Miqueas 4:4 - La'aqtaqa Ñim Lo'onatac 'Enauacna 2013

⁴ Qaq huaña qome nache namayepi ỹataqta qaica ca ñe'etaique, da hueto'ot ca lpaqal aca maiche lañiguishe uva huo'otaq hiigo da nmatteguec. ¡'Era da la'aqtac Ñim Nataxala' maye qaica ca Ỹaqalanapec!

Toba del Oeste

⁴ Male nayi qaya'te 'uo joga'me t'oitac, dite da'me yema yataqata machiñe nale 'nomategue, ue'tot jaga'me uva lichidic nataq'aen epaq lenaĝat higuera. ¡Nach'enaua jo'ne 'laqataqa joñe'me Jaliaĝanec jo'ne napacalegue ena'uac!

Miqueas 4:4 Referans Kwoze

Zacarías 3:10

Qaq qom ivita que'eca na'a'q, nache ñi 'oonolec da qoñeeta ncoyeguene' qome ca lỹa, nache ntootapigui'salo souaxat da l-lagaxaye'c huetro'ot na lpaqal aca lañiguishe uva qataq hiigo. Qaq 'era da la'aqtac Ñim Nataxala' maye Qaica ca Ỹaqalanapec.›»

1 Reyes 4:25

Qaq 'enauaque soua na'axa'te maye huetoiguilo da lo'onataxanaxac so Salomón, da 'enauac so Judá le'ecpi qataq so Israel le'ecpi, chegoqchiguiña ye Dan, nache ivitta'a ye Berseba da ỹataqta ỹe'emaqtac, cha'aye ỹataqta maiche naỹamaqta'ac ana lañiguishepi uvapi qataq higopi.

Ezequiel 39:26

Qaq qom ỹe'emaqtac da hueta'a ye maiche na'alhua, qataq qom qaica ca saỹalemaxat namayepi, nache huo'o qome da la'agaxa souaxat 'enauac nam qauem maye ỹo'otpi, qataq souaxat da Aỹem hueto'ot da lasouaxashet.

Isaías 1:20

qalaxaye da nache qoquiito'ot da sa qaualaqai, nache qoviỹaigui qome ca alaataxac da qami' qaỹalaua't.» Qaq 'era da la'aqtac Ñim Nataxala'.

Isaías 54:14

Da nalochiguiñi lataxac, nachera qome da ỹo'ot da 'ara'añaxac, qaq huaña nache imeuo qome da 'am qaipataqta'a't qataq da 'ayi'iỹaxa, qataq da lchec saishet qome da qaltaq 'am sa ỹalemaxat.

Ezequiel 34:28

Qaq nam chegaqauec nhuo' le'ecpi, saishet qome da qaltaq ỹe'eguelaxa da icoñettai' namayepi, qataq na shiguiỹacpi saishet qome da qaltaq ỹe'eguelaxa da chec namayepi. Qaq namayepi ỹataqta ỹe'emaqtac qome saishet da huo'o ca iquichoqchettac.

Isaías 58:14

Qaq da 'auo'ot de'era, nache 'auanata qome da 'aramaicỹaxac maye hueto'ot Aỹem, qataq 'am sanem qome da 'anauec nam netalec na ỹataqta qaỹoqotcheguemec 'alhuapi, qataq so'ot da 'antonaxac qom 'am taỹot nam lalamaxatpi co'ollaxa so 'arta'a Jacob.» Qaq 'era da la'aqtac Ñim Nataxala'.

Isaías 40:5

Qaq huaña nache Ñim Nataxala' ỹachaxan qome da llo'oxoyec, nache 'enauac qome na shiỹaxauapi da ỹauaachigui damaye. Cha'aye Ñim Nataxala' maiche la'aqtac damaye.

Ezequiel 38:11

Qataq qonapec qome: Aỹem senoxotaua'a ye 'alhua maye qaica ca lpaqtaxanaxat, yem shiỹaxauapi maye ỹe'emaqtac, qataq qaica ca ñe'etaique qataq 'enauac yem huaqta'a't nỹecpi maye ỹotta'a't naua nañalo, maye qaica ca lpaqtaxat, qataq qaica ca lasom, qataq ca la'araxat.

Ezequiel 34:25

Qaq sauo'o qome ca ñaỹamaxataxac da ñaỹamaxate' anamayepi, yaqto' ỹe'emaqtac anamayepi. Qataq imeuo ñaqa'en na huauec shiguiỹacpi ne'ena 'alhua, yaqto' ana ilopi qaguetapi ỹe'emaqtac da coleeteguelec na no'onaxa, qataq da huetaigui na aviaq da do'ocheta.

Isaías 26:16

'Am Nataxala', co'ollaq souaqaigui so qanqui'ic nache 'am ñimitaqaique, qataq 'am seỹaxanaqot co'ollaq qomi' 'auaxaata'ape.

Levítico 26:6

Qataq qami' sanema da qami' lacchiyiñi qome, qataq qaica ca ỹe'elaqtapigui' na lo'ochaxa, cha'aye Aỹem jec qome ñaqa'en ca shiguiỹacpi maye dequi'iỹapec, qataq que'eca qana'alhuai qaica ca alaataxac.

Da na'aqtaguec so Job 11:19

Da 'annaañi qalaq qaica da huo'o ca 'am icolanaqchettac, nache qalota qome na 'am naỹa da nshetaique da 'aỹa'anem ca 'artaunaxanaxac.

Salmos 72:3

Qataq ana qasoxonaxapi ỹanem qome ca nlagaxayec na nhuo' le'ecpi, qataq ana comarelecpi ỹan ca no'on nataxac.

Isaías 17:2

Nache saishet qome da qaltaq ỹe'eguelaxa da qanayenalec, huaña nache ñaxaalec qome ca 'auaqpi, nache cam shiguiỹacpi qaica qome ca ndaqtaique da chectac ca 'auaqpi.

Isaías 22:25

Qalaxaye que'eca na'a'q, ñeuec qome aca'aca clavo maye ỹataqta qaramchiguiñi ca netaña cha'aye qanqat qome acamaye nache naañi, nache 'enauac cam ỹemaqtaua'api acamaye dolagui qome.» Qaq 'era da la'aqtac Ñim Nataxala'.

Isaías 36:16

¡Qaq saishet qome da qaualaqaiguet ñimaye! Cha'aye ñim nta'a ye Asiria, aỹem namaq da qami' shenapegalo da qanmañi' ñimaye, qataq qanañañi, yaqto' ñi 'oonolec da qoñiita ishet qome da chectac ana ala aca maiche lañiguishe uva qataq hiigo, qataq nỹomtapigui na 'etaxat maye chegaqangui aca maiche lshere.

Jeremías 30:10

Aỹem Nataxala', 'era da ỹa'aqtac: saishet qome da qayi'i qami' maye qauachegoqoiguet so Jacob som ỹamaxashec, saishet da 'añi'i qome 'am Israel, cha'aye 'am qataq ca 'aỹa'alaqpi qami' sesoueeguesopa qome na hueta'a na qaỹoqta 'alhua maye qoviita'a da qami' ncoñetegui'she. Qaq 'am 'avi'eguelaxa qome da 'aulactapiguiñi, qataq 'avi'imaqtac nache qaica ca 'am iquichoqchet.

1 Reyes 5:5

Qaq ỹoqo'oye nagui, iuennataxa da ño'oxoosheguem aca atamnaxaqui da yaqto' qaỹo'oxoren Ñim Nataxala' maye Ñatamnaxala', cha'aye nachera da la'aqtac Ñimaye maye ỹanem co'ollaxa so ita'a David, 'eeta': «Cam 'aỹa'alec maye talec qome ñaqa'en da 'aro'onataxanaxac da nta'a, nacheca qome ca nauaxaỹaxaasheguem que'eca nỹec da yaqto' Aỹem qaỹo'oxoren.»

Proverbios 3:25

Qataq saishet da 'aye'etega ca nque'elaxatta lchec, qataq cam ñaq naỹa'a da nlaxaañi na qauemaicpi,

Isaías 32:17

Nache dam nalochiguiñi lataxac chegoqchigui qome da nlagaxayec, ñe'emaxa qataq chochaq tatec da qaica ca qandaqtaique.

Jeremías 23:4

Qataq sauo'o qome cam ilotague'pi anamayepi da yaqto' ntela'a, qataq yaqto' saishet da huo'o ca ñe'etaique, qataq saishet da huo'o aca deqat anamayepi. Qaq 'era da ỹa'aqtac Aỹem Nataxala'.»

Miqueas 5:3

Qaq ỹoqo'oye Ñim Nataxala' ỹaxanec nam lalamaxatpi, nache ivitta'a ca na'a'q da deco'o aca 'alo, maye taỹa'a da ñiguiñi ca llalec. Huaña qome nache na no'onañipi co'ollaxa, ỹe'eguelaxa da ỹaleeguet na lqaỹañecpi Israel le'ecpi maye noxonecpi co'ollaxa.

Sofonías 3:13

Na no'onañipi maye lca'alaxaicpi nam nhuo' Israel le'ecpi, saishet qome da ỹo'ot na saỹaỹamaxañi lataxacpi, qataq saishet qome da ỹa'axattac nam saq 'enpi, qataq saishet da huetaigui na alap ca natenataxanaxac. Cha'aye namayepi qailotague' qome, nache da nmatec qalaq qaica ca ñe'etaique.»