Nahúm 2:3 - La'aqtaqa Ñim Lo'onatac 'Enauacna 2013

³ Qaq na 'añaxacpi nalleppi qalaq togaxarai ana lpaqtaxanaqtepi, qataq togaxaraic da lo'oxoỹaxac nam logoxotpi namayepi. ¡Qataq lhuotta da nalat! Qaq ana laigonapi qalaq 'eeta'am na norec, qataq iyaqtai' na lalo caipi.

Toba del Oeste

³ ¡Tomaĝadael gaa'me lequepaĝanaqatel jogaa'me coico laje' jo'ne am nateda'a, nataq'aen tomaĝadayaqa gaa'me leuo lael jogaa'me! ¡Joote niyamaĝateta'ajalo qaedi male deloiqui'y! Gaa'me leloiquiaĝaiqui' jo'ne cadeetal 'uo da'me laqajelgaĝa'j ena'am ga'me dole'; joga'me pegadipi joote ja 'yemadete'.

Nahúm 2:3 Referans Kwoze

Apocalipsis 12:3

Ime, qataq yo'oq so lỹa huo'ot na piguem, lta'araic qataq sa qaỹauanapega: Yo'oq so lta'araic shiguiỹac leguemaxaic togaxaraic da lo'oxoỹaxac, qaq somaye siete naua lqaigo, qataq diez soua lcouel. Qaq ñi 'oonolec soua lqaigo ỹaatañi ana naro'o na nta'a.

Apocalipsis 6:4

Nache nnoxonec so lỹa caaỹo togaxaraic. Qaq Ñim Lo'onatac 'Enauacna ỹanem se'eso netalec somaye da la'añaxac, da yaqto' nlaxaañi da nlagaxayec ana 'alhua, qataq da yaqto' ỹo'otec da ñi 'oonolec shiỹaxaua ỹalauat ca lỹa. Qataq ỹanem so lta'araic lainec somaye.

Zacarías 11:2

¡Qami' piinopi qanỹeñi qome, cha'aye hua'axañi ana cedropi, cha'aye ana no'on 'epaq mashe dolachigui! ¡Qaq qami' encina maye qoviita'a na Basán, qana'alaqaitapiguiñi qome, souaxat da qailaxachigui ye qalochiguiñi aviaq!

Zacarías 6:2

Aso hua'auchiguiñi naigona, lauegaxala'ate soua caaỹol togaxaraiqa; qaq aso lỹa qalaq lauegaxala'ate soua caaỹol lairaxaiqa,

Zacarías 1:8

Qaq huo'o so pe, nache huo'o so ỹauanaqchec: Aỹem sela'a so ỹale netalec so caaỹo togaxaraic. Somaye netangui so ca'amegue nachattanguilo soua 'epaq le'enaxat arrayanes, qataq hueta'ague na l-laq somaye so laỹepi caipi, huo'o so togaxaraicpi, tocalecpi, qataq so lapaxaxaicpi.

Isaías 14:8

Qaq ivira'a ana qo'oipaq piinopi qataq ana cedropi maye huaña ye Líbano, ỹataqta ntootapeguec da 'am qailaxachigui, nache 'eeta': ‹Chegoqta'a co'ollaq qouañi, nache qaica ca anac da qomi' iqueso'q›.

Da na'aqtaguec so Job 39:23

na'aictaxa da lamgui ana checna da nlectecot somaye, qataq na lqashelgaxa ana taquiaxai qataq ana na'araxanaqte.

Ezequiel 23:24

Qaq 'am naỹa qome namayepi, huota'a ana qalota naigonapi, qataq na alleppi, nache 'am coleesop qome, na'atchigui na lo'ogoxonaxatpi, qataq ỹaatañi ana naro'opi maye nalaataxaquipi, qataq ana lpaqtaxanaqtepi, qaq Aỹem sanem qome namayepi da 'am nmi't, qaq 'am nmit qome, do'ogoxona da maiche lataxac namayepi da huo'o ñi nmit.

Ezequiel 26:7

Aỹem Nataxala', shenapec: «chegoqtegue ñaqa'en qome da sheu' ñi Nabucodonosor ñim nta'a ye Babilonia ñim nta'a maye ỹataqta 'añaxaic, yaqto' iloquiaxan ye Tiro. Ñimaye anac qome ỹauota'a lalo caipi qataq aca nnaigonapi qataq ca nalleppi maye netalec na caipi qataq ca ỹataqta qalota nalleppi.

Nahúm 3:2

Qaq cheta'aguet na l-lamaxa nam nalashenaxanaxatpi, qataq ana lasaxannapi ana naigonapi, qataq da l-lamaxa da naloxoyaxac na caipi, qataq da lacholaxanaxa anam naigonapi.

Salmos 80:13

Qataq ana ỹolopi qalaq nlaxaañi, qataq na huauec shiguiỹacpi ỹauta asomaye.