Ñim Nataxala', nmit qome 'enauac na ỹotta'a't shiỹaxauapi, nache ỹaỹamaxaañi na ncotaxacpi nam qalota nhuo' le'ecpi, nache namayepi qome nlaxaañi na lainecpi nache ỹo'ot na'arau, qataq nlaxaañi qome ana lataquiaxaipi nache ỹo'ot ca lchegaxanaxatpi. Nache na nhuo' le'ecpi qaica qome ca ỹe'eguelaxa da ỹacona ca lo'ogoxonaxat da delogui' ca laỹepi shiỹaxauapi, qataq saishet qome da napaxagueetega da nalaataxac.
Miqueas 4:3 - La'aqtaqa Ñim Lo'onatac 'Enauacna 20133 Ñim Nataxala', nmit qome na ỹotta'a't shiỹaxauapi, qataq ỹaỹamaxaañe na ncotaxacpi na qalota shiỹaxauapi, qataq nam hueta'alo nam qaỹoqtalo 'aleu'. Huaña, nache namayepi nlaxaañi na lainecpi nache ỹo'ot na'arau, qataq nlaxaañi ana lataquiaxaipi nache ỹo'ot lchegaxanaqtepi. Ime qome nache qaica ca ỹacona ca lo'ogoxonaxat da yaqto' delogui' ca lỹa shiỹaxaua, qataq qaica qome ca ỹaconeguet ca napaxaguenataxanaxac da qaỹapaxaguenec da alaataxac. Gade chapit laToba del Oeste3 Qama'le naqaeñe ya'uo qomle lec'atenaĝanaĝac da'me yec'ate'n naa'me noyaqa, nataq'aen male en yem joga'me qonaqalatapiyelo ga'me jiyaĝadipi jo'ne jalcote, chayovida'alo jogaa'me qaya'alo. Qama'le jogaa'me yaconalo naa'me ledaĝanaqa'te jo'ne nalada't lo'ol, qaedi male qoye'n jegaĝanaqatel jo'ne yolaĝa't nale jena'me aleua, nataq'aen gaa'me lechiquenal qoye'n qomle nequejoĝonaqa'te. Chane'eja male qaya'te noic ta'le yitaĝa yacona joga'me 'neuoĝonaĝat qaedi deloiquitapegue'to gaa'me laqaya', uotaĝa ta'le 'uo joga'me dapaĝaguenataĝanec ga'me nalada't. Gade chapit la |
Miqueas 4:3
40 Referans Kwoze
Qaq que'eca na'a'q, ñeqouaguec qome na Israel le'ecpi, da naỹamaxate' ñaqa'en na shiguiỹacpi maye huauec, qataq na maỹopi, qataq na na'araxanaqpi. Huaña qome nache ñeqateeguesop ne'ena 'alhua, na nchecnecpi, ỹeelonecpi, qataq ca alaataxac, yaqto' ne'ena ỹalamaxatpi nhuo' le'ecpi ỹataqta amata da nmataxac.
Qaq ca qa'alaq qataq ca qagueta llalec qalaq huaqta'a't qom deque'eta'ape, qaq ca llon qalaq chectac qome na 'auaqpi, 'eeta'am ca huaca nauegaxanaxala', qaq ca 'araxanaq qalaq chectac qome na lsoche na 'alhua. Qaq 'enauac qome añi qui'itta ñeqasoxonaxa qaica ca que'eenaxac qataq qaica ca na'aqchettac ca lỹa.» Qaq 'era da la'aqtac Ñim Nataxala'.
Qaq namaye ilaxachigui qome ana nnaigonapi ye Ifraín, qataq na lalopi caipi na Jerusalén, qataq na checnecpi maye lo'o da alaataxac. Nache ỹa'axatem da nlagaxayec 'enauac na ỹotta'a't shiỹaxauapi, qataq da lo'onataxanaxac ilo'ogue 'enauac ana auaxaipi, chegoqchiguiña ye Éufrates, nache ivitta'a ca ỹataqta pa'atec ana 'alhua.
Qaq qom ñaq huetaigui da lo'onataxanaxac que'eca nta'alpi, nache Ñim Lo'onatac 'Enauacna maye neto'ot na piguem, nauaxaỹaxaasheguem qome ca no'onataxanaxac maye saishet qome da nlaguiñi, qataq saishet qome da anac ca laỹepi ỹotta'a't shiỹaxauapi da ilo'ogue, nacherata da camaye nlaxaañi da lo'onataxanaxac na laỹepi nta'alpi, qaq camaye chochaq tatec qome.
Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.
Piblisite