Nahúm 1:6 - La'aqtaqa Ñim Lo'onatac 'Enauacna 2013

⁶ Qaq ¿negue'tom cam ishet da nachaateguet da layeloxo Ñimaye? Qataq ¿negue'tom cam ishet da nalota'aguet da layeloxo? Qaq de'era layeloxo Ñimaye 'eeta'am ca norec, qataq da choche nlectelec aca coma' late'erai nache acamaye dolagui.

Toba del Oeste

⁶ ¿Jach'e ga'me yaqanatet ta'le etapega nechatetañe qom qoyauana joñe'me ja 'nalegue? ¿Jach'e ga'me nalo'oguet ga'me lalemataic joñe'me? Qa'a da'me lalemataic 'uo da'me lauaq let'adaic jo'ne edañgui, qama'le 'uo joga'me p'aiyet jo'ne yecolaĝachiguilo gaa'me qadi.

Nahúm 1:6 Referans Kwoze

Jeremías 10:10

Ñim Nataxala' nacheñi Ñim 'eesa Atamnaxala', Ñim Lo'onatac 'Enauacna maye nca'altauec. Ñim Nta'a maye chochaq tatec. Da dalemata nache cholaxan ana 'alhua, qaq nam ỹotta'a't shiỹaxauapi sa ỹañoxot da dataỹa'aguet Ñimaye.

Malaquías 3:2

Qalaxaye ¿negue't ca ishet da nala'aguet que'eca na'a'q maye lviraxaqui? Qataq ¿negue'tom cam ishet da nachaata'aguet? Cha'aye qom nvi', nache 'eeta'am ca norec, da yaqto' qomi' iqui'itaxa't, qataq 'eeta'am qome ca nỹoxonaxat da iỹouec nam qarshepaxanaxa.

Nahúm 1:2

Ñim Nataxala' maye Lo'onatac 'Enauacna, Ñimaye ca'alaxanaxaic, qataq ishet da ipalaique lvi', qataq ishet da ipalaique lvi' da dataỹa'aguet nam ipa'agueetacpi Ñimaye, nache sa ỹala'ac da dalemataỹa na npa'aguenaxauapi.

Salmos 76:7

Cha'aye ỹataqta 'am chaqaic, ¿qaq negue'tom ca ishet da nachattañi da 'am nachatto'ot, da ivita da 'eroigui da 'aralemataic?

Ezequiel 30:16

Qataq savigaxat qome ye Egipto, qaq ye Sin qalaq nque'etaxangui qome da nqui'ic, qataq qaỹauo'o qome na lauacpi na lpaqtaxanaxatpi ye Tebas, qaq ye Menfis qalaq qailoquiaxan qome, huaigui ca na'a'q.

Lamentaciones 4:11

Ñim Nataxala' co'ollaq mashe ivita so laloqo' da layeloxo, nache saishet da ỹañoxot da nllañi nache ỹavigaxat ye Sión, nache ỹataqta ilaxachigui ivira'a so lo'oxonaxala'pi.

Lamentaciones 2:4

Ñim Nataxala', 'eeta'am ca pa'aguenaxaua da ichegaxaalec ca lchecnec, qataq ỹa'añaxaalec na aloiguishec lhuaq, 'eeta'am ca loquiaxaua, qataq ilaxachigui na huo'o da lyac da qailota'a. Qataq anacot da nnogoxonaxac, 'eeta'am ca norec da talec naqa'en so npe'lpi yem huo'o da lyac Sión.

Isaías 27:4

Aỹem saishet da senotac, qalaxaye da huo'o aca ỹaxat qataq ca ato', nache aỹem ashec da selogui', nache ỹataqta imauec da savigaxat.

Isaías 10:16

Qaq ỹoqo'oye Ñim Nataxala' maye Qaica ca Ỹaqalanapec qaica qome ca la'añaxac naqa'en nam ỹataqta 'añaxaicpi, qataq ỹo'ot da 'eroigui na lo'oc souaxat na le'eraxa ca napaxa.

Salmos 90:11

Qaq ¿negue'tom ca ỹauatton da la'añaxac da 'aralemataic? Qataq ¿negue't ca ỹauatton da 'arayeloxo maye ỹo'ot da qarcolanaxa?

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

1 Reyes 19:11

Nache Ñim Nataxala', 'enapeco': «Ñaq 'ampa'auec, nache aỹem 'auataỹot da qoueta'a ana'ana qasoxonaxa.» Qaq Ñim Nataxala', nache nateuga co'ollaxa yemaye, huaña nache anac so la'at lta'araic, nache depoqogui naqa'en aso qasoxonaxapi, qataq dolagui naqa'en aso coma'pi, qalaxaye Ñim Nataxala' saishet da huetaigui se'eso la'at. Qaq co'ollaq ỹoxogue se'eso la'at, nache huo'o so nacholaxanaxa, qalaxaye Ñim Nataxala' ñaqaiyeta saishet da huetaigui somaye.

Apocalipsis 16:8

Qataq jec so lỹa namaxashec piguem le'ec da icorelec so huetagui aso ỹomaxaqui añi nala', nache qoỹami' añi nala' da la'añaxac da yaqto' na le'eraxa ishet da ỹavigaxat na shiỹaxauapi.

Apocalipsis 16:1

Nache sa'axaỹa so nvilỹaxac ỹataqta alam chegoqtoigui aso no'onaxanaxaqui, da 'eetegalo soua siete namaxa'she piguem lashe', 'eeta': «Qoqui, nache qaucoyeelec ana 'alhua nam huetagui naua ỹomaxaqui' maye naigui dam qaica ca 'ena'am lalemataic Ñim Lo'onatac 'Enauacna.»

Apocalipsis 6:17

Cha'aye mashe ivita ye laloqo' da Ñim Lo'onatac 'Enauacna qataq Ñi Qagueta Llalec da ỹauo'o ca qanhuaxanaguec, qaq qaica ca ishet da dataỹa'aguet da nhuaxanaguec.»

Da na'aqtaguec so Job 40:11

Ñaq 'anashetcheguem da 'aralemataic, nache 'aulogui 'enauac na napagaqaanaxaicpi, da yaqto' huetaiya' 'anqa'en namayepi.

Salmos 130:3

'Am Nataxala', taxa da 'aulotagui na nasouaxashetpi, nache ¿negue'tom ca ishet da 'am nachatto'ot?

Isaías 13:13

Huaña nache cholaxan ñaqa'en na piguem, qataq ana 'alhua ca'ai ye hueta'a souaxat da inogoxonaxac que'eca na'a'q, qataq dam 'ettaigui ỹalemataic.

Isaías 66:15

Cha'aye Ñim Nataxala' qom anac qalaq nactaigui ca norec, aca nnaigonapi qalaq 'eeta'am qome ana daua'ache, huaña nache icorec na le'eraxa da layeloxo, qataq nalaqaasheguem na le'eraxa da lhuaxanaxanaxac.

Jeremías 21:12

Qataq 'auqata nam chegoxoguet so David da Ñim Nataxala' 'eeta' da la'aqtac: Qauo'oche qome 'enauaque naua na'axa'te ca nalochiguiñi lataxac, qataq qausoiuec nam qarcoñeteguishequi, cha'aye da saiuena'a da souaxat da qauem qaro'onataxanaxaqui, nache 'eroigui da ỹalemataic 'eeta'am ca norec, qataq nalaqaasheguem, nache qaica ca ishet da ỹalamat.

Ezequiel 7:8

Qaq mashe saqaỹaloq da 'am talec ñaqa'en da inogoxonaxac, yaqto' samachiguiñi da semat damaye, qataq ñimit qome da 'arataxac, nache sauo'o ca 'anhuaxanaguec, souaxat 'enauac nam 'auo'otpi maye ỹataqta qaiqaiga.

Ezequiel 21:31

Aỹem 'am sematalec qome da ỹayeloxo, 'eeta'am ca chaqaic norec, qataq 'am saneguet da lhuaqỹaxac na shiỹaxauapi maye qauemaicpi, qataq sanqalat da huo'o na ilaxachigui.

Ezequiel 39:6

Aỹem, ñamaxa qome ca norec ye Magog, qataq yem ỹe'emaqtac maye netalec ye 'alhuapi maye hueto'ot na loigue aso auaxai. Qaq huaña qome nache ỹaỹaten da Aỹem nachaỹem Nataxala'.

Sofonías 2:2

llaxatemaq ñaq saxanaxa da qami' qaichego'q da qoñeeta'am ca 'auaqpi, maye nacheye ye 'oonolec na'a'q huaigui da huaỹoxon; qataq da ñaq saxanaxa da qami' taleguete cam 'ettaigui layeloxo Ñim Nataxala', qataq ñaq saxanaxa da qami' nvitalo cam na'a'q maye huaigui ca layeloxo Ñim Nataxala'

Malaquías 4:1

Ñim Nataxala' maye Qaica ca Ỹaqalanapec da la'aqtac, 'eeta': «Mashe nayeetai' ca na'a'q, maye ỹataqta 'eroigui 'eeta'am aca nqatelaxanaxaqui, cam huaigui qome 'enauac na ño'oxonnaxaicpi qataq nam qauemaicpi da ỹataqta ỹavicta. Que'eca na'a'q maye anac qome, ỹataqta ỹavigaxatta qome namayepi, nache qaica ca no'onañi.

Da na'aqtaguec so Job 9:5

Ñimaye da dalemata nache ỹacholaxan ana qasoxonaxapi, qaq anamayepi saishet da nanoma, chaq negue't ca hualolaguiñi naqa'en.

Da na'aqtaguec so Job 26:11

Ñim Lo'onatac 'Enauacna da huo'o da larenaxanaxac, nache iviloxol naqa'en ana qasoxonaxapi maye nlletañi na piguem.

Salmos 76:8

Qaq chegoqtot na piguem da 'auachaxan da nalochiguiñi lataxac da huo'o ca 'anmit, nache ana 'alhua huo'o da lcolanaxa nache ỹataqta ỹe'emaqtom.

Isaías 33:14

Qaq ye Sión qalaq iviloxol na 'etaxaloxoicpi, na qauemaicpi qalaq nlaxagui da lcolanaxa, nache, 'eeta': «Dam shenaqta ¿negue't ca ishet da huetaigui nam norec maye dalaataxanapec, nam lta'araic norec maye chochaq tatec?»

Lamentaciones 2:3

Co'ollaq 'eroigui da lalemataic nache nlaxaañi 'enauac da la'añaxac so Israel, qomi' ca'aisalo co'ollaq sataỹaqa'aguet so qampa'aguenaxauapi, nache ỹavigaxat so Jacob, 'eeta'am ca norec da ỹavigaxat 'enauac nam natenalec.