Miqueas 2:3 - La'aqtaqa Ñim Lo'onatac 'Enauacna 2013

³ Qaq ỹoqo'oye da la'aqtac Ñim Nataxala', 'eeta': Aỹem nataqa'en mashe huo'o da llapaxañi da sataỹa'agueta qami', qami' ñamaxalo qome ca qauem maye saishet da qami' ỹetrauec, huaña nache saishet da qana'amaqchiñiitac cha'aye ỹataqta qauem qome que'eca na'a'q.

Toba del Oeste

³ Chane'eja joñe'me Jaliaĝanec yitaĝa enaac: «Nach'e ena'am da'me jayem 'uo joga'me 'yonataĝanaĝac jo'ne jetaque ami janema. Ami jamaĝalo qomle joga'me ja no'en jo'ne ja auaqanachichi ta'le anaqachi, da'me ena'am ta'le netayelo naa'me adoqojochidi'. Qama'le ja yitaĝa onaĝaic da'me adeuoĝoqui, qa'a male novi't gaa'me noloqo'ote jo'ne yataqata chaqaet'al.

Miqueas 2:3 Referans Kwoze

Amós 5:13

Qaq ỹoqo'oye cam ỹaanaxanaxaic qalaq choche ñe'emaxat, cha'aye ỹaỹaten da qauema naua na'axa'te.

Jeremías 8:3

Qaq cam lca'alaxaic qome ne'ena shiỹaxauapi maye qauemaicpi, da maiche cam hueta'ague, qom ime da selagaxattac nache namayepi iyaqa'a da ileu qaq saq 'ena'am da nca'altauec. Qaq 'era da ỹa'aqtac Aỹem Nataxala', maye Qaica ca Saqalanapec.

Jeremías 18:11

Qaq nagui 'aua'aqtaxanem na shiỹaxauapi na Judá, qataq na lma' na Jerusalén, da aỹem Nataxala', shenapega namayepi, sheeta': ‹Mashe huo'o dam llapaqtegueñi da yaqto' qami' sataỹa'agueta, Aỹem mashe iuennataxa da qami' seuaxa'n. Ñaq qoquiỹa'ai qome som qauem nqa'aic, nache qano'onaxache da qarataxaqui qataq da qaro'onataxanaxaqui.›»

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Lamentaciones 5:5

Qomi' ñeque'etaxanaxagui da qancanaguec damaye ỹataqta qomi' ipataxayiñi, ỹataqta ñasamaxañi qalaxaye ỹataqta qaica ca qanmataxac.

Lamentaciones 2:17

Ñim Nataxala', mashe ỹo'ot dam lapaxañi co'ollaxa, nache ipaqueelec som la'aqtac, maye ỹan co'ollaxa soua qaỹoqteguelo vi'iye. Nache saishet da 'am ichoxoreetac da 'am ilaxachigui, qataq hua'aqta'a na 'ampa'aguenaxauapi da 'am ne'eetapigui, qataq nquigaxatsheguem da la'añaxac na 'ampa'aguenaxauapi.

Efesios 5:16

Qataq ỹataqta qauqopitaxañiỹa'ape naua na'axa'te da qauo'oche ca ỹaỹamaqchiguiñi, cha'aye naua na'axa'te maye souaqtaiguilo ỹataqta qauema.

Romanos 16:4

Cha'aye caamaye ỹataqta nañanegueta co'ollaxa da lchec, da yaqto' aỹem nca'alaxatre'c. Qaq ỹoqo'oye saatac da ña'achecỹaxac. Qalaxaye saishet da nachaqaỹemta, nataqa'en 'enauac na 'amqaanataxanaxaicpi maye saishet da judiopi.

Miqueas 2:1

Choxoraicpiolec qome nam shiỹaxauapi maye nda'a't da tatapigui lauel na qauempi, ivira'a da huetalec ca lmala' qalaq lapaqtapiguiñi da ỹo'ot na qauem, qaq da choche yo'oxoñi nache ỹacoolec da ỹo'ot nam tatapigui lauel, cha'aye namayepi hueto'ot dam na'añaxac.

Amós 2:14

Huaña, nache ca ỹataqta qayaqaic qaica ca lle'eguenaqa' da datauec, qataq ca ỹataqta 'añaxaic, qaica ca la'añaxac, qataq cam ỹataqta qaramchigui ye lauel saishet da nca'alec.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Lamentaciones 1:14

Ñim Nataxala', ỹauaachigui na ỹasouaxashetpi, nache Ñimaye aỹem icoñera'aguet namayepi, 'eeta'am naqa'en ca huaca lauegaxanaxaqui 'epaq, ¡qaq mashe qaica ca ỹa'añaxac naqa'en! Ñim Nataxala' aỹem ỹaneguet da lhuaqỹaxac nam shiỹaxauapi maye saseshet da sataỹa'aguet.

Jeremías 43:2

nache so Azarías som llalec so Osaías, Johanán, som llalec so Careaj, qataq som laỹepi ỹalleppi maye qaica ca iren, 'enapega so Jeremías, 'eeta': «¡Dam 'aua'axattac damaye saq'en! Ñim Nataxala' maye Qanatamnaxala' saishet da 'am ỹamaxalec da qomi' 'aua'aqtaxanema da saishet da saxague da Egipto.

Jeremías 36:23

Qaq naxa da so Yehudí ima't da itaxaỹaxa'n naua tres, huo'otaq cuatro lpa'axaco na nerec, nache so nta'a ichiigui naxa irota'a so lainec, ime nache ỹasaxangui so norec maye huetangui aso poqo laỹe', qaq 'era da 'eeta'ac somaye, nache choche ivitta'a da imauec da ỹavigaxat aso nere.

Jeremías 34:17

Qaq ỹoqo'oye Aỹem Nataxala', shenapec: Qami' saishet da Aỹem qaualaqaiguet, cha'aye saishet da qa'axañeeuec nam qal-lataquipi maye maiche qarhuo'oi le'ecpi: Qaq ỹoqo'oye nagui Aỹem, qami' taleguete qome ñaqa'en ca alaataxac, napiina qataq ca nqouaxa, da yaqto' qami' ỹo'oteque da qami' deqaigalo 'enauac na nta'alpi ana 'alhua. Qaq 'era da ỹa'aqtac Aỹem Nataxala'.

Jeremías 27:12

Qaq aỹem Jeremías, sepagaqchiichigui co'ollaxa da sa'axatem ne'enaua na'aqtaqa ñi Sedequías maye nta'a na Judá qataq nataqa'en shenapega, sheeta': «Qanañañeeguet qome da la'añaxac ñi nta'a ye Babilonia qataq nam lauo' le'ecpi yaqto' qanca'alleeuec.

Isaías 5:19

Qaq namayepi 'enapec naxa: «Ñim Lo'onatac 'Enauacna, no'on da sa ỹaỹaloxon da ỹo'ot nam lo'onatacpi yaqto' sauanaqchigui, Ñim Qui'itta Natamnaxala' na Israel le'ecpi, ña iỹalapegue' qome da ipacchigui naqa'en da ỹo'ot nam lapaxañipi co'ollaxa yaqto' sauattonaq.»

Isaías 3:16

Ñim Nataxala' nataqa'en, 'eeta': «Na 'alpi maye Jerusalén lashepi maye na'amqaanaxaipi, da queuotapigui' qalaq ỹataqta nlotcheguem, qataq ño'oxonnaxaic da lmeenaxanaxac, qataq sa qaỹara'ache naua lqauaxaqui' da ỹo'ot da l-lamaxa na llo'oxoraxatpi naua lapia'ate,

Deuteronómio 28:48

Qaq ỹoqo'oye choche 'am l-latac qome ca 'ampa'aguenaxauapi maye 'am namaxa qome Ñim Nataxala', nache 'anque'etaxangui qome ca 'arqouaxa, 'araquip, qouetauec, qataq ỹataqta 'am choxoraq. Nache Ñim Nataxala' ỹo'ot da 'anque'etaxangui da 'anlataguec, ivitta'a da ỹataqta 'am nlachiguiñi.

Amós 3:1

Qami' Israel le'ecpi, ña qana'axaỹaxañiỹa da la'aqtac Ñim Nataxala', da 'enapega nam nhuo' le'ecpi maye nqateeguesop co'ollaxa ye Egipto, 'eeta':

Amós 3:2

«Nache qamiite' da qami' lleca'aua'alo, co'ollaq lleca'agui nam nhuo' le'ecpi ana 'alhua. Qaq ỹoqo'oye sauo'o qome ca qanhuaxanaguiiqui, souaxat nam qauemsat maye qauo'oche».

Isaías 29:20

Qataq imeuo qome na qaica ca ireetac, qataq imeuo qome nam na'amqaanaxaicpi, qataq imeuo qome nam nda'a't na qauem iuennatega da ỹo'ot,