Miqueas 2:9 - La'aqtaqa Ñim Lo'onatac 'Enauacna 2013

⁹ Qaq na na'alpi na ỹalamaxat nhuo' le'ecpi qalaq qauo'oyiỹauec, qauachegoxocheeteleguete naua lauotaqa'ate lma'ate, qaq na llalaqpi qalaq qauacoñiỹa da la'amaqchec maye sanem co'ollaxa.

Toba del Oeste

⁹ Auamaqaidegue gaa'me yauo' jo'ne mach'e yalel, aueñi ca'ae gaa'me 'lemaqa jo'ne yataqata noqopitalo. Nataq'aen ga'tae'me c'oqo'te ja yitaĝa auajeñe'tema da'me onaĝaic jo'ne janema ca'li.

Miqueas 2:9 Referans Kwoze

Habacuc 2:14

Qaq cha'aye 'enauac ana 'alhua da nlaxagui qome, da nauattonaxanaxac da llo'oxoyec Ñim Nataxala', 'eeta'am ca 'etaxat da nlaxagui naqa'en aso auaxai.

Ezequiel 39:21

Aỹem sachaxana qome da ỹo'oxoyec na ỹotta'a't shiỹaxauapi. Qaq 'enauac qome na laỹepi ỹotta'a't shiỹaxauapi ỹauaachigui da 'eetec da ñimit qataq da sauo'o ca nhuaxanaguec.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Lucas 20:47

Namayepi decachigui na nma' ana pa'aipi, ime, nache ỹo'ot da nqouagaxaunaxac ỹataqta logoraic naqa'en yaqto' na qalota shiỹaxauapi ipi'itaxana da no'on shiỹaxauapi. Qalaxaye Ñim Lo'onatac 'Enauacna ỹauo'o da nhuaxanaguec ỹataqta ỹactec, saq 'ena'am na laỹepi shiỹaxauapi.

Marcos 12:40

¡Qaq nachena namayepi na decachetapigui na lma'pi ana pa'aipi, ime naxa, nache ỹo'ot da nqouagaxaunaxac ỹataqta logoraic naqa'en! Qalaxaye Ñim Lo'onatac 'Enauacna ỹataqta ỹactec naqa'en ca nhuaxanaguec namayepi, saq 'ena'am na laỹepi shiỹaxauapi.»

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Zacarías 2:5

Cha'aye Ñim Nataxala' 'eeta', da la'aqtac: Aỹem sheeta'am qome ca norec da ñepaxattaua'a ye huaqta'a't nỹecpi ye Jerusalén, qataq sachaxan da ỹo'oxoyec da huangui na laiñi yi'iye huaqta'a't nỹecpi.›»

Miqueas 2:2

Qaq da huo'o ye nqopita 'alhua nache ỹacona da ỹauo'o lalamaxat, qataq da nqopita ca nỹec nache ỹacona da ỹauo'o lalamaxat, qataq sa iyacnapec cam ỹale qataq cam llalaqpi maye lalamaxat que'eca nỹec.

Joel 3:6

qataq qaumiñi na Judá le'ecpi, qataq na Jerusalén le'ecpi, nache l-latacpi qanqa'eñi na griegopi nache ca'ai qanqa'aiñi na na'alhua.

Jeremías 10:20

So ipe'l qalaq nlachiguiñi, 'enauac na lquetpi dacheptac. So ỹalaqpi qalaq aỹem ỹalat, ¡somayepi mashe qaica! Nache qaica ca qaltaq ỹa'ayiñi cam ipe'l, qataq qaica cam lapaxasheguem ca lapoxot camaye.

Salmos 72:19

Nache 'eetai' qome da no'on da ỹo'oxoraic le'enaxat. Qataq 'enauac ana 'alhua imattalec da llo'oxoyec. ¡Aja' nache 'eetec!

1 Samuel 26:19

Qaq ỹoqo'oye 'am ỹataxala', 'am ñachoxonnot da 'ana'axaỹaxana ne'ena 'aramaxashec. Da nacheñi Ñim Nataxala' ñim ỹo'ot da aỹem 'auataỹa'aguet, qaq no'on da Ñimaye ỹaconeguet qome aca ỹachetaqtaxanaqte, qalaxaye da maiche chegoqchigui na ỹalleppi damaye, nache Ñim Nataxala' ỹasaxalec qome ca nhuaxanaguec namayepi. Cha'aye nachena na aỹem ỹo'orauec nagui, da yaqto' saishet da sootalec ne'ena 'alhua maye lalamaxat Ñimaye, qataq 'eco' da aỹem ỹamaqtalec da ñatamnot na laỹepi atamnaxala'pi.

Amós 2:7

Qataq huetaiya' naqa'en na choxoraqpi, qataq saishet da ỹo'otec ca ỹaỹamaqchiguiñi lataxac nam qaica ca la'amaqchec. Qataq so nta'a qataq so ñalec qalaq lauatrapiguiñi' aso 'oonole 'alo, nache qaica ca 'enec naqa'en da qui'itta ỹe'enaxat.