Nahúm 1:9 - La'aqtaqa Ñim Lo'onatac 'Enauacna 2013

⁹ Qaq ¿negue't cam qalapaqaiteguiñi da qauo'ochec Ñim Nataxala'? Ye Ñimaye qami' ilaxachiguilo qome. Cha'aye Ñimaye saishet da dos da ỹe'eguelaxalec da dataỹa'aguet na npa'aguenaxauapi.

Toba del Oeste

⁹ Qama'le ami, ¿jach'e ga'me jetaque aueñe'tec joñe'me Jaliaĝanec da'me jetaque anaucheñiya? ¡Qa'a male ami yapalaĝa't qomle, qaya'te nec'aletaye! ¡Qaya'te 'uo ga'me 'viyelaĝalegue da'me nautena joñe'me!

Nahúm 1:9 Referans Kwoze

Salmos 33:10

Ñim Nataxala' saishet da ipaigui naqa'en na 'eetapeguecpi na ỹotta'a't shiỹaxauapi, qataq saipaigui naqa'en na 'eetapeguecpi na nhuo' le'ecpi.

Salmos 21:11

Qaq ỹoqo'oye na'aictaxa da huotaique da 'am na'aqchet, qataq da huotaique da huo'o ca 'am ỹo'otec, qalaxaye saishet da ỹañoxot,

Proverbios 21:30

Ỹataqta qaica ca naigui ca naỹaanec, naỹaanataxanaxac, qataq ca no'o'n nqataxac da qaỹataỹa'aguet Ñim Nataxala'.

2 Corintios 10:5

qataq da ño'oxonnaxac nam huotaique da npaxateguet da yaqto' saishet da ivira da ỹoqta qaỹauatton Ñim Lo'onatac 'Enauacna. Sachegoxotaqchigui de'era na'añaxac da so'ogoxonaxa da yaqto' na 'etaxaloxoicpi naralaxa't naua lhuennataxaco, nache ỹalaxaguet So Cristo.

Nahúm 1:11

Qaq 'am Nínive, nache 'am chegaqaigui som ỹo'ottac na qauem maye dataỹa'aguet Ñim Nataxala', som chegoqtecot naua qauema nqataxaco.

1 Samuel 26:8

Nache so Abisay 'enapego' so David, 'eeta': Ñim Lo'onatac 'Enauacna, 'am ỹanem nagui da 'oxonec ye 'ampa'aguenaxaua. Ñaq aỹem 'aua'axaỹa'a da salauat nagui, sera'a ara maiche lataquiaxai, nache seqotaxana'aguet na 'alhua da sa'arapec yaqto' saiuen da she'eguelaqtalec.

1 Samuel 3:12

Qaq qom ivita que'eca na'a'q, nache ỹataqta sepacchigui qome na ỹa'aqtacpi maye talec ñaqa'en co'ollaxa ñi Elí qataq soua llalqa.

2 Samuel 20:10

Qaq so Amasa saishet co'ollaxa da npi'itaxana so Joab, da nasoqta'a so lainec, nache so Joab ỹa'atchigui na da'am laỹe co'ollaxa somaye, nache naañi naqa'en na lauel le'ec. Nache somaye ileu, saiuen da qaltaq qaỹa'arapec, huaña nache so Joab qataq so lqaỹa Abisay, je'c da icanapec so Sebá, maye llalec so Bicri.

Isaías 28:22

Qaq nagui no'on da nache tachiguiña da qare'enaxanaxaqui, cha'aye saiuena'a da qaltaq qaichegaxaañi na qancoñetaxache, cha'aye Ñim Nataxala' maye Qaica ca Ỹaqalanapec, mashe sa'aqchigui da lapaxañi da nlaxaañi qome 'enauac ne'ena 'alhua.

Jeremías 51:64

nache qoneta': ‹'Era da 'eetec qome da iyiiñi na Babilonia, qaq nache saishet qome da qaltaq ỹe'eguelaxa da nachaañi souaxat dam qauem maye namaxa qome Ñim Nataxala'.›» Qaq 'ena na tachiguiña na la'aqtacpi so Jeremías.

Ezequiel 7:5

Ñim Nataxala', 'enapec: ¡Ña 'aula'a da mashe anacta na qauem!

Ezequiel 21:5

Qaq huaña qome nache 'enauac na shiỹaxauapi ana 'alhua ỹaỹaten da Aỹem, nachaỹem Nataxala' ñeqatsheguem na ỹainec, nache saishet da qaltaq she'eguelaxaañi.

Oseas 7:15

Qaq na'aictaxa da sapaxaguen co'ollaxa namayepi, qataq sauo'o da la'añaxa'c naua lhua'q, qalaxaye namayepi lapaxañi na qauem da yaqto' aỹem dataỹa'aguet.