Nahúm 1:12 - La'aqtaqa Ñim Lo'onatac 'Enauacna 2013

¹² Qaq ỹoqo'oye Ñim Nataxala' 'eeta': «Na'aictaxa da 'añaxaicpi qataq da qalota na asiiriopi, qalaxaye namayepi nlachiguiñi ñaqa'en nache totegue qome. Qaq 'am Judá, na'aictaxa da sauo'o co'ollaxa da 'anque'eenaxac, qalaxaye saishet qome da nache shecto'ot da so'ottac da 'anque'eenaxac.

Toba del Oeste

¹² Chane'eja joñe'me Jaliaĝanec nenaĝategue jenjo', yanema jogaa'me lec'oqo'te: «Gaa'me Asiria laje' te'me 'uañaĝayaqa nataq'aen jalcote gaa'me, qalaĝaja male yataqata qoyapalaĝa't, male qayaua. Da'me ami, yataqata ja'uo adachoĝodequi ca'li, qalaĝaja nayi ja yitaĝa ta'le ja'uo yec'atenaĝanaĝac.

Nahúm 1:12 Referans Kwoze

Joel 2:19

Nache Ñim Nataxala', 'enapec: «Aỹem samaxa qome namayepi na trigo, lataxa qataq na aceite, nache ivitta'a ñaqa'en da ỹataqta comaraxaicpi namayepi, qaq nam ỹotta'a't shiỹaxauapi saishet qome da sashenem da ỹe'eetac namayepi.

Apocalipsis 7:16

Qataq mashe saishet da ilem na lqouaxa qataq na laquip; qataq da ỹavigaxat na le'eraxa añi nala', qataq da iqalleeteguem na napaxaỹaxa.

Nahúm 1:15

¡Ña qanloisheguem! ¡Mashe anactalec ana qasoxonaxapi, nam namaxashec maye ndoi' cam no'on na'axaỹaxac, nam ỹa'axata'aguet cam nlagaxayec! Qaq ỹoqo'oye 'am Judá, 'auo'ot qome cam 'arquia'axac, qataq 'aupacchigui qome cam 'aỹa'an 'ara'aqtac. Cha'aye nache saishet qome da qaltaq 'am nnoxotaua'a nam qauemaicpi, cha'aye mashe imauec da nlachiguiñi.

Daniel 11:10

Qalaxaye caua llalqa cam nta'a maye lma' da sheu', naỹamaxa't qome da yaqto' ỹo'ot ca alaataxac, nache laỹona't cam qalota nalleppi. Nache ca 'oonolec caamaye lỹatac qome ca nalleppi da iloquiaxan da yaqto' deuotaxanec ye 'alhua maye pa'aigue da taguiñi, nache ỹataqta ilaxachigui 'enauac dam tata'ague, 'eeta'am ca tala da ipa'axanec, ime qome nache qaltaq ỹe'eguelaxalec da iloquiaxan nache iviraua'a cam qampaxattaua'a nỹec maye lalamaxat ca nta'a maye lma' da taguiñi.

Isaías 51:22

Ñim 'Arataxala' qataq 'Anatamnaxala' maye iuetteguelec nam lalamaxat nhuo' le'ecpi, 'eeta': «Aỹem, ñeqateeguesop qome na 'arhuaq ana ỹomaxaqui maye ỹo'ottac da 'artaxa, nache saishet qome da 'avi'eguelaxa da 'anỹomtapigui ana ỹomaxaqui maye huetaigui da ỹayeloxo.

Isaías 37:36

Nache so lamaxashec Ñim Nataxala' jec, nache ỹalauat so ciento ochenta y cinco mil alleppi, huaña naqa'en yem lanataqa' so Asiria le'ecpi, qaq so lỹa na'a'q co'ollaq nlouec so laỹepi nache ilalec som leuaxaicpi huetaiya'.

Isaías 31:8

Nache ye Asiria noxonec qome qairolec ca ỹeelonec, qalaxaye saishet da nacheca ca yo'oqchigui la'añaxac ca shiỹaxaua. Nam shiỹaxauapi qalaq dataueeguesop qome ca alaataxac, qalaxaye noxonec qome na nalleppi nsoxoppiolec nache qaỹauo'o nlatacpi,

Isaías 30:19

Qaq qami' Sión le'ecpi maye qoñiitaña na Jerusalén, mashe saishet qome da queta da qannoinaxaqui. Cha'aye Ñim Nataxala' qami' ichoxore'n qom qami' hua'axaỹalo da qaỹaxañiỹaique ca qantaunaguiqui, qaq qom choche qami' hua'axaỹalo nache qami' ỹasategueta.

Isaías 17:14

Qaq ye avit qalaq ỹataqta huo'o da lchec namayepi, qalaxaye da mashe yaqta'a yo'oxoñi nache qaica. Qaq 'era da 'eetec qom vi'iiguet nam qomi' nhuottaleguete naxa, qataq 'era da loga't nam qomi' nlaxattreguiñi naxa.

Isaías 8:8

qaq ivira'a ye Judá da ipaxaalec qome, qataq nquictasheguem ivitta'a da iviro'ot na lqosot. Qaq nache 'eeta'am qome ca qoỹo da ỹauachiguilo naua laua't, nache imattalec 'enauac ye 'ana'alhua, 'am Emanuel.»

Isaías 7:20

Qaq que'eca na'a'q, Ñim Nataxala' do'ogoxona qome ñi nta'a ye Asiria, 'eeta'am naqa'en ca npetegaxanaxat da qaỹa'aalaxana, qaỹachegoxota'ategue da le'ego ye tala Éufrates, nache npetec, qui'it naqa'en na lqaic, lqa' laue, qataq ivira'a ana laso naua lchel na Israel le'ecpi.

2 Reyes 19:37

Qaq huo'o so na'a'q co'ollaq somaye yo'oxonnataxaatac, huetaua'a aso atamnaxaqui maye lalamaqte som Nisroc maye natamnaxala' somaye. Nache soua llalqa Adramelec, qataq Sarezer, ỹa'arapec co'ollaxa somaye nache ỹalaua't, huaña nache datarec, taỹalo ye 'alhua Ararat. Qaq da lo'onataxanaxac da nta'a, nache talec so llalec Esarjadón.

2 Reyes 19:35

Qaq nacheso se'eso pe, anac so lamaxashec Ñim Nataxala', nache ỹalauat so ciento ochenta y cinco mil ỹalleppi se'eso lanataqa' so Asiria le'ecpi. Qaq so nte'eta so lỹa na'a'q, nache somayepi huetaiya' da mashe ileu.

Éxodo 12:12

Qaq que'eca pe nache Aỹem ñanaguelec 'enauac na Egipto. Nache salauat 'enauac na la'auaxanec llalec na Egipto le'ecpi, nataqa'en nam la'auaxanec llalec na na'atetpi. Qataq sauo'o da nhuaxanaguec 'enauac na l-latacpi na Egipto le'ecpi. Aỹem Nataxala', 'era da ỹa'aqtac.

Isaías 10:16

Qaq ỹoqo'oye Ñim Nataxala' maye Qaica ca Ỹaqalanapec qaica qome ca la'añaxac naqa'en nam ỹataqta 'añaxaicpi, qataq ỹo'ot da 'eroigui na lo'oc souaxat na le'eraxa ca napaxa.