Nahúm 1:4 - La'aqtaqa Ñim Lo'onatac 'Enauacna 2013

⁴ Qaq da ỹarenapega aso auaxai nache asomaye deqaxaỹañi, qataq deqaqa naqa'en 'enauac na talapi. Qaq na no'onaxapi ye Basán qataq añi qasoxonaxa Carmelo qalaq deqaqa, qataq deqaqa ana lauoxopi maye hualec na no'onaxapi ye Líbano.

Toba del Oeste

⁴ Yecochaq joga'me ñache let'a, qama'le en qaqata, chayovida'a yaqanatet da'me yema e'm gaa'me ñache. Jogaa'me nanaĝanaqa'te di'me Basán e'n qaqate', chayovida'a di'me qajoĝonaĝa jo'ne Carmelo, nataq'aen male qaqate' yema jogaa'me onaĝayaqa jo'ne layoqote di'me Líbano.

Nahúm 1:4 Referans Kwoze

Isaías 33:9

Ana 'alhua huasootac qataq daquicotac, ye Líbano qalaq huo'o da lcoxo nache deqaqa, qaq ye ca'amegue ye Sarón qalaq 'eeta'am ca toolec 'alhua, ye Basán qataq añi qasoxonaxa Carmelo qalaq deqat da lyac na huetalec.

Salmos 106:9

Nache nlaxa co'ollaxa aso Auaxai Togaxarai nache deqaqa naqa'en, nache quichiguingui naqa'en somayepi na pa'aguiñi asa'aso auaxai, nache 'eeta'am da quetalec ca toolec 'alhua.

Isaías 51:10

'Am, deqaqa co'ollaxa 'anqa'en aso auaxai, som 'etaxat maye huetangui aso qaỹoqchiguingui, nache na laiñi aso auaxai 'auo'ot co'ollaxa so nqa'aic da yaqto' llegueta 'anqa'en som 'anca'alaxateecpi.

Isaías 44:27

Aỹem ishet da shenapega da deqaqa aso auaxai océano, qataq 'em ñaqa'en nam talapi maye taỹapegueua'a asomaye.

Salmos 114:5

¿Negue't ca qouaigui 'am auaxai ye 'auatauec, qataq ta'ainco' 'am tala Jordán ye 'avi'eguelaqot?

Salmos 114:3

Aso auaxai co'ollaq ila'a de'era, nache datauec, qaq so tala Jordán qalaq ỹe'eguelaq na 'etaxat.

Salmos 104:7

Qalaxaye co'ollaq 'anlaxa na 'etaxat nache jec, qataq co'ollaq hua'axaỹa da l-llimiaxa da 'arvilỹaxac nache datauec.

Salmos 74:15

'Am 'auo'ot co'ollaxa na mpaxaatasheguem 'etaxat, qataq na talapi qataq deqaqa 'anqa'en na tala maye saq 'emapec.

Mateo 8:26

Nache So Jesús 'enapeco': –¿Ta'ainco' ye qayi'i? ¡Qami' ỹataqta saq 'amaqtaq da qarpi'iỹaxaqui Ñim Lo'onatac 'Enauacna! Nache So Jesús ñesheguem, nache 'enapega so la'at qataq ana lapaxa so 'etaxat da vi'iiguet, nache 'enauac ỹe'eguelaxa da ntochiguiñi.

Amós 5:8

Qanmichiỹaique qome ñim lo'onata 'enauac ana huaqaañipi, ñim nañigui naqa'en na yo'oxoñi nam pe, qataq nañigui naqa'en na pe nam yo'oxoñi, qataq iỹaxana na 'etaxat maye huetangui aso auaxai nache icorelec ana 'alhua. ¡Qaq Ñimaye le'enaxat, Nataxala'!

Amós 1:2

Nache so Amós, 'eeta': Ñim Nataxala', qaỹa'axaỹa qome da lavilỹaxac 'eeta'am na nalataxa, huaña añi qasoxonaxa ye Sión maye naña ye Jerusalén, nache na 'alhuapi qataq na 'auaqpi deqaqa qome, qataq deqaqa ana lmilo añi qasoxonaxa Carmelo.

Ezequiel 30:12

Qataq so'ot qome da deqaqa so tala Nilo, nache yi'iye 'alhua saneguet da lhuaqỹaxac ca qauemaicpi shiỹaxauapi, qaq chegoqchigui ñaqa'en que'eca chegaqauec shiỹaxauapi da nlachiguiñi ñaqa'en yi'iye 'alhua, qataq 'enauac nam huo'o maye huetalec yemaye. Aỹem Nataxala', 'era da ỹa'aqtac.

Da na'aqtaguec so Job 38:11

Nache shenapega, sheeta': «'Ena qome na ishet da 'anvira'a, nache saishet da 'aigue da laỹe, cha'aye 'ena na tachiguiña ana ño'oxonnaxai 'arapaxa.»

Génesis 8:1

Qaq huaña, nache Ñim Lo'onatac 'Enauacna tachigui lauel so Noé, qataq 'enauac so shiguiỹacpi maye nqotta'ai' somaye aso notaxaqui. Nache ỹo'ot da so la'at ỹasheerelec ana 'alhua, nache so 'etaxat nquiguiñi,

Josué 3:16

nache so 'etaxat maye chegaqasheguem vi'iiguet, nache so laponqa' na 'etaxat huaña yem qaỹoqteuga ye huaqta'a't nỹecpi ye Adam, yem huaqta'ai' ye Saretán. Qaq so 'etaxat maye taỹauga aso Auaxai Leuaxai, nache queta ivitta'a da imeuo. Huaña, nache so Israel le'ecpi ỹa'axasoxoolec so tala daqaqattague so llegueta, tatta co'ollaxa ye datatta ye huaqta'a't nỹecpi ye Jericó.

2 Samuel 22:16

Qaq souaxat da layeloxo Ñim Nataxala', nache ya'aqlec naqa'en na pa'aguiñi aso auaxai, qataq na na'attalecpi ana 'alhua qalaq ỹaatec, souaxat na la'at maye chegaqaigui ñi nmic Ñimaye.»

Isaías 42:15

Aỹem ñelaxaañi qome ana qasoxonaxapi qataq ana lcomaraxalatepi, nache deqaqa ñaqa'en 'enauac na huetalec qataq nam talapi ỹe'eguelaxa da toolec 'alhua, qataq deqaqa ñaqa'en ana lapelpi.

Ezequiel 38:20

Qaq na nỹaqpi aso auaxai, qataq na maỹopi piguem le'ecpi, qataq na shiguiỹacpi maye huauec, qataq nam ỹotta'a't hualectapigui', qataq 'enauac na shiỹaxauapi ana 'alhua, iviloxol qom aỹem datato'ot. Qaq ana qasoxonaxapi qalaq qalagoxoñi qome, ana lcomaraxalatepi qalaq dacagueñi qome, qataq 'enauac na mpaqtaxanaxatpi hua'axauec qome.

Salmos 18:16

Ñim Lo'onatac 'Enauacna ỹauota'a lhuaq da aỹem ỹacona co'ollaq hueta'a ye qaỹoqotcheguema, nache aỹem nqatsheguem da sootangui aso qaỹoqchiguingui auaxai.