Miqueas 7:2 - La'aqtaqa Ñim Lo'onatac 'Enauacna 2013

² Cha'aye mashe qaica ca choxonnataxanaxaic ana 'alhua, qataq mashe qaica ca no'onañi shiỹaxaua maye no'on da lataxac, nda'a't nam quetegueua'a da huo'o ca loxonec da ỹalauat, qataq ñi 'oonolec ỹoiqueetac da nqovin ca lỹa.

Toba del Oeste

² Qa'a male qayaua jena'me jenjo' aleua gaa'me jiyaĝa'u jo'ne onaĝayaqa loec, uotaĝa ta'le maliaĝa uo'oe gaa'me chimaqachidiñe. Dite da'me yemeda yeuateda'a ga'me ua'a da'me yala't joga'me laqaya't, qama'le onolqa'tape napogoĝot ga'me laqaya qaedi yoqovin.

Miqueas 7:2 Referans Kwoze

Salmos 12:1

Ñaq qomi' 'anca'alaxatrec 'Am Nataxala', ten mashe qaica so 'amqaanataxanaxaicpi maye ỹoqta 'am quetegue co'ollaxa, mashe qaica so shiỹaxauapi maye ỹataqta huesota da lataxac.

Isaías 57:1

Nam shiỹaxauapi maye no'on da lataxac da ileu qalaq qaica ca qochetegue', qataq na shiỹaxauapi soxoraicpi imeuo, qalaq qaica ca ỹaỹateeta da namayepi ileu souaxat na qauemsat ana 'alhua,

Jeremías 5:26

Cha'aye ne'ena ỹalamaxat nhuo' le'ecpi, huo'o na ỹalleppi qauemaicpi, maye 'eeta'am ca nqoviitac na qoỹopi da ỹauo'o ana lqoinapi da yaqto' loxonec na shiỹaxauapi.

Isaías 59:7

naua lapia'ate qalaq taigueta da nqalgoqtague' na qauem, qataq nqalgoqtague' da icoldec naua ltago'q cam qaica ca ỹasouaxat. Naua lhuennataxaco qalaq nda'a't da tatapigui lauel da lalaataxanaxac, naua lqauaxaqui' da jec qalaq nda'a't da no'onaxatañi nam ilaxachiguipi qataq nam nlaxaañi.

Proverbios 1:11

Da huo'otaq 'am 'enapega 'eeta': «'Aỹala, qomi' 'auca'ateguelo, cha'aye sauoqtaique da sauoqo'o ca secachaqot, qataq salauataq ca qaica ca ỹauotaique.

Jeremías 16:16

Ñanacot qome na qalota ya'acoxoicpi, Aỹem Nataxala' 'era da ỹa'aqtac, da yaqto' ỹalecaique na Israel le'ecpi. Ime qome nache qaltaq anac ñaqa'en ca qalota 'ipiaxaicpi yaqto' ỹaconeua'a, nache nqateeguesop ana qasoxonaxapi qataq ana qaỹoqotcheguemec 'alhuapi, qataq ivira'a na huetangui na lpoxoỹaxapi ana coma'pi.

1 Samuel 24:11

Qaq nagui 'am nta'a ña 'aumeten na ñasoqta'a, namaye nachena na laỹe na 'arpo' maye secheguec, qalaq saishet da 'am salauat. Qaq nagui nache 'auaỹateeta da saishet da sauotaique da 'am salauat, qataq nataqa'en qaica ca ỹasouaxashet da qoneta. Qalaxaye 'am nta'a, maiche aỹem 'aucaatac da huotaique da aỹem 'aualauat.

Miqueas 3:10

qataq qano'oxoñiisheguem ye huaqta'a't nỹecpi ye Jerusalén maye nalec añi qasoxonaxa ye Sión, nache chegoqchigui qanaqa'eñi da nalaataxanaxac qataq da sa naloguiñi lataxac.

Lamentaciones 4:18

Naua qarqauaxaqui' qalaq ỹataqta qanaua'n, nache sa seshetaq da qolaqtague' na nqa'aicpi. Ye qoroga't mashe sa qaỹapeque, mashe qomi' nviralo ye qaraloqo', ¡mashe ivita ye qoroga't!

Jeremías 5:16

Qaq camayepi 'enauac da 'añaxaicpi alaataxaicpi, nam lo'ogoxonaxatpi qalaq naigui da nleuaxa.

Proverbios 12:6

Naua la'aqtaqa ca qauemaic 'eeta'ama aca nqoina maye dalaataxan, qaq naua la'aqtaqa ca no'on da lataxac qalaq deca'alaqtaxa'n.

Salmos 57:6

Na ñepa'aguenaxauapi ỹauo'o aso lqoina da aỹem nqovin, nache ỹo'ot da qaica ca ỹa'añaxac, qataq ỹo'ot aso lshere ỹanangui so ñeqa'aic, qalaxaye namayepi maiche tangui asa'aso lshere.

1 Samuel 26:20

Qaq da seleu, nache saishet qome da qaỹoqta ne'ena 'alhua maye lalamaxat Ñim Nataxala' ca huaña da huecoldec qanqa'en naua itago'q. Qaq 'am nta'a, ye 'aucaataco' nam pioq lalaxat, 'eeta'am ca icaatac ca dachemi da hualec ca no'onaxa.

Salmos 10:9

Qataq 'eeta'am ca quiyoc da huetaigui ca lauac, nauaatac na choxoraqpi hueta'a ca nqañoxotaqa', iuatta'a ca laloqo' da nqapaxanot qaq da loxonec, nache ỹauogonnaua'a ca lquia'aqa'.

Isaías 9:19

Qaq souaxat dam layeloxo Ñim Nataxala' maye Qaica ca Ỹaqalanapec, nache ana 'alhua ỹavic, nache ca norec ỹavigaxat na shiỹaxauapi. Nache qaica ca ichoxoreetac ca maiche lqaỹa.

Jeremías 8:6

Aỹem ña'axaỹaxaatañi co'ollaxa, qalaxaye saishet da huo'o ca sa'axaỹa da ntogottac souaxat na qauem maye ỹo'otpi, qataq cam huesota da, 'enapec: ¿Negue't cam so'ot co'ollaxa? Nda'a't dam layaqchec da llecỹaxac 'eeta'am ca caaỹo maye sancherapec da huetaigui ca alaataxac.

Ezequiel 22:12

Qataq nam 'am netaiguipi, huo'o na ỹaỹamaxareeta da qaisheeten da yaqto' ỹalauat ca lỹa. Qataq huo'o na ỹan ana alom da qaỹa'aalaxana, qalaxaye da qaisheeten nache ỹagaqnauec añi iỹaxanaique, qataq nhuo' ca lỹa, qataq sairen ca lqaỹa, nache icoua'ai Aỹem. Qaq 'era da ỹa'aqtac Aỹem Nataxala'.

Ezequiel 24:6

Cha'aye Ñim Nataxala', 'enapec: ¡Aicoue 'am huaqta'a't nỹecpi maye 'am laataxanaxai! Qoneta'am aca taxaqui mashe decochigui, maye mashe saishet da qanqat na lcochaxa. Qataq 'anqonaxattasheguem na laỹepiolec ca lapat da 'anqatsheguem, nache ivitta'a da qui'itchigui 'anqa'en aca taxaqui.

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Miqueas 2:8

Qaq qami' nhuo' le'ecpi, maye qami' ỹalamaxatpi co'ollaxa, qaq nagui, qalaq aỹem qanpa'agueñiitague'. Cha'aye nam qaica ca huotaique da chegaqa'a ca alaataxac qalaq qauotaxañic nam no'on logoxot 'eeta'am ca qanalaataxauai.

Miqueas 3:2

Qalaxaye qami' qanquiỹai da no'on, nache nda'a't da qanqopichiỹa da qauem, qataq qancolaxacheetauec na lapat na ỹalamaxat nhuo' le'ecpi, nache qui'itta'aguelo qanqa'eñi naua lpi'ineqa.

Zacarías 11:6

Qaq nache sheetec qome nataqa'en da saishet da she'eguelaxalec, da sechoxoren na shiỹaxauapi maye hueta'a ne'ena 'alhua, nachaqrata da saneguet da maiche taỹa't qome namayepi, qataq saneguet da lhuaqỹaxac ca nta'a. Nache camayepi ilaxachigui qome ne'ena 'alhua, qaq saishet da ñeca'alaxateeguesop da lhuaqỹaxac camayepi. Qaq 'era da ỹa'aqtac Aỹem Nataxala'.»

Salmos 12:2

Ñi 'oonolec qalaq maiche ỹatenachettac ca lỹa, da detaqa qalaq naua la'aqtaqa ỹataqta ỹagaqnapeguec naqa'en na naigui, qataq saq ỹataxaleguete naua la'aqtaqa.

Isaías 3:5

Nache na nhuo' le'ecpi qaica qome ca qairen, ñi 'oonolec qalaq npa'aguene' ca maiche lỹa, qataq ca lỹa npa'aguene' ca maiche nauochaxaua, qataq ca nsoxoppi npa'aguene' ca ỹa'axaiquipi, qataq cam no'otanecpi npa'aguene' ca 'amaqtaqaicpi.

Oseas 6:9

Qaq so nqa'aic maye taỹa'a ye Siquén, qalaq hueta'a na ntaxaỹaxanaxanecpi maye 'eeta'am nam cachaxaicpi da nauaata'aguet na shiỹaxauapi, qaq huaña da decache qataq da dalaataxan.

Hechos 24:9

Nache nam judiopi maye ỹalectauo 'enauac nmasheguem da 'eetega da ỹataqta 'eesa de'era.