Nahúm 2:7 - La'aqtaqa Ñim Lo'onatac 'Enauacna 2013

⁷ Qataq noxona aso nate'e nache qaỹauec, nache lỹatec qanqa'en aso l-latapi maye 'eeta'am na qoto' da dequictai', qataq nỹeetague' nhuaxaata'aisalo naua ltogue.

Toba del Oeste

⁷ Jaga'me nejaliaĝana male qoyen nelata, qoyauegue joga'me aleua jo'ne ja jote'tegue; gaa'me lamaĝajel 'uo da'me 'lalaĝa'j ena'am joga'me doqoto', male noye'tape, ye'uaĝatalo'te naa'me letoguel.

Nahúm 2:7 Referans Kwoze

Isaías 59:11

'Enauac da shenaqta da sachotaqtai' shenaqta'am na 'oosopi, qataq ñeỹenaqtac shenaqta'am na qoto'pi, seuataqtaique ca nca'alaxa qalaxaye saishet da nvi'; seuataqtaique da qomi' huesochiyiñi qalaxaye damaye qaỹoqtaique.

Isaías 38:14

Da ỹachetataic qalaq sheeta'am na payogotpi qataq sachottac sheeta'am na qoto'pi. Da imeenaxanaxac qalaq mashe nasamñi da seloto'ot na piguem. ¡'Am Nataxala', mashe aỹem qaipataqta'a't, ñaq 'auanac da aỹem 'autauan!

Lucas 23:48

Qaq 'enauac so shiỹaxauapi maye ỹauaachigui de'era huaigui Somaye, nache nlagaxatapec, qalaxaye ỹataqta iuaxaataleguete naua ltogue souaxat da nqui'ic. Cha'aye nomta da lasouaxashet.

Lucas 23:27

Qaq ỹataqta qalota so ỹalleppi maye ca'attaueegue So Jesús qataq qalota aso ỹalectauopi na 'alpi. 'Enauac asomayepi nỹeetagui, na'alaqtapiguiñi, souaxat da laquicoxo.

Isaías 32:12

Ña qauachaxañi qome da qanqui'iqui souaxat nam huo'o da lyac no'onaxapi, qataq anam ỹataqta no'on nañiguishe uvapi.

Marcos 14:66

Qaq co'ollaq ñaq qanayeetaigui de'era, nache so Pedro ñaq hueta'a so nqasoxoc so lma' so nta'a. Nache nvi' aso lamaxashe som lataxala' na ntaxaỹaxanaxanecpi,

Ezequiel 7:16

Qaq na'aictaxa qome da huo'o ca ishet da naneltaxan da tasheguema aye qasoxonaxapi da 'eeta'am ca qoto' da ñi'i, qalaxaye 'enauac qome da ileu, souaxat na lasouaxashetpi.

Nahúm 2:6

Qalaxaye nauatoigui na lapoxotpi na 'etaxat so tala, huaña nache nlaguiñi so nma' lta'araic.

Nahúm 3:13

Qaq nam 'analleppi qalaq 'eeta'am qome na 'alpi, qaq nam ñegueuopi nam 'ana'alhua qalaq nauattaiguipi, da yaqto' pa'auo nam 'anpa'aguenaxauapi, cha'aye ca norec nlaxaañi qome na lpaqtaxat nam ñegueuopi.