Nahúm 2:2 - La'aqtaqa Ñim Lo'onatac 'Enauacna 2013

² Cha'aye Ñim Nataxala' qaltaq ỹe'eguelaxata qome da llo'oxoyec so Jacob, da 'eeta'am naqa'en da llo'oxoyec so Israel, cha'aye nam huotaxanaxaicpi nhuo' co'ollaxa namayepi, nache 'eeta'am naqa'en ana nañiguishe uvapi da qui'itta'ague ana lcouepi.

Toba del Oeste

² Qa'a joñe'me Jaliaĝanec yadalaĝat qomle da'me 'lañaĝa'j jena'me lec'oqo'tepi jodi'me Jacob, nach'e ena'am da'me 'lañaĝa'j jena'me Israel lec'oqo'tepi, qaedi male ena'am ca'li da'me jona'li qonouo', qaedi ja yitaĝa ta'le eda'am jaga'me uva lichidijat jo'ne qaqata.

Nahúm 2:2 Referans Kwoze

Sofonías 3:11

Qaq que'eca na'a'q nache qaica qome ca 'am ỹa'aloqchettac, nam 'auo'otpi maye ỹo'ot co'ollaxa da Aỹem 'auataỹa'aguet, cha'aye 'am ñeqateeguesop qome na na'amqaanaxaicpi qataq na ño'oxonnaxaicpi, nache saishet da qaltaq ỹachaxaatac dam ño'oxonnaxac da hueta'a añim qui'itta ñeqasoxonaxa.

Ezequiel 37:23

Qataq saishet qome da ỹe'eguelaxa da qaltaq nshepaxanaqcheela't, souaxat da ỹo'oxoreetac na nqolacpi maye nqaigaxat, qataq da ỹo'ottac na ỹotta'a't lasouaxashetpi. Aỹem sesoueeguesop qome 'enauac nam ỹo'ot da saỹalaq maye ỹo'ottac namayepi, qataq seỹouec na lasouaxashetpi. Qaq huaña qome nache ỹalamaxat namayepi, qataq Aỹem Natamnaxala' qome.

Isaías 60:15

Qaq na'aictaxa da 'am qaỹalat co'ollaxa qataq 'am qaiqaiga qataq qaica ca quetegueto naua 'anqa'aico, qalaxaye so'ot qome da 'am chegoqchigui, dam choche tatec ño'oxonnataxanaxac, qataq da namaicỹaxac.

Oseas 10:1

Na Israel le'ecpi, qalaq 'eeta'am ana nañiguishe uva maye ỹataqta qalochiguiñi, qalaxaye co'ollaq ỹataqta qalota ana alapi, nache nataqa'en nquictauec ana no'oxoosheguem nca'atoxonaxalatepi. Qataq co'ollaq mashe ỹataqta 'onaxaic na na'alhuapi, nache nataqa'en ỹataqta 'onaxaic naqa'en nam saq 'en natamnaxala' coma'pi.

Jeremías 49:9

Da ivita naxa da qanqat ana ala ana uva, nache huo'o ana qano'onaxatañi ltaxale, qaq ye pe naxa da nvireuo na cachaxaicpi qaq nachenata na iuen da ỹache.

Jeremías 25:29

Cha'aye mashe sacoolec da ñamaxa da iuaxanaxanaxac na huaqta'a't nỹecpi, maye huaña da qaỹo'oxoreetac da ỹe'enaxat. Qaq qami', ¿qaupi'itaxañiitega peta'a da qaica qome ca qanhuaxanaguiiqui? Qalaxaye saishet qome da qaica qanhuaxanaguiiqui, cha'aye aỹem ñamaxa qome ca alaataxac 'enauac na netalec ana 'alhua. Qaq 'era da ỹa'aqtac Aỹem Nataxala', maye Qaica ca Saqalanapec.

Salmos 47:4

Ñimaye iqataxanai' co'ollaxa yem ỹauotaique da qaralamaxat, maye ỹo'ot da llo'oxoyec so Jacob, som lauotaxat Ñimaye.

Jeremías 48:11

Ye Moab nache 'eetai' naxa dam chegoqta'ague da huetaigui da l-lagaxayec, saỹauano' da qaỹauega ca ỹaqa'a 'alhua. 'Eeta'am ca lataxa maye saishet da qairaxanapigui' da qaicottangui ana ỹomaxaquipi, qaq ỹoqo'oye saishet da deqat da lamaicỹaxac qataq da no'on laitaỹaxac.

Ezequiel 37:21

Ime, nache qoneta': Da la'aqtac Ñim Nataxala', 'eeta': Aỹem ñeqateeguesop qome na Israel le'ecpi nam ỹotta'a't shiỹaxauapi maye taỹa co'ollaxa, nache sachegoxotteugalo qome da llaỹona't, nache ỹe'eguelaxa ñaqa'en ye maiche na'alhua.

Nahúm 2:10

Nache ye Nínive, qui'ita'ac, nlachiguiñi qataq toolec qanqa'en, qataq ñi'i da lquiyaqteỹaxac, iviloxo'l naua l-llecte, qaica ca la'añaxac, qataq napagaqtec da lasheguiỹaxac.

Nahúm 3:14

Qaq na'aictaxa da 'auqataxanai' ca 'etaxat da yaqto' saishet da 'am qaivireua'a, qataq da 'anquigaxatec da 'ara'añaxac, qataq da 'auapiguingui ca nshaxa da yaqto' 'auo'ot na losoc, qataq da 'anquigaxatec na le'eraxa aca 'arqatelaxanaxaqui.