Qañe'eguelaqai!» Qalaxaye qaica ca ñe'eguelaq.

Toba del Oeste

⁸ Ena'am nale ga'me noĝop ladic da'me tauoĝoyi, gaa'me 'lachaqa't di'me Nínive yataqata dajodegue. Te'me qoyiyaĝatapegue'to: «¡A'niyelaqai! ¡Cha'li anechachetañe!» Qalaĝaja qaya'te 'niyelaq.

Nahúm 2:8 Referans Kwoze

Apocalipsis 17:15

So namaxashec piguem le'ec nataqa'en aỹem 'enapega, 'eeta': «Ne'ena talapi maye 'aulota'a maye nso'ootalec añi 'alo maye quisheguetaxai, namayepi nachena na ỹotta'a't shiỹaxauapi maye ỹotta'a't na la'aqtacpi.

Apocalipsis 17:1

Nache so 'oonolec soua siete namaxa'she piguem lashe' maye lasoqta'alo soua siete ỹomaxaqui', somaye anac. Nache aỹem 'enapega, 'eeta': «'Aỹala, ñaq 'am sachaxana da nhuaxanaguec maye iuatta'aguet añim 'alo maye ỹataqta lta'araic da lquisheguetaxac maye nso'ooto'ot na loigue na qalota 'etaxat.

Nahúm 3:17

Qaq na 'arauanaxanaxanecpi qalaq 'eeta'am ana shiiquioxoi, qataq nam ilotague' na 'analleppi 'eeta'am aca napal shiiquioxoipi, da nvi' na latomaxa nache lapono'ot na lpaqtaxat na nỹecpi, qaq da nnoxoosheguem añi nala' nache jec, qalaq qaica ca ỹaỹaten cam taigue.

Jeremías 51:30

Na alleppi ye Babilonia qalaq ỹaxaañi da l-loquiaxac, nache saishet da iraxan na lle'eguenaxaquipi, cha'aye imeuo da la'añaxac, nache ivitta'a da 'eeta'am na 'alpi. Yem lalamaxat huaqta'a't nỹecpi maye ỹotta'a't naua nañalo, qalaq qainoxotaua'a qataq qaỹavigaxat na lma'pi.

Jeremías 50:16

Ye Babilonia saishet qome da qano'onaxachiỹalec cam danaxan huo'otaq ca nqat na ala na lañiguishec. Qaq nam chegaqauecpi qom ila'a que'eca alaataxac, nache ỹe'eguelaxa ca maiche na'alhua, qaq ñi 'oonolec ỹe'eguelaxa ca maiche lma'.

Jeremías 46:5

Qalaxaye ¿negue'to' dam selota'a? Qaq souaxat da lcolanaxa, nache qosheta. Nam alleppi qalaq laga't cha'aye noxonecpi, qataq datauec nache saishet da namatapec. ¡Qaq 'enauaque naua pa'aiguelo huo'o da ncolanaxa! Qaq 'era da ỹa'aqtac Aỹem Nataxala'.

Isaías 48:20

Qoquiỹa'ai na babilonia qautaiueguesop na caldeopi. Qaua'axachiiuec de'era na'axaỹaxac nache qaua'alqai souaxat da qantonaxaqui, qataq qaviraxacha'a nam hueta'a na pa'atec ana 'alhua, qoñeeta': «¡Ñim Nataxala' isouec so Jacob maye lamaxashec!»

Isaías 47:13

'Am, qalota co'ollaxa na 'am detaqtaua'a, nache ivitta'a da 'anasamiisop. ¡Qaq ña nachaateuo 'anqa'en da yaqto' 'am mpaxaalec nam ỹaỹaten da lataxac ana huaqaañipi, qataq nam ishet da huo'o ca ỹa'axata'a da ilo'ot ana huaqaañipi, qataq nam 'am da'aqtaxaateguem naxa ima'ape naua ca'agoxoiqa da ỹa'axata'a cam ñaq natauo!

Isaías 13:14

Na shiỹaxauapi qalaq 'eeta'am qome aca ñi'imshe da qaicaatac, huo'otaq aca qaguetapi da nlagaxattac nache qaica ca ishet da laỹona't. Nache ñi 'oonolec ỹe'eguelaxa ca maiche lma', qataq ỹe'eguena ca maiche na'alhua.

Génesis 10:11

Qaq nache chegoqchiguiña co'ollaxa yi'iye 'alhua da nqo'ona ye Asiria. Qaq nache huaña yemaye da no'oxoosheguem so Nínive, Rejobot, Calaj,

Jeremías 51:13

Qaq 'am Babilonia maye qoneto'ot na loigue na lta'araic talapi, qataq 'am hueto'ot da lta'araic 'arsallaxa, ¡qalaxaye mashe 'avita ye 'araloqo', yem loga't da 'anachaalataxac!

Jeremías 47:3

Qaq qom hua'axaỹa da nỹaanaxac na caipi, qataq da l-llimiaxa ana naigonapi, qataq da l-lamaxa ana lasaxannapi, nache na nta'alpi qaica qome ca la'añaxac, nache ỹalat na llalaqpi.

Nahúm 1:1

Ana nere maye huetalec da lauanaqchec so Nahúm maye lma' ye Elcos. Qaq 'era da na'aqtac maye taỹa'a ye huaqta'a't nỹecpi ye Nínive.

Isaías 38:14

Da ỹachetataic qalaq sheeta'am na payogotpi qataq sachottac sheeta'am na qoto'pi. Da imeenaxanaxac qalaq mashe nasamñi da seloto'ot na piguem. ¡'Am Nataxala', mashe aỹem qaipataqta'a't, ñaq 'auanac da aỹem 'autauan!

Isaías 59:11

'Enauac da shenaqta da sachotaqtai' shenaqta'am na 'oosopi, qataq ñeỹenaqtac shenaqta'am na qoto'pi, seuataqtaique ca nca'alaxa qalaxaye saishet da nvi'; seuataqtaique da qomi' huesochiyiñi qalaxaye damaye qaỹoqtaique.