Nahúm 2:10 - La'aqtaqa Ñim Lo'onatac 'Enauacna 2013

¹⁰ Nache ye Nínive, qui'ita'ac, nlachiguiñi qataq toolec qanqa'en, qataq ñi'i da lquiyaqteỹaxac, iviloxo'l naua l-llecte, qaica ca la'añaxac, qataq napagaqtec da lasheguiỹaxac.

Toba del Oeste

¹⁰ ¡Di'me Nínive yataqata qoyapalaĝat, nataq'aen totapega't, tochiñe! Naa'me lequidiaqatel gaa'me Nínive laje' yataqata t'oi'y, male ja t'añiguelo naa'me leliquetel qa'a 'uo da'me loqolanaqa'. Male yema qaya'te 'lañaĝa'j, gaa'me latajoĝo'j yataqata pagaqate'.

Nahúm 2:10 Referans Kwoze

Salmos 22:14

Qataq sheeta'am ca 'etaxat da qaicorec, naua ipi'ineqa qalaq huesoguilo, qaq añi iquiyaqte qalaq 'eeta'am aca dapic lapa da quiguiñi.

Joel 2:6

Qaq na ỹotta'a't shiỹaxauapi da ila'aguet nache iviloxol, qataq ỹataqta napagaqtec da lli'iỹaxa.

Daniel 5:6

nache ỹataqta napagaqtec, qaq souaxat da lcolanaxa nache ỹataqta iviloxol imauec na lo'oc.

Jeremías 30:6

Ñaq qaunataxañi da huo'otaq huo'o ca ỹale da ishet da deco'o. Qalaq ¿ta'ainco' nagui da selota'a na ỹalleppi da lpataxaatac na lasot 'eeta'am da nqui'ic aca huotaique da deco'o? ¿Ta'ainnco' da 'enauac namayepi da napagaqtec?

Isaías 24:1

Ña qauloỹa da Ñim Nataxala' nlaxaañi qome ana 'alhua, nache qaica qome ca no'onañi da huetalec anamaye, qataq ỹataqta qaica ca laỹamaqa' naqa'en qataq ilagaxattac 'enauac nam huetalecpi anamaye.

Isaías 21:3

Na ỹo'oc qalaq ỹataqta imauec da daỹalli, qataq ỹataqta ñeviitiguiñi da ñiqui'ic, sheeta'am aca 'alo da deco'otapigui', da ỹachetataic qalaq ỹo'ot da sa sa'aqa, qataq da ỹi'iỹaxa ỹo'ot da sa ñauaañi.

Sofonías 3:6

Ñim Nataxala', 'eeta': «Aỹem selaxachigui co'ollaxa na ỹotta'a't shiỹaxauapi, qataq selaxachigui ana lalloxolatepi maye nalec na lpaqtaxanaxatpi, qataq so'otec da toteguelo naua nqa'aico, nache qaica ca shiỹaxaua da quetagueto naamaye. ¡Nache nam lalamaxat huaqta'a't nỹecpi ỹataqta toolec qaica da choche 'oonolec ca no'onañi!

Nahúm 3:7

Qaq 'enauac nam 'am ỹauaachigui 'am ca'ai qome nache, 'eeta': «¡Ye Nínive ỹataqta nlachiguiñi! ¿Chaq negue't ca ichoxoren qome yemaye? Qataq ¿chaq negue't ca ishet da ỹa'añaqchet yemaye?»

Jeremías 51:62

Ime, qome nache qoneta': ‹'Am Nataxala', 'am qonapec co'ollaxa da 'aulaxachigui ne'ena nma', nache saishet da huo'o ca ỹe'eguelaxa da naña namaye, nam shiỹaxauapi qataq na shiguiỹacpi, cha'aye ỹe'eguelaxa 'anqa'en da nache 'eetai' da toolec namaye.›

Isaías 14:23

Nache nañigui ñaqa'en ca nshaxa maye deshe, qataq nlaxalec qome aca chiyetpi, qataq sequeloc serolec aca nquelogaxanaqte qom selaxachigui.» Qaq 'era da la'aqtac Ñim Nataxala' maye Qaica ca Ỹaqalanapec.

Josué 2:11

Qaq can sa'axasoqchigui de'era, nache ỹataqta qomi' sa ntoonaxanaxa'n da qayi'iỹaxa souaxat da qaica ca ishet da qami' dataỹa'agueta. Cha'aye Ñim Nataxala' maye Qanatamnaxala'ai, Ñimaye nacheñi Ñim Natamnaxala' na neta'ague da piguem qataq na netalec ana 'alhua.

Génesis 1:2

Qaq ana 'alhua saxanaqca co'ollaxa ca laỹamqa', nda'a't da auaxai maye ỹataqta qaỹoqchiguingui qataq napalñi, qaq so Saqcha'a La'añaxac Ñim Lo'onatac 'Enauacna coleetapeguelec na 'etaxat.

Josué 7:5

nache so Ai le'ecpi ỹalauat co'ollaxa so treinta y seis Israel le'ecpi, qaq so laỹepi nache ỹachegoxotchiguiña so lasom so lpaqtaxat ye huaqta'a't nỹecpi da icaatac, nache iviraxatta'a so qaỹachegoxottapiguiña na no'oxonaxanaxat coma', qaq co'ollaq huaña ye lca'amaxa nache noxonecpi somayepi. Qaq ỹoqo'oye se'eso shiỹaxauapi nlleuchiguiñi da lquiyaqteỹaxac.

Jeremías 8:21

Aỹem ñeque'etaxangui da nque'eenaxac na ihuo' le'ecpi, da naquicoxo qataq da ncolanaxa aỹem loxonec.

Jeremías 49:23

Da na'aqtac da qaỹa'axata'a dam talec qome ye Damasco, 'eeta': «Nam huaqta'a't nỹecpi maye ỹotta'a't naua nañalo ye Hamat qataq ye Arpad, ỹataqta huo'o da la'agaxa cha'aye nvita da qauem la'axaỹaxac. Qaq yeemaye ỹataqta nlaxaguilo da lcolanaxa nache saishet da huo'o ca lle'emaqa'.

Ezequiel 21:7

Qaq qom 'am qainat da ta'ainco' da 'anỹeetac, nache 'aua'axat dam na'axaỹaxac maye mashe yaqta'a da yo'oq, nache 'enauac qome na shiỹaxauapi ana 'alhua qaica ca la'añaxac, qataq ñaxanguilo naua lhuaxaye, nache qaica qome ca huo'o da 'enec qanqa'en, nache 'enauac qome na shiỹaxauapi cholaxa'n naua l-llecte souaxat da lcolanaxa. Qaq mashe ivita ye laloqo', qaq damaye yo'oq qome. Qaq 'era da ỹa'aqtac Aỹem Nataxala'.»

Ezequiel 31:15

Aỹem Nataxala', shenapec: Asa'aso qo'oipaq qom taña yem hueta'a na leuaxaicpi, nache so'ot qome da deqaqa aso qaỹoqchiguingui auaxai souaxat da laquicoxo, qataq sha'axaneguet na talapi qataq na la'auaxacpi na 'etaxat, qaq souaxat asomaye, nache so'ot da añi qasoxonaxa Líbano nlaxagui da laquicoxo, qataq deqaqa 'enauac ana qo'oipaqpi maye huetalec na no'onaxa.

Nahúm 2:2

Cha'aye Ñim Nataxala' qaltaq ỹe'eguelaxata qome da llo'oxoyec so Jacob, da 'eeta'am naqa'en da llo'oxoyec so Israel, cha'aye nam huotaxanaxaicpi nhuo' co'ollaxa namayepi, nache 'eeta'am naqa'en ana nañiguishe uvapi da qui'itta'ague ana lcouepi.