Nahúm 1:5 - La'aqtaqa Ñim Lo'onatac 'Enauacna 2013

⁵ Nache Ñimaye da choche nlectelec ana qasoxonaxapi nache cholaxan, qataq ana lcomaraxalatepi qalaq nlaguiñi. Qaq ana 'alhua qalaq cholaxan qataq na netalecpi anamaye iviloxol da lcolanaxa.

Toba del Oeste

⁵ Joñe'me yaqanatet da'me en deda'y gaa'me qajoĝona'a; gaa'me qadi let'adayaqa nale qoyauana joñe'me Jaliaĝanec male dola'y. Yema jena'me aleua deda nale qoyauana, nataq'aen yema jena'me jenjo' aleua, chayovida'alo gaa'me netedalegue.

Nahúm 1:5 Referans Kwoze

Miqueas 1:4

Qaq ana qasoxonaxapi quiguiñi qome souaxat da pelec Ñimaye, 'eeta'am ana dapic lapa da qaỹasaxangui ca norec nache quiguiñi. Qaq nam ca'amapega't 'alhuapi qalaq colaxagui qome, 'eeta'am na 'alhua da ichec ca ỹataqta chaxaguet la'auaxac na 'etaxat.

Jeremías 4:24

Qataq samato'ot ana qasoxonaxapi nache ỹataqta cholaxaatac, qataq 'enauac ana lcomaraxalatepi da ỹataqta iviloxoltac.

2 Samuel 22:8

«Nache huo'o so lta'araic ldaxa ana 'alhua, nache cholaxan naqa'en na na'attalecpi na piguem, souaxat da layeloxo Ñim Nataxala'.

Habacuc 3:10

Qaq ana qasoxonaxapi, qalaq cholaxan da 'am ila'a, qaq na piguem qalaq namaq na ỹataqta lta'araic auot, qaq aso qaỹoqchiguingui auaxai qalaq ỹataqta dauaxan, souaxat da ỹataqta qaỹoqotcheguemegue ana lapaxa.

Salmos 68:8

nache na 'alhua cholaxan qataq na piguem anacot na auot. Nache Ñim Lo'onatac 'Enauacna ỹataqta cholaxan naqa'en añi qasoxonaxa Sinaí, Ñim Natamnaxala' na Israel le'ecpi.

Jueces 5:5

Cholaxan añi qasoxonaxa co'ollaq nayeeta'a Ñim Nataxala', ỹataqta cholaxan añi Sinaí co'ollaq nachaxana Ñim Natamnaxala' na Israel le'ecpi.

Salmos 114:6

¿Qataq qami' qasoxonaxapi ta'ainco' ye qaparenaxañeetagui qoñiita'am ca qagueta peenaqpi? ¿Qataq qami' lcomaraxalatepi ta'ainco' da qaparenaxañeetagui qoñiita'am ca qagueta llalaqpi?

Salmos 114:4

Ana qasoxonaxapi qalaq parenaxaatagui 'eeta'am ca qagueta peenaqpi, qataq ana lcomaraxalatepi parenaxaatagui 'eeta'am ca qagueta llalaqpi.

Salmos 98:7

Ỹataqta dauaxan qome aso auaxai qataq 'enauac na huetangui asomaye, ana 'alhua qataq 'enauac na netalecpi anamaye.

Salmos 46:6

Qaq da da'axaỹaqtaxa'n naua la'aqtaqa Ñim Lo'onatac 'Enauacna nache cholaxan ana 'alhua, qataq ñi'i na ỹotta'a't shiỹaxauapi qataq ỹe'egora't na nta'alpi.

Éxodo 19:18

Nache aso qasoxonaxa Sinaí nchisheguem co'ollaxa na lmala'q, cha'aye Ñim Nataxala' co'ollaq huenotec, nache nactaigui so norec. Qaq so lmala'q 'eeta'am na lmala'q ana nqatelaxanaxaqui, nache asa'aso qasoxonaxa ỹataqta 'enauac da cholaxan.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Mateo 28:2

Nache nque'elaxatta da huo'o so lacholaxanaxa ana 'alhua, cha'aye so lamaxashec Ñim Lo'onatac 'Enauacna, somaye chegoqtot na piguem da naỹaña aso huachiqui. Nache nqat so coma' lta'araic maye lapoxot asomaye, nache nso'oolec.

Mateo 27:51

Huaña, nache nataqa'en so lapoxot hualoxolaỹi maye pa'auo aso no'onaxanaxaqui late'erai, som nacchiguingui na laiñi, somaye colaqchiguingui na laiñi ỹataqta ivirañi so lcolaxa, qaq ana 'alhua qalaq cholaxan qataq na coma'pi qalaq depoqogui,

Apocalipsis 6:14

Qaq na piguem qalaq nquicta'a't da sa qaila'a, 'eeta'am da 'eetec da qainana't aca neraxanaxalate, qataq 'enauac anam qaỹoqotcheguemec 'alhuapi qataq anam ỹaqauga 'alhuapi qalaq nqochen ca'ai na hueta'api.

Salmos 18:7

Qaq huaña nache daỹapec qataq cholaxan ana 'alhua, qataq daỹa'ape naua na'attaleguete ana qasoxonaxapi, ỹataqta cholaxa'n souaxat da lalemataic Ñimaye.

Isaías 5:25

Qaq ỹoqo'oye Ñim Nataxala' dalemataỹa na lalamaxat nhuo' le'ecpi souaxat de'era, nache nauaxaỹaxaasheguem qome na lhuaq da yaqto' iuaxan namayepi. Qaq ana qasoxonaxapi qalaq cholaxan qome qaq na leuaxaicpi qalaq 'eeta'am ca lasogoñi da huetaiya' huetangui na nqa'aicpi. Qalaxaye da layeloxo Ñim Nataxala' saishet qome da vi'iiguet, nache queto'ot da lasauaqtaxanaxac.

Isaías 24:1

Ña qauloỹa da Ñim Nataxala' nlaxaañi qome ana 'alhua, nache qaica qome ca no'onañi da huetalec anamaye, qataq ỹataqta qaica ca laỹamaqa' naqa'en qataq ilagaxattac 'enauac nam huetalecpi anamaye.

Isaías 24:20

Qataq 'eeta'am ca taxaic da ỹe'egottapigui', qataq cholaxaatac 'eeta'am catai' npe'l maye sa da'añaañi. Qaq souaxat da ipataqtañi nam lasouaxashetpi namayepi, nache ivitta'a da huañi nache saishet da ỹe'eguelaxa da nachaañi.

Joel 2:10

Nache da nvi' namayepi nache cholaxan ana 'alhua, qataq cholaxan na piguem, qataq 'om añi nala' qataq ñi ca'agoxoic, qataq ana huaqaañipi qaica ca le'eraxa.

Zacarías 4:7

Qaq ¿chenegue'to' 'am 'amaqtaqai qasoxonaxa? ¡Ye 'am ỹauaachigui qome ñi Zorobabel, da 'am qanquigaxaañi nache 'avi'eguelaxa da qoneta'am ca nalochiguiñi 'alhua! Qaq ñim Zorobabel qom nqatec cam coma' maye ỹataqta 'ana'attalec, nache nam shiỹaxauapi ỹa'alaqtagui qome, 'eeta': ¡Maye sa no'onolec! ¡Maye sa no'onolec!»

Malaquías 4:1

Ñim Nataxala' maye Qaica ca Ỹaqalanapec da la'aqtac, 'eeta': «Mashe nayeetai' ca na'a'q, maye ỹataqta 'eroigui 'eeta'am aca nqatelaxanaxaqui, cam huaigui qome 'enauac na ño'oxonnaxaicpi qataq nam qauemaicpi da ỹataqta ỹavicta. Que'eca na'a'q maye anac qome, ỹataqta ỹavigaxatta qome namayepi, nache qaica ca no'onañi.

Da na'aqtaguec so Job 9:5

Ñimaye da dalemata nache ỹacholaxan ana qasoxonaxapi, qaq anamayepi saishet da nanoma, chaq negue't ca hualolaguiñi naqa'en.

Da na'aqtaguec so Job 26:11

Ñim Lo'onatac 'Enauacna da huo'o da larenaxanaxac, nache iviloxol naqa'en ana qasoxonaxapi maye nlletañi na piguem.

Salmos 18:8

Na lmic qalaq naviigui na lmala'q, na alap qalaq chegaqaigui na norec maye davigaqtaxanapec, qataq ana 'ettaigui poqopi.

Salmos 104:32

Qaq Ñimaye da ỹamatalec ana 'alhua nache anamaye cholaxan, qataq da ipoteua'a ana qasoxonaxapi nache nchisheguem naqa'en.

Jeremías 10:10

Ñim Nataxala' nacheñi Ñim 'eesa Atamnaxala', Ñim Lo'onatac 'Enauacna maye nca'altauec. Ñim Nta'a maye chochaq tatec. Da dalemata nache cholaxan ana 'alhua, qaq nam ỹotta'a't shiỹaxauapi sa ỹañoxot da dataỹa'aguet Ñimaye.

Ezequiel 38:20

Qaq na nỹaqpi aso auaxai, qataq na maỹopi piguem le'ecpi, qataq na shiguiỹacpi maye huauec, qataq nam ỹotta'a't hualectapigui', qataq 'enauac na shiỹaxauapi ana 'alhua, iviloxol qom aỹem datato'ot. Qaq ana qasoxonaxapi qalaq qalagoxoñi qome, ana lcomaraxalatepi qalaq dacagueñi qome, qataq 'enauac na mpaqtaxanaxatpi hua'axauec qome.

Amós 9:5

Qaq Ñim Nataxala' maye Qaica ca Ỹaqalanapec, da choche nhuocteguet ana 'alhua, nache anamaye nlaguiñi, qaq nam netalecpi anamaye qalaq 'enauac da nỹen. Ana 'alhua nquiguiñi qataq nquiguisheguem, 'eeta'am na 'etaxat maye huetangui aso tala Nilo.