Miqueas 2:4 - La'aqtaqa Ñim Lo'onatac 'Enauacna 2013

⁴ Nache que'eca na'a'q choche qami' qaỹe'eeta'ape qome, nache qaỹo'on ca choxoraqta no'onec da qami' qaỹo'onaxaaleguete, maye 'eeta': Ỹataqta imauec da qomi' qanlaxatchiyiñi, na qarhuo' le'ecpi maye lalamaxat co'ollaxa Ñim Nataxala', qalaq dalaxaic nam lalamaxat namayepi, qaq na qana'alhuapi qalaq nalogui nam qomi' loxonecpi.

Toba del Oeste

⁴ Gaa'me noloqo'ote male uo'oe gaa'me ami t'onaĝalo'te, da'me yo'o'n naa'me nalaco jo'ne 'uo ga'me nachoĝodec, qama'le naq'aeta da'me ami enapegalo: “Nayi yataqata qo'mi napalaĝa. Jena'me jenjo' qat'achaqa', mach'e loĝot joñe'me Jaliaĝanec, male nayi yaqa'a ga'me loĝot: ja qoyaqanatet ta'le yitaĝa qonouo'. Gaa'me qa'nale'u joote necolaĝachiguilo naa'me qadaute'u.”»

Miqueas 2:4 Referans Kwoze

Habacuc 2:6

Qalaxaye 'enauac nam ỹotta'a't shiỹaxauapi maye noxonecpi co'ollaxa, namayepi choche ỹe'eetac nam doxonaxanpi co'ollaxa, nache do'onaxaatai' qome, 'eeta': ¡Choxoraicolec 'am maye 'ausalligui nam saishet da 'aralamaxatpi! Qaq ¿chaq laguio' da 'axaañi da 'alapootasheguem da nsallaxa maye choche 'ara'aalec?

Miqueas 1:15

Qaq qami' maye qarma'ai na Maresa, qaltaq huo'o qome ca qami' ñamaxalo da yaqto' qami' loxonqa, nache na ỹataqta nca'aguishecpi Israel le'ecpi qalaq datauec qome nache ỹe'eguenoigui na auacpi ye Adulán.

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Isaías 24:3

Nache ana 'alhua ỹataqta toolec qome qataq qaỹacona 'enauac na huetalec. Cha'aye nachera da la'aqtac Ñim Nataxala'.

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

Deuteronómio 28:29

nache 'apottapecra' ye na'a'q, qoneta'am ca sanauaañi maye huetaigui ca napalaxa. Qataq 'enauac ca 'auo'ot qaica ca ỹaỹamaqchiguiñi, qataq 'enauaque naua na'axa'te da qouetaiya', qataq 'am qanhuotta, nache qaica ca anac da 'am itauan.

Números 23:7

Qaq huaña nache so Balaam do'onaxaataueeguelo naua la'aqtaqa, 'eeta': So Balac maye lta'a na netaña na Moab. Aỹem ỹachegoqchiguiña aye qasoxonaxapi maye pa'aigue da nala' lliguisheguem ye Aram, da aỹem nauega ne'ena 'alhua. Nache aỹem 'enapega 'eeta': Ña 'auanac qome da yaqto' 'auasaxalec ca qauem 'ara'aqtac so Jacob, qataq 'auasaxalec ca nhuaxanaguec na Israel.

Marcos 12:12

Nache som lataxala'pi so ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som dapaxaguenataxaatapeguec na namaxasoxonaxacpi maye chegoqo'ot so Moisés qataq som lataxala'pi na judiopi, noma da So Jesús ỹo'ot se'eso daloqnaxana da 'eetega somayepi. Qaq ỹoqo'oye somayepi ỹauotaique da ỹaconeua'a. Qalaxaye saishet da ỹañoxot, cha'aye ñe'etega na shiỹaxauapi. Nache qaỹa'aqta'a So Jesús, nache qanayeca'ai.

Sofonías 1:2

Qaq 'era da la'aqtac Ñim Nataxala': «Aỹem selaxachigui qome, 'enauac nam huetalec ana 'alhua.

Miqueas 2:10

Qoñiisheguem qome, nache qoqui, cha'aye ne'ena saishet da mataqa', qaq souaxat nam qauem maye ỹataqta imattalec namaye, nache namaye ỹataqta nlachiguiñi qome.

Amós 5:17

Qataq 'enauac qome na uva lma'pi da huo'o da noinaxac, qom ñanac da sauo'o ca qauaxanaguiiqui.» Qaq 'era da la'aqtac Ñim Nataxala'.

Amós 5:1

Qami' Israel le'ecpi, ña qana'axaỹaxañiỹa da ỹa'aqtac, qataq qana'axaỹaxañiỹa de'era ñachoxonnaxac, maye qami' taleguete ñaqa'en.

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Joel 1:8

Nache ne'ena ỹalamaxat nhuo' le'ecpi ỹataqta nỹen, 'eeta'am aca qa'añole da nỹeetac ỹaatrañi caua sa nsatte' alogo souaxat da ileu ca nauonaxaua.

Ezequiel 16:44

Qaq 'enauac nam ỹauoteque naua neta'a't na'aqtaqa, qom 'am detaxaỹa qalaq 'eeta': Dam lataxac aca nate'e, nache lataxac aca ñale.

Ezequiel 2:10

Qaq sauaachigui se'eso nhuaq da nchennaxanec asa'aso nere, qaq asomaye qoỹettaleguete 'enauaque naua laỹel, qaq da huetalec asomaye nachera da noinaxac qataq da na'alaxac souaxat da qui'ic, qataq na nasauaqtaxanaxacpi.

Jeremías 14:18

Da sauga na no'onaxa, nache sela'a na leuaxaicpi, nam leuaxaicpi maye huaigui so alaataxac, qaq da saigui na huaqta'a't nỹecpi, nache sela'a na shiỹaxauapi maye huotaique da ilem na lqouaxa, qaq na na'aqtaxanaxanecpi qataq na ntaxaỹaxanaxanecpi qalaq taỹa ca ỹaqa'a 'alhua maye saishet da qaỹauana.›»

Jeremías 4:13

Ña qauloỹa nam pa'aguenaxauapi mashe anacta, 'eeta'am na lo'oc na piguem, ana nnaigonapi maye nalaataxaquipi qalaq 'eeta'am ana daua'ache, qaq na lalopi caipi qalaq ỹataqta qayaqaicpi napacalec na vi'icpi. ¡Choxoraiqolqa qomi' mashe seqataq!

Isaías 14:4

nache qanlamaxareñi qome da qanasaqairec ne'enaua na'aqtaqa, da yaqto' qavi'iñiitac ñi nta'a ye Babilonia, nache qoñiita': «¡Ña qaumiiñi dam ivireguet ñim qaica ca iren! ¡Ña qauloỹa dam ivireguet naqa'en da ño'oxonnaxac!

Da na'aqtaguec so Job 27:1

Qaltaq ỹe'eguelaxalec da detaqa so Job, 'eeta':

2 Crónicas 35:25

Qaq so Jeremías ỹo'ot co'ollaxa so lo'onec maye ỹa'axat da naquicoxo, souaxat da l-leuaxa so Josías. Qaq nache ivitta'a nagui da 'enauac na 'onaxanaxaicpi, qataq ana 'onaxanaxaipi da ỹo'ootac naxa na daquicota lo'onecpi da tachigui lauel so Josías. Qaq ne'ena no'onecpi ỹo'ot da nache lataxac nagui na Israel le'ecpi, qataq nache nanettalec ana lmalatepi na no'onecpi maye daquicota.

2 Samuel 1:17

Nache so David, ỹo'on so lo'onec nỹeetaueegue, souaxat da l-leuaxa so Saúl qataq so llalec Jonatán,

Números 24:15

Nache so Balaam do'onaxaataueeguelo naua la'aqtaqa, 'eeta': «Da la'aqtaxanaxac na Balaam maye llalec so Beor, nam ỹale maye huo'o na lauanaqchec,

Números 24:3

Ime, nache so Balaam do'onaxaataueeguelo naua la'aqtaqa, 'eeta': «Da la'aqtaxanaxac na Balaam maye llalec so Beor, nam ỹale maye huo'o na lauanaqchec,

Números 23:18

Nache so Balaam do'onaxaatauegue da la'aqtac, 'eeta': «'Am Balac, maye 'am llalec so Sipor, ña 'ana'axaỹaachigui da ỹa'aqtaxanaxac.

Jeremías 6:12

Qaq na lma'pi, qataq na no'onaxapi qataq ana lhuapi, ỹaqa'a qome ca taỹot. Cha'aye aỹem ñauaxaỹaxaasheguem qome na ihuaq da yaqto' sauo'o ca nhuaxanaguec nam hueta'a ne'ena 'alhua. Qaq 'era da la'aqtac Ñim Nataxala'.

Jeremías 8:10

Qaq ỹoqo'oye Aỹem sanem qome ca lỹa ỹale ana lhuapi namayepi, qataq na na'alhua taỹot ca lỹa shiỹaxaua da ỹauo'o lalamaxat. Cha'aye 'enauac na shiỹaxauapi, na 'amaqtaqaic qataq nam qaica ca la'amaqchec, nacherata da iuennatega da lauegaxanaxac maye chegaqaigui da ncachaxac, na na'aqtaxanaxanecpi qataq na ntaxaỹaxanaxanecpi 'enauac da decachetac.

Miqueas 1:8

Qaq souaxat de'era nache aỹem ñeỹeetac qome souaxat da lta'araic ỹaquicoxo, qataq qaicaua caua ỹapela'ate da sequeuotapigui' qataq sootauec, qataq sheeta'am na qa'alaq da dalacotac qataq na mañec llalec da nỹeetac.

Jeremías 9:16

Qataq taỹa ñaqa'en da yaqto' ỹalectaigui nam ỹotta'a't shiỹaxauapi maye so hua'au lta'alpi saỹauatton co'ollaxa, qataq so'ot da qairota'a na ỹeelonec da qaicaatac choche ivitta'a da qaica ca no'onañi.»