Miqueas 4:2 - La'aqtaqa Ñim Lo'onatac 'Enauacna 2013

² Nache qalota qome na shiỹaxauapi nvira añimaye, nache 'eeta': «Qolaq saxasheguema añi nqasoxonaxa Ñim Nataxala', añim nalec añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, nache qolaqtegue na llecpi Ñimaye». Cha'aye chegoqchiguiña qome ye Sión da lapaxaguenataxanaxac Ñim Nataxala', qataq da la'aqtac Ñimaye nache chegoqchiguiña qome ye Jerusalén.

Toba del Oeste

² yataqata jalcote gaa'me noyaqa nec'adeta qomle, qama'le enapega't: «¡Auanayiquena! ¡Qolaĝaje'mec jodi'me qajoĝonaĝa jo'ne loĝot joñe'me Jaliaĝanec, mach'e Nedios di'me Jacob, qama'le jec'ataĝa ñe'me netamenaĝaiqui! Chane'eja nach'eñe joñe'me qo'mi yapaĝagueneque qomle gaa'me mach'e ladico, qaedi qolaqa'taguelo gaa'me naq'aico jo'ne jalecayelo.» Qa'a nach'edi di'me Sión chiyaqaue joga'me Dios lapaĝaguenataĝanaĝac; chiyoqoda'ague qomle di'me Jerusalén gaa'me mach'e 'laqataqa.

Miqueas 4:2 Referans Kwoze

Isaías 2:3

Qaq anac qome na qalota shiỹaxauapi, nache 'eeta': «Qauanaqui, ñeqo'onaxasheguema añi nqasoxonaxa Ñim Nataxala', añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, huaña nache ishet da qolaqtegueto qome naua lleco Ñimaye.» Cha'aye Ñim Nataxala', chegoqchiguiña qome ye Sión da lapaxaguenataxanaxac, qataq chegoqchiguiñalo qome ye Jerusalén naua la'aqtaqa.

Jeremías 31:6

Cha'aye anacta ca na'a'q da, na nauanaxanaqpi ỹa'alaq qome da hueta'a ana lcomaraxalatepi ye Efraín, 'eeta': «Ñaq qauanaqui qami', ñeqo'onaxa ye Sión, ñeqo'onaxa Ñim Nataxala' maye Qanatamnaxala'.»

Hechos 1:8

Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Isaías 54:13

Qaq Aỹem sapaxaguen qome 'enauac ca 'aỹa'alaqpi, nache 'enauac qome camayepi da huo'o da lamaicỹaxac.

Salmos 25:12

Ca ỹale da huo'o naq 'enec naqa'en Ñim Nataxala', nache Ñimaye ỹachaxana ca ỹataqta no'on nqa'aic da yaqto' quegue camaye,

Juan 7:17

Da huo'o ca nshetaique da ỹo'ot cam 'eetapeguec Ñim Lo'onatac 'Enauacna, nache camaye ishet da ỹaỹateeta da naua ỹapaxaguenataxanaxaco chegoqtoto Ñim Lo'onatac 'Enauacna, huo'otaq da choche maiche Aỹem chegoqtoto.

Romanos 15:19

Chegoqchigui da la'añaxac So Saqcha'a Na'añaxac Qui'itta da qalota na so'ot nam sa qaỹauanapegapi qataq nam ỹo'ot da na'aalaxa, qataq sevirapeguec da sa'axattac da no'on na'axaỹaxac, sachegoqchiguiña ye Jerusalén qataq choche sevitta'a ye Iliria.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Marcos 16:20

Nache soua lapaxaguenataqa je'c da ỹa'axatre'c da no'on na'axaỹaxac dam lo'onataxanaxac Ñim Lo'onatac 'Enauacna. Nache so Qarataxala' Jesús nnaictagueto qataq itauaata'ape soomaye, ỹachegoxotchigui nam na'anec maye sa qaỹauanapega, qaq nache 'eetec de'era Ñim Lo'onatac 'Enauacna da ỹachaxan da soua lapaxaguenataqa da la'aqtaxanaxa'c ỹataqta 'eesa. Aja', nache 'eetec.]

Zacarías 14:16

Qaq qom ime de'era, nache 'enauac nam lca'alaxaicpi nam shiỹaxauapi maye deloctague' co'ollaxa nam netaña ye Jerusalén, 'enauaque qome naua vi'iye da natega yemaye da yaqto' natamnot Ñim Nta'a, Ñim Nataxala' maye Qaica ca Ỹaqalanapec, qataq da ỹo'oxoren ye naponaxaqui maye laloxoqui da qanayenaiguilo naua ña'axaqui' 'epaq laue, maye le'enaxat Enramadas.

Hechos 13:42

Qaq so Pablo qataq soua lỹa't co'ollaq yaqta'a da quera'ai aso napaxaguenaxaqui na judiopi, nache qaiỹaxanoto soomaye da yaqto' que'eca lỹa na'a'q mataxaqui, nache qaltaq ipaqueelec da ỹa'axat de'era.

Juan 6:45

Naua nanettrañi la'aqtaqa som la'aqtaxanaxanecpi Ñim Lo'onatac 'Enauacna naamaye, 'eeta': «Ñim Lo'onatac 'Enauacna ỹapaxaguen 'enauac na shiỹaxauapi.» Qaq ỹoqo'oye 'enauac nam na'axaỹaxana Ñim Ita'a qataq napaxaguena Ñimaye, namayepi Aỹem naua'a da yaqto' Aỹem ca'ategue.

Deuteronómio 6:1

Qaq 'ena na namaxasoxonaxacpi, nqataxacpi, qataq na qalapaxañi lataxacpi, maye aỹem ỹamaxalec Ñim Nataxala' maye Qanatamnaxala'ai da qami' sapaxagueneque, yaqto' ỹataqta qauo'oche qom mashe qoñiitalec yi'iye 'alhua maye qami' ỹanema qome da qaralamaxache.

Zacarías 2:11

Qaq qom nvi' que'eca na'a'q, nache qalota qome na ỹotta'a't shiỹaxauapi nam quegue Ñim Nataxala'. Nache Ñimaye 'enapec qome: ‹Ne'ena ỹotta'a't shiỹaxauapi nataqa'en ỹalamaxatpi. Qaq Aỹem nache qami' sootanguilo qome.›» Qaq huaña qome, nache qauaỹacheñi da Ñim Nataxala' maye Qaica ca Ỹaqalanapec nacheñi ñi aỹem namaq.

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Salmos 110:2

Qaq Ñim Nataxala' ỹachegoxotchiguiña qome ye Sión, da 'am namaxa aca 'arashelte maye la'anaqte da 'ara'añaxac, nache qonetangui qome na laiñi na 'ampa'aguenaxauapi da 'auamaxasoxootac.

Salmos 119:1

Ỹataqta machiguiñi qome cam quetague' so no'on nqa'aic, cam ỹataqta queteguelo naua lqataxaco Ñim Nataxala'.

Salmos 119:171

Ñaq nauoigui qome na aỹap ca ỹo'oxonnataxanaxac, cha'aye aỹem 'auapaxagueneque naua 'arqataxaco.

Salmos 122:1

Aỹem, ỹataqta samachiguiñi da aỹem qoỹenapega, qoỹeeta': ¡Qolaq ñeqo'onaxaua'a añi atamnaxaqui maye lalamaqte Ñim Nataxala'!

Isaías 56:7

nache Aỹem sauega qome añi sa qaishetapec ñeqasoxonaxa nache so'otec da machiguiñi da hueta'a añi ỹalamaqte atamnaxaqui. Qataq saconeguet qome da ỹachalec añi ỹalamaqte nca'atoxonaxalate ana lachetaqtaxanaqtepi qaỹavigaxatta qataq ana sa imauaq da qaỹavigaxat, cha'aye ñim ima' qaỹamata'ac qome da natamnaqa' 'enauac na shiỹaxauapi.

Jeremías 42:3

Ñaq 'anachoxonnot Ñim Nataxala' maye 'Anatamnaxala', da qomi' ỹapaxagueneque cam nqa'aic maye iuen da qolaxague, qataq cam iuen da so'otaq.

Zacarías 9:10

Qaq namaye ilaxachigui qome ana nnaigonapi ye Ifraín, qataq na lalopi caipi na Jerusalén, qataq na checnecpi maye lo'o da alaataxac. Nache ỹa'axatem da nlagaxayec 'enauac na ỹotta'a't shiỹaxauapi, qataq da lo'onataxanaxac ilo'ogue 'enauac ana auaxaipi, chegoqchiguiña ye Éufrates, nache ivitta'a ca ỹataqta pa'atec ana 'alhua.