Miqueas 2:8 - La'aqtaqa Ñim Lo'onatac 'Enauacna 2013

⁸ Qaq qami' nhuo' le'ecpi, maye qami' ỹalamaxatpi co'ollaxa, qaq nagui, qalaq aỹem qanpa'agueñiitague'. Cha'aye nam qaica ca huotaique da chegaqa'a ca alaataxac qalaq qauotaxañic nam no'on logoxot 'eeta'am ca qanalaataxauai.

Toba del Oeste

⁸ Chane'eja joñe'me Jaliaĝanec ami 'yategueta: «Yajouaĝat que ami yataqata anaucheñiyalo naa'me yalaqapi, qama'le auacoñiyalo gaa'me leuo lael jo'ne lajo'vi'y jogaa'me chiyoĝotegue ga'me nalada't, naqaegaua jo'ne lelnataĝa'j da'me male machidiñe.

Miqueas 2:8 Referans Kwoze

Isaías 9:21

So Manasés delogui' qome so Efraín, qaq so Efraín delogui' so Manasés, ime nache soomaye huaxaỹa't da iloquiaxa'n ye Judá. Qalaxaye ñaqaiyeta, da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Salmos 55:20

Cha'aye namayepi nauaxaỹaxaasheguem na lhuaq da irota'a ca maiche nauochaxaua, qataq saishet da ipagueleguete naua la'aqtaqa.

2 Samuel 20:19

Cha'aye qomi', maye sonaqtaigui ne'ena huaqta'a't nỹecpi na Israel, ỹataqta so'otaq da nlagaxayec, qataq qomi' laxaraiqa. Qaq 'am 'anshetaique da 'aulaxachigui ne'ena huaqta'a't nỹecpi maye ỹataqta huo'o da la'amaqchec ne'ena 'alhua Israel. Qataq ¿ta'ainco' ye 'anshetaique da 'anlaxaañi na lalamaxat Ñim Nataxala'?»

Jeremías 12:8

Ne'ena nhuo' le'ecpi maye ỹalamaxat co'ollaxa, nagui qalaq 'eeta'am ca llon aviaq le'ec, ỹataqta aỹem desoqto'ot, qaq ỹoqo'oye saỹemec namayepi.

Miqueas 3:2

Qalaxaye qami' qanquiỹai da no'on, nache nda'a't da qanqopichiỹa da qauem, qataq qancolaxacheetauec na lapat na ỹalamaxat nhuo' le'ecpi, nache qui'itta'aguelo qanqa'eñi naua lpi'ineqa.

Miqueas 3:3

Qaq nache nca'altauec qanqa'eñi da qollequiitac na ỹalamaxat nhuo' le'ecpi, qataq da ime da qancolaxacheetauec na lapat nache qaunoxoñi' naua lpi'ineqa, qataq qanpelliquiichiguiñe 'eeta'am ca lapat maye taỹa'a da qaỹasaxangui aca taxaqui.

Miqueas 7:2

Cha'aye mashe qaica ca choxonnataxanaxaic ana 'alhua, qataq mashe qaica ca no'onañi shiỹaxaua maye no'on da lataxac, nda'a't nam quetegueua'a da huo'o ca loxonec da ỹalauat, qataq ñi 'oonolec ỹoiqueetac da nqovin ca lỹa.

Miqueas 7:3

Nache namayepi qaica ca nauec da ỹo'ot na qauem, qaq nam nataxala'pi iỹaxaata'a da qaisheeten da huo'o cam ỹo'ot, qataq nam nmit na nasouaxashetpi iỹaxaata'a da qaisheeten da huo'o ca nmit, qaq nam 'amaqtaqaicpi qalaq maiche ỹoiqueetac nam ỹo'otpi, nache ỹataqta na'axat da lataxac nam netaigui nam huaqta'a't nỹecpi.