Miqueas 3:2 - La'aqtaqa Ñim Lo'onatac 'Enauacna 2013

² Qalaxaye qami' qanquiỹai da no'on, nache nda'a't da qanqopichiỹa da qauem, qataq qancolaxacheetauec na lapat na ỹalamaxat nhuo' le'ecpi, nache qui'itta'aguelo qanqa'eñi naua lpi'ineqa.

Toba del Oeste

² Qalaĝaja da'me ami yataqata ja adoqopichiya da'me 'noota, qama'le yejamaq da'me aueñi joga'me ja no'en. Yataqachiñe a'viñejoda ga'me yalaqapi: ena'am ta'le anaqachi ga'me loje', qama'le aueñi jale'taguelo gaa'me p'inaqa.

Miqueas 3:2 Referans Kwoze

Ezequiel 22:27

Na nataxala'pi ne'ena 'alhua, qalaq 'eeta'am na qa'alaqpi da icolaxattac ca loxonec, qataq ỹataqta iyaqta'a da lalaataxanaxac, da ỹalauat na shiỹaxauapi da yaqto' desalligui.

Proverbios 28:4

Qaq ca ca'ai da llec na napaxaguenataxanaxacpi camaye ỹo'oxoreetac qome na qauemaicpi, qaq ca ỹalaxaguet na napaxaguenataxanaxacpi qalaq dataỹa'aguet namayepi.

Salmos 53:4

Qaq ỹataqta qaica ca laỹaanataxanaxac 'enauac na ỹo'ottac na qauem, nam chectac na ỹalamaxat nhuo' le'ecpi 'eeta'am da chec ca nallec, qataq saishet da iỹaxaatega da le'enaxat Ñim Lo'onatac 'Enauacna.

Romanos 12:9

Ỹataqta 'eesa qanqa'eñi da qarsoxoyiqui, ñi 'oonolec ỹauotec ca lỹa. Qaumaqỹa'aguet 'enauac na qauem, qataq saishet da qoquiỹa'ai na ỹaỹamaqchiguiñipi.

Isaías 3:15

¿Negue't ca qami' ỹamaxaleguete da qavi'iñiỹai' nam ỹalamaxat nhuo' le'ecpi, qataq da sa qauyacñiỹapec na choxoraqpi?» Qaq 'era da la'aqtac Ñim Nataxala' maye Qaica ca Ỹaqalanapec.

2 Crónicas 19:2

Qalaxaye so na'aqtaxanaxanec Jehú, som llalec so Jananí, ca'ata'aguet somaye nache inat, 'eeta': ¿Ta'ainco' da 'autauan nam qauemaicpi, qataq 'auauo'o 'anauochaxaua na npa'aguenaxauapi Ñim Nataxala'? Qaq souaxat de'era 'auo'ot, nache Ñim Nataxala', 'am dalemataỹa.

1 Reyes 21:20

Nache so Ajab 'enapega so Elías, 'eeta': «¿'Am ñepa'aguenaxaua? ¿Qalaq isheto' da aỹem 'auanata?» Nache so Elías, 'enapeco': «Aja', 'am sanata, cha'aye nda'a't da 'auo'ottac na ỹataqta sa ỹaỹamaxaren Ñim Nataxala'.

2 Timoteo 3:3

Namayepi ỹataqta qauemaicpi qataq quiỹaxanaqtaqaicpi. Qataq ỹasaqteguelec da latenataxanaxac na laỹepi qataq saishet ncherapec qataq sa ỹañoxot da nllañi da lqopitaxanaqtaic. Qataq nquiỹa 'enauac nam ỹaỹamaqchiguiñi.

Romanos 1:32

Namayepi ỹaỹateeta da Ñim Lo'onatac 'Enauacna la'aqtac da cam ỹo'ottac ne'enapi, nache taỹa'a da l-leuaxa. Qalaxaye namayepi saishet da nachaqrata da ỹo'ottac damaye, nachaqrata da nataqa'en ntooteguec cam lỹa shiỹaxaua maye ỹo'ot nataqa'en de'era.

Juan 18:40

Nache 'enauac somayepi qaltaq ỹe'eguelaxalec da ỹa'alqagui, 'eeta': –¡'A'i, saishet da nachera de'era ỹale! ¡Nachaqcata ca Barrabás 'ausouec! Qaq se'eso Barrabás ỹataqta cachaxaic co'ollaxa.

Juan 7:7

Nam shiỹaxauapi maye huetalec ana 'alhua, qaica cam ỹoqta 'eesa da qauasoviilec da huo'omshe qami' nquiỹategalo. Aỹem, qalaxaye Aỹem nquiỹa, cha'aye Aỹem ỹataqta sa'aqtaxaatem namayepi naua lataxaco maye sa ỹaỹamaxayiñi.

Lucas 19:14

Qalaxaye so shiỹaxauapi maye lma' se'eso 'alhua, ỹataqta nquiỹa somaye. Nache ỹauo'o so ỹamaq da ica'ataxanaxaalec somaye da yaqto' 'enapega, 'eeta': «Qomi' sa saỹamaxarenaq ne'ena ỹale da qarta'a.»

Sofonías 3:3

Nam lataxala'pi qalaq 'eeta'am na llonpi da desoqtai'; qaq nam nmit ca nasouaxashet, qalaq 'eeta'am na qa'alaqpi maye huetauga na no'onaxa, maye saishet da no'onaxatañi ca 'oonolec lpi'inec da iviraxata'aguet ca lỹa na'a'q.

Ezequiel 34:3

Qami' qanỹomiitapigui na lche' ana qaguetapi, qataq qauachegoxochiỹaigui na laue anamayepi da qauo'oche na qo'ogoxoche, qataq qaualauache ana ỹataqta chaxarai ana qaguetapi, qalaxaye saishet da qanchelỹa'a anamayepi.

Salmos 15:4

qataq cam ỹo'otan ca shiỹaxaua maye 'itchiguiñi da qaỹo'otan, qalaxaye ỹo'oxoren ca huo'o naq 'enec naqa'en Ñim Nataxala', qataq ca ipacchiguilo naua la'aqtaqa Ñimaye, na'aictaxa da huo'otaq qauem ca ivireguet,

Isaías 57:12

Qalaxaye sa'axat qome da 'arataxac maye 'aupettega da ỹaỹamaqchiguiñi.

Ezequiel 11:7

Qaq ỹoqo'oye, Aỹem Nataxala', ỹoqta 'eesa de'era qami' sa'axatema: Da na Jerusalén 'eeta'am qome aca taxaqui, qalaxaye ca lapat saishet da nache qami', maye nachenata nam lo'ocỹaxac som qaralaataqui, qami' qalaxaye qami' ñeqateeguesopa qome aca taxaqui.

Ezequiel 24:4

nache 'auachangui acamaye ca lapat laỹe, qataq ca no'on ltele'eta lapat qataq ca l-laq lapat, qataq ca ỹataqta no'on lpi'inecpi.

Miqueas 2:8

Qaq qami' nhuo' le'ecpi, maye qami' ỹalamaxatpi co'ollaxa, qaq nagui, qalaq aỹem qanpa'agueñiitague'. Cha'aye nam qaica ca huotaique da chegaqa'a ca alaataxac qalaq qauotaxañic nam no'on logoxot 'eeta'am ca qanalaataxauai.

Miqueas 7:2

Cha'aye mashe qaica ca choxonnataxanaxaic ana 'alhua, qataq mashe qaica ca no'onañi shiỹaxaua maye no'on da lataxac, nda'a't nam quetegueua'a da huo'o ca loxonec da ỹalauat, qataq ñi 'oonolec ỹoiqueetac da nqovin ca lỹa.

Miqueas 7:3

Nache namayepi qaica ca nauec da ỹo'ot na qauem, qaq nam nataxala'pi iỹaxaata'a da qaisheeten da huo'o cam ỹo'ot, qataq nam nmit na nasouaxashetpi iỹaxaata'a da qaisheeten da huo'o ca nmit, qaq nam 'amaqtaqaicpi qalaq maiche ỹoiqueetac nam ỹo'otpi, nache ỹataqta na'axat da lataxac nam netaigui nam huaqta'a't nỹecpi.

Isaías 5:20

¡Choxoraxaso' na 'eetega no'on na qauem, qaq na qauem qalaq 'eetega no'on, qaq na yo'oqchiguiñi qalaq nmeneguet naqa'en na napalaxa, qaq na napalaxa qalaq nmeneguet naqa'en na yo'oqchiguiñi, qaq na chem qalaq 'eetega ama, qaq na ama qalaq 'eetega chem!

Amós 4:1

Ña qana'axaỹaxañiỹa de'era na'aqtac, qami' maye qoñeeta'am ana huacapi ye Basán, qami' 'alpi maye Samaria lashepi, maye huetaiya' naxa qanqa'eñi na choxoraqpi, qataq qaica ca nyacnataguec qanqa'eñi nam huo'o da lhuenaxanaxa, qataq qauamaqaitac naxa nam qarhuaipi, qoñiita': «Ña qandoiuo cam qaraquip lataxa».

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.