Miqueas 5:3 - La'aqtaqa Ñim Lo'onatac 'Enauacna 2013

³ Qaq ỹoqo'oye Ñim Nataxala' ỹaxanec nam lalamaxatpi, nache ivitta'a ca na'a'q da deco'o aca 'alo, maye taỹa'a da ñiguiñi ca llalec. Huaña qome nache na no'onañipi co'ollaxa, ỹe'eguelaxa da ỹaleeguet na lqaỹañecpi Israel le'ecpi maye noxonecpi co'ollaxa.

Toba del Oeste

³ Nayi joñe'me Jaliaĝanec cha'li yepota'n gaa'me lec'oqo'tepi, chayovida'a qom c'oe jaga'me yauo jo'ne dayalitac da'me 'uo joga'me c'oĝot. Qama'le yemta 'niyela' qomle joga'me Israel c'oqo'tepi jo'ne qoyauetegue ca'li di'me aleua jo'ne qaya'ague, qama'le yitaĝa ue'tajopa jogaa'me ja qoyaue'j ca'li.

Miqueas 5:3 Referans Kwoze

Mateo 1:21

Qaq añimaye qom ñiguiñi ca llalec. Qaq 'am nache 'aỹa'anagui da le'enaxat Jesús. Cha'aye nca'alaxateeguesop qome da nhuaxanaguec na lalamaxatpi souaxat na lasouaxashetpi.

Miqueas 4:7

Qaq anamayepi nache sauaxaỹaxaneguet anam no'onañi co'ollaxa, qaq nache sachegoxotchigui qome ca shiỹaxauapi maye ỹataqta 'añaxaicpi. Qaq aỹem Nataxala' selo'ogue qome namayepi, qom huaña añi qasoxonaxa Sión, nagui qataq nache 'eetai' qome.

Oseas 11:8

'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!

Miqueas 7:13

Qaq na 'alhuapi taỹa'a da toolec qome, souaxat nam qauem maye ỹo'ottac nam netalecpi namaye.

Oseas 2:14

Qaq ỹoqo'oye aỹem ñemanaqchet qome, nache sauega ye toolec 'alhua, nache sechettac da setaxaỹot, yaqto' ỹoxonec da lquiyaqteỹaxac.

Oseas 2:9

Qaq ỹoqo'oye qom ivita ca laloxoqui da qanqat na ala na nañiguishecpi, nache aỹem ñe'eguelaq qome, nache sacona na maiche ỹalamaxat trigo, lataxa qataq na ña'asaite, qataq sacona na maiche ỹalamaxat qagueta laue qataq na lino, maye sami' co'ollaxa da yaqto' napogoñi ñaqa'en.

Romanos 8:29

Cha'aye nam nale'ena co'ollaxa da ỹauattonpi Ñim Lo'onatac 'Enauacna, qaq nachena nam lca'aua'a co'olloxocheye Ñimaye, da yaqto' 'eeta'am naqa'en So Llalec, qataq yaqto' So Llalec nacheso so ñaxanec.

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Mateo 12:50

'Ena nam 'eeta'am aca ỹate'e qataq ca ỹaqaỹañicpi. Cha'aye camachaqca ca ỹalaxaguet na lamaxasoxonaxacpi ñi Ita'a maye neta'ague da piguem, qaq nacheca cam ỹaqaỹañicpi qataq ỹate'e.

Miqueas 6:14

Qataq 'auque'etac qome qalaxaye saishet da 'aucoma', nacherata da queta da 'anque'etaxaatapigui na 'arqouaxa, nam 'arapoñiguishecpi qome qalaq pasa'a da imeuo, qaq da huo'o ca no'onañi nache serolec ca alaataxac da qailaxachigui.

Jeremías 31:1

Ñim Nataxala', 'eeta': «Que'eca na'a'q, nache Aỹem Natamnaxala' qome 'enauac na chegoxoguetpi so Israel, qaq namayepi nache ỹalamaxatpi qome.»

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

2 Crónicas 30:7

Saishet qome da qavi'inaxache so hua'au qarta'ailpi, qataq so qarqaỹaipi, da somayepi sa ỹalaxaguet Ñim Nataxala' maye Natamnaxala' so hua'au lta'alpi, ỹoqo'oye Ñimaye ỹaneguet da qailaxachigui somayepi, dam qauauañiichigui nagui.

1 Reyes 14:16

Nache Ñim Nataxala', ca'ai qome na Israel le'ecpi, souaxat na lasouaxashetpi so Jeroboán, maye ỹo'ot nataqa'en na lasouaxashetpi nam Israel le'ecpi.»

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.

Miqueas 5:7

Qaq nam no'onañi lauo' le'ecpi so Jacob, qom ỹalectaigui na ỹotta'a't shiỹaxauapi qalaq 'eeta'am qome na 'aỹa maye namaq Ñim Nataxala', qataq 'eeta'am na auot da talec ana huouepi, maye saishet da iuatta'a ca 'eetapeguec na shiỹaxauapi.

Miqueas 5:8

Qaq nache 'eetec nam no'onañipi lauo' le'ecpi so Jacob qom ỹalectaigui na ỹotta'a't shiỹaxauapi, qalaq 'eeta'am ca llon da ỹalectaigui nam huauec shiguiỹacpi, qataq ca llon llalec da nlecchiguingui aca qaguetapi, nache icolaxattac, qataq ilaxachigui nache saishet da huo'o aca ỹetauec da nca'altauec naqa'en.

Salmos 67:3

'Am Ñatamnaxala', ỹataqta 'am ỹo'oxoren qome na ỹotta'a't shiỹaxauapi, 'enauac qome namayepi da 'am ỹo'oxoren.

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Jeremías 23:5

Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Ezequiel 34:16

Ñimitaique qome ana qaguetapi maye deqat, qataq ñe'eguelaxateuo ana laga't co'ollaxa, qataq sauo'o ca laxataxat na huacac lapia', qataq setauan qome ana mashe qaica ca la'añaxac, qalaxaye selaxachigui qome ana chaxaraipi qataq no'oitapi. Aỹem ỹataqta saỹamaxatchiguiñi da lataxac qom selo'ogue anamayepi.

Miqueas 4:4

Qaq huaña qome nache namayepi ỹataqta qaica ca ñe'etaique, da hueto'ot ca lpaqal aca maiche lañiguishe uva huo'otaq hiigo da nmatteguec. ¡'Era da la'aqtac Ñim Nataxala' maye qaica ca Ỹaqalanapec!

Zacarías 10:6

Qaq «Aỹem sa'añaqchet qome nam chegoxoguetpi so Judá, qataq ñeca'alaxatec nam chegoxoguetpi so José. Nache saueca'aguet da she'eguelaxata ye maiche na'alhua. Cha'aye huo'o da ichoxonnataxanaxa namayepi. Nache ỹe'eguelaxa qome, da 'eeta'am da saỹauano' da so'orauec co'ollaxa, qaq cha'aye Aỹem Nataxala', maye Natamnaxala' namayepi, sa'axaỹa qome da natamnaxac.