Miqueas 2:6 - La'aqtaqa Ñim Lo'onatac 'Enauacna 2013

⁶ Nam saq 'en na'aqtaxanaxanecpi namayepi, 'eeta': Saishet qome da qaua'aqtaxañeetac, cha'aye saishet qome da qomi' taleguete ca qauem.

Toba del Oeste

⁶ Da'me ami, naq'aeta da'me aueñeetac nale: «Ami aqataĝanaĝayaqa, ¡ena'te qo'mi auapaĝagueñi'! ¡Ga'me ja no'en ja qo'mi 'te nedalo'te qomle!»

Miqueas 2:6 Referans Kwoze

Amós 2:12

Qalaxaye qami' qanỹomaxañiigui co'ollaxa na lataxa so nazareopi, qataq som na'aqtaxanaxanecpi saishet da qauashiñim da da'aqtaxan.

Isaías 30:10

Nam huo'oi naua l-loxoco qalaq 'enapega naxa, 'eeta': «Saishet da qomi' qaua'aqtaxañima ca qal-loxoqui», qataq 'enapega naxa na na'aqtaxanaxanecpi, 'eeta': «Saishet da qomi' qaua'aqtaxañima cam qarauanaqchiqui maye 'eesa; nacherata da qomi' qaua'aqtaxañima naua huesotte' na'aqtaqa maye ỹo'ot da qanaquitaxac.

Hechos 5:40

Nache 'enauac somayepi ỹaỹamaxareeta da 'enapec so Gamaliel. Nache qaiỹaxaneugalo soua Jesús lamaxa'she, nache qaỹalasheeta'ape qataq qoỹeetegalo da saishet da ỹa'axattrac da na'aqtaguec So Jesús. Ime, nache qaisore'c.

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Hechos 5:28

–Qomi' mashe ime da qami' seqataqtegalo da saishet da qauapaxaguenataxañic da na'aqtaguec So Jesús, qalaxaye qami' saishet da qomi' qaualaqaigueta. 'Enauac na Jerusalén da qaua'aqtaxañiiteguem So Jesús, ivira'a da qomi' qanmaqaileguete da qoñiitega da qomi' salauataq Somaye.

Hechos 4:17

Qalaxaye da yaqto' saishet da queta da ỹaỹaten 'enauac na shiỹaxauapi de'era, qaq no'on da qomi' sarenaqaleguete daamaye, da yaqto' nagui nache tachiguiña da saishet da huo'o ca ỹa'axatrem de'era na'aqtaguec So Jesús.

Miqueas 6:16

Cha'aye qoguegue nam lamaxasoxonaxacpi so Omri, qataq nam ỹo'otpi co'ollaxa som llalaqpi so Ahab, nache qoquetelec da lataxac somayepi, qaq ỹoqo'oye 'am saneguet qome da 'am qailaxachigui qataq qane'eetapigui nam shiỹaxauapi maye 'am netaigui, huaña nache 'am huetalec qome da lta'araic la'agaxa na ỹalamaxat nhuo' le'ecpi.

Amós 7:13

Qalaxaye nache 'avia'axaneguet da 'ara'aqtaxanaxac da qoueta'a na Betel, cha'aye namaye nache natamnaqa' na nta'a, qataq na shiỹaxauapi.

Ezequiel 21:2

«'Am Ezequiel, 'auamata'a qome ye Jerusalén, nache 'aua'axata'a qome dam taỹa'a yem atamnaqa'pi yemaye, qataq dam taỹa'a ye 'alhua ye Israel,

Ezequiel 20:46

«'Am Ezequiel, ña 'auamata'ague da taguiñi, nache 'auatategue qome damaye da 'aua'aqtaxan, da 'aua'axat da 'eetec qome ye aviaq maye huaña ye 'alhua maye pa'aigue da taguiñi,

Ezequiel 3:26

Qaq nataqa'en so'ot qome da ñi 'arachaxat lapaxaguet na 'anaquiaq, nache qaicaua naua 'ara'aqtaqa. Nache sa 'aushet qome da 'anhuogaxa namayepi, na'aictaxa da sa ỹalaq ne'ena nhuo' le'ecpi.

Salmos 74:9

Qaq mashe sa selaqa'a da netasheguem ana qara'anaxanaqtepi, qataq qaica ca na'aqtaxanaxanec qataq sa saỹaanaq ca ivitta'ague qome de'era.

Isaías 29:10

Cha'aye Ñim Nataxala' qami' taleguete naqa'en ca sansatta no'ochaxa. Qataq ỹapoguilo naua la'ai'te na na'aqtaxanaxanecpi, qataq ỹauo'o ca lapoxot na lqaic nam huo'oi naua l-loxoco.

Amós 7:16

Qaq ỹoqo'oye nagui 'ana'axaỹaxana da la'aqtac Ñim Nataxala', cha'aye 'am qonapec: ‹Saishet da 'aua'axata'a ca qauem da talec na Israel le'ecpi, qataq da 'auataỹa'aguet na chegoxoguetpi so Isaac.›

Miqueas 3:6

Qaq ỹoqo'oye nache tachiguiña da saishet da huo'o ca qarauanaqchiqui ye pe, qataq da qaua'axachiỹa'a cam ñaq natauo da huaigui ca napalaxa. Qaq añi nala' qalaq 'eeta'am qome da inoxooñi nache sa icoỹarelec namayepi, nache ye na'a'q qalaq 'eeta'am da huetaigui ca napalaxa namayepi.