Nahúm 1:8 - La'aqtaqa Ñim Lo'onatac 'Enauacna 2013

⁸ qalaxaye nmichiguiñi naqa'en qome na npa'aguenaxauapi, 'eeta'am ca qapa'atteguet ndep da ỹache 'enauac na huetangui na llec, qataq Ñimaye 'eeta'am ca napalaxa da iviralec na npa'aguenaxauapi.

Toba del Oeste

⁸ Qalaĝaja joñe'me ena'am ta'le nayenegue ga'me ñache, da'me yachi yema ga'me ueta'añdi: qa'a yataqata yapalaĝa't qomle jogaa'me jetaque nauteta. Male 'lalaĝa en nala'alo jogaa'me laute'u joñe'me.

Nahúm 1:8 Referans Kwoze

Ezequiel 13:13

Qaq ỹoqo'oye Aỹem Nataxala' shenapec: Qom salemata nache so'ot da anac ca la'ana't la'at, qataq qom salemata nache so'ot da anac ca lta'araic auot, qataq naañi ñaqa'en aca lache maye 'eeta'am na coma', yaqto' ilaxachigui 'enauac camaye.

Isaías 28:17

Qaq qom ño'oxoosheguem que'eca nỹec, nache so'ogoxona da nalochiguiñi lataxac qataq da no'on lataxac.» Qaq dam natenataxanaxac maye qavi'eguiñiỹoigui co'ollaxa, qalaq ilaxachigui qome aca lache, qataq ca 'etaxat nlaxagui qome naqa'en ca qanqañoxotaqa'ai.

Isaías 8:22

qataq ilolec qome ana 'alhua qalaq nda'a't da nachoxoyec qataq ca napalaxa da ilota'a, nache imauec qome da huetaigui ca napalaxa.

Sofonías 2:13

Ñimaye ỹachaxanegue qome na lhuaq da sheu' da yaqto' ilaxachigui ye Asiria, qaq huaña nache toolec qome yem huaqta'a't nỹecpi ye Nínive, nache ỹe'eguelaxata da ỹataqta toolec qataq deqaqta yi'iye 'alhua.

Amós 8:8

Qaq ¿peta'a saishet qome da cholaxan ana 'alhua souaxat de'era? Qataq ¿peta'a saishet da nỹen qome na shiỹaxauapi maye netalec anamaye? Qom nquiguisheguem qataq nquiguiñi ana 'alhua, 'eeta'am na 'etaxat so tala Nilo.

Mateo 8:12

Qalaxaye nam hua'auchiguiñi ncoyeguenatacpi maye ỹalegueua'actaxa da lo'onataxanaxac Ñim Lo'onatac 'Enauacna, namayepi qaỹasaxauga ca napalaxa. Huaña da ỹataqta nỹen souaxat da nqui'ic qataq inaga't naua lhue souaxat da lcolanaxa.

Mateo 7:27

Qaq da ivita da anac na auot, qataq da npaxaasheguem so tala, qataq da anac na la'at lta'araic, nache ishet da ỹa'axasoxooñi que'eca nỹec, nache ỹataqta nlachiguiñi naqa'en.

Nahúm 2:8

Qaq ye Nínive, qalaq 'eeta'am aca laỹe' na 'etaxat da depoqogui nache ipaxanec na le'ec, qaq nache 'eetec da datauec 'enauac na lma' yemaye. Nache na'alaqtapiguiñi 'eeta': «¡Ña qoviỹa'aina! ¡Qañe'eguelaqai!» Qalaxaye qaica ca ñe'eguelaq.

Nahúm 1:1

Ana nere maye huetalec da lauanaqchec so Nahúm maye lma' ye Elcos. Qaq 'era da na'aqtac maye taỹa'a ye huaqta'a't nỹecpi ye Nínive.

Daniel 11:40

Qaq qom ivita que'eca loga't, nache ca nta'a maye lma' da taguiñi, iloquiaxan ca nta'a maye lma' da sheu', qalaxaye que'eca nta'a maye lma' da sheu', ca'ata'aguet qome camaye, nache 'eeta'am ca la'at lta'araic da iloquiaxan ca nta'a maye lma' da taguiñi, nache aca nnaigonapi maye alaataxaquipi imattalec qome que'eca 'alhua, qataq ca qalota nalleppi maye netalec na caipi, qataq aca qalota notaxaquipi da quiguingui na 'etaxat.

Daniel 11:22

Nache loxonec qome cam 'añaxaicpi maye dataỹa'aguet camaye, qataq nataqa'en ỹalauat qome cam nataxala' maye naỹamaxate' co'ollaxa.

Daniel 9:26

Qaq qom inoxoorec caua sesenta y dos semanas, nache qanqat da nachaalataxac cam nataxala' maye nca'aguishec. Nache ye Jerusalén qataq añi atamnaxaqui ilaxachiguilo qome cam shiỹaxauapi maye nalleppi cam nta'a maye anac qome. Qaq ỹataqta nque'elaxatta qome que'eca loga't, 'eeta'am da lviraxac ca ndep. Qataq huo'o qome ca nlaqtaxanaxac qaq camaye vi'iiguet qom ime ca alaataxac.

Jeremías 13:16

Qavio'oxoyeñi qome Ñim Nataxala' maye Qanatamnaxala'ai, qom saxanaxa da nvi' naqa'en ca napalaxa, qataq da qaupogolaxañiitapiguiñi da qoquiitaigui ca napalñi. Qaq qami' qauacheetaique cam yo'oqchiguiñi qalaxaye Ñimaye nmeneguet qome naqa'en cam sansattec napalaxa qataq ỹe'eguelaxa naqa'en da ỹataqta napalñi.

Proverbios 4:19

Qaq so nqa'aic na qauemaicpi qalaq napalñi, qataq saishet da ỹaỹaten ca quia'aqaisop.

Da na'aqtaguec so Job 30:15

Nache na ỹo'ot da ncolanaxa aỹem talec, nache da ỹo'oxoyec imeuo, 'eeta'am da ỹache na la'at, qataq da isallaxa qalaq 'eeta'am na lo'oc da huaỹoxon.

Daniel 11:10

Qalaxaye caua llalqa cam nta'a maye lma' da sheu', naỹamaxa't qome da yaqto' ỹo'ot ca alaataxac, nache laỹona't cam qalota nalleppi. Nache ca 'oonolec caamaye lỹatac qome ca nalleppi da iloquiaxan da yaqto' deuotaxanec ye 'alhua maye pa'aigue da taguiñi, nache ỹataqta ilaxachigui 'enauac dam tata'ague, 'eeta'am ca tala da ipa'axanec, ime qome nache qaltaq ỹe'eguelaxalec da iloquiaxan nache iviraua'a cam qampaxattaua'a nỹec maye lalamaxat ca nta'a maye lma' da taguiñi.

Da na'aqtaguec so Job 40:11

Ñaq 'anashetcheguem da 'aralemataic, nache 'aulogui 'enauac na napagaqaanaxaicpi, da yaqto' huetaiya' 'anqa'en namayepi.

Isaías 13:9

Mashe anacta ca na'a'q maye lviraxaqui Ñim Nataxala', na'a'q maye chaqaic qataq nactaigui da nnogoxonaxac, qataq da 'ettaigui layeloxo Ñimaye nache ỹo'ot qome da toolec ana 'alhua, qataq imeuo naqa'en nam 'etaxaloxoicpi maye huetalec anamaye.

Isaías 13:10

Huaña nache ana huaqaañipi qataq aso dapiche' saishet da 'eroigui, qataq añi nala' da nnoxoosheguem qalaq naue', qaq ñi ca'agoxoic nataqa'en qaica ca le'eraxa.

Isaías 28:2

Qaq Ñim Nataxala' mashe iqataxaatai' ñi ỹale maye sansatta, qataq 'añaxaic, 'eeta'am ca la'at da nactaigui aca lache, 'eeta'am ca la'at maye sala'axaic da la'añaxac, 'eeta'am ca auot lta'araic, qataq 'eeta'am ca chaqaic ndep da ipaxaalec naqa'en ana 'alhua. Qaq irota'a qome na lhuaq da ỹamaxañi ye Samaria nache huetaiya' naqa'en,

Jeremías 51:64

nache qoneta': ‹'Era da 'eetec qome da iyiiñi na Babilonia, qaq nache saishet qome da qaltaq ỹe'eguelaxa da nachaañi souaxat dam qauem maye namaxa qome Ñim Nataxala'.›» Qaq 'ena na tachiguiña na la'aqtacpi so Jeremías.

1 Samuel 2:9

Ñim Nataxala' ỹataqta ntela'a da lqauaxac na ỹa'amaqteetac Ñimaye, qalaxaye nam qauemaicpi qalaq huaigui ca napalaxa da ileu, cha'aye qaica ca chegoqchigui ca maiche la'añaxac da doxonaxan.

Isaías 28:18

Qataq dam qanaỹamaxataxaqui co'ollaq qanaỹamaxachi' da nleuaxa qanlaxaañi qome, qataq da qanaỹamaxataxaqui co'ollaq qanaỹamaxachi' añi huachiqui, qaica qome ca naigui. Cha'aye anac qome ca qauem na'a'q nache qami' dapaxareñi naqa'en.