Miqueas 2:2 - La'aqtaqa Ñim Lo'onatac 'Enauacna 2013

² Qaq da huo'o ye nqopita 'alhua nache ỹacona da ỹauo'o lalamaxat, qataq da nqopita ca nỹec nache ỹacona da ỹauo'o lalamaxat, qataq sa iyacnapec cam ỹale qataq cam llalaqpi maye lalamaxat que'eca nỹec.

Toba del Oeste

² Ch'e yepiteda'a joga'me ja 'naleua', nataq'aen male e'n loĝo't nale; yepitetedapega ga'me emec, chayovida'a deuodaĝatec nale. Yauote lachoĝodec ga'me jiyaĝaua nataq'aen ga'me layi, chayovida'a ga'me c'oqo'tepi.

Miqueas 2:2 Referans Kwoze

Isaías 5:8

¡Choxoraxaso' qome nam desheenaxatega na qalota lma'pi, qataq nquigaxattauec na na'alhuapi, nache qaica ca lma' naqa'en ca lỹa shiỹaxaua, qaq 'eco' da nachaqnata namayepi da netalec na 'alhua!

Amós 8:4

Ña qana'axaỹaxañiỹa de'era, qami' maye sa qauchoxoreñi nam shiỹaxauapi maye huo'o da lhuenaxanaxa, qataq huetaiya' qanqa'eñi na choxoraqpi ana 'alhua,

Jeremías 22:17

Qalaxaye 'am nacherata da 'anmitta'a da nauegaxanaxac maye chegaqaigui da ncachaxac, qataq 'aualauat nam qaica ca ỹasouaxat, qataq qaica ca ldaqa' 'anqa'en, qataq 'anhuo' na 'aralamaxat 'arhuo' le'ecpi.»

Ezequiel 18:12

qataq saỹaỹamaxatapec ca choxoraq qataq cam huo'o da lhuenaxanaxa, qataq decachiỹot na laỹepi, qataq sa ỹe'eguelaxatot ca lỹa cam nogoxoshet maye qaipatano'ot co'ollaxa, qataq ỹa'amaqten nam atamnaxala'pi maye saq'en, qataq da ỹo'ot nam lataxacpi maye seqaiga,

1 Timoteo 6:10

Cha'aye da nqopitaxanaqtaic aca yo'oqchigui anom, nachera da lpa'a' na 'enauac ỹotta'a't sa ỹaỹamaxañisat. Cha'aye mashe huo'o na ime'eguet da lqopitaxanaqtaic anamaye, nache ỹalat da lpi'iỹaxac Ñim Lo'onatac 'Enauacna, qaq nache huaña da ivireguet na qalota lqalaiguesat qataq nque'eenaxacpi.

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Miqueas 3:9

Qaq nagui, ñaq qana'axaỹaxañiỹa de'era na'aqtac, qami' lta'alpi qataq lataxala'pi na Israel le'ecpi, qami' maye qauqaiquiỹa da nalochiguiñi lataxac, qataq qauashaxañeeuec da no'on lataxac,

Ezequiel 22:12

Qataq nam 'am netaiguipi, huo'o na ỹaỹamaxareeta da qaisheeten da yaqto' ỹalauat ca lỹa. Qataq huo'o na ỹan ana alom da qaỹa'aalaxana, qalaxaye da qaisheeten nache ỹagaqnauec añi iỹaxanaique, qataq nhuo' ca lỹa, qataq sairen ca lqaỹa, nache icoua'ai Aỹem. Qaq 'era da ỹa'aqtac Aỹem Nataxala'.

2 Reyes 9:26

‹Aỹem, shecait sauaachigui so ltago'q so Nabot, qataq so llalaqpi somaye, qaq nache sheetec qome da huaña ñaqa'en ne'ena 'alhua da 'am talec ñaqa'en ca 'anhuaxanaguec, souaxat de'era 'auo'ot. Qaq 'era da ỹa'aqtac, Aỹem Nataxala'.› Qaq ỹoqo'oye, 'auacoosop ye Jorán, nache 'auasaxauga ye na'alhua so Nabot, yaqto' ipacchigui da la'aqtac Ñim Nataxala'.»

Éxodo 20:17

Saishet da 'auqopitta'a ca lma' ca 'arỹa, qataq saishet da 'auqopitta'a aca lhua ca 'arỹa, huo'otaq ca l-latac, huo'otaq aca l-lata, huo'otaq ca lauegaxanaxala' huaca, nataqa'en ca lalo 'ashena, huo'otaq camachaqca nam logoxoshetpi».

Da na'aqtaguec so Job 31:38

Na ña'alhuapi saishet da iỹaxaatacot na piguem da aỹem dataỹa'aguet, qataq saishet da nỹeetac na mashe qana'atsheguem 'alhua.

1 Reyes 21:1

Qaq co'ollaq mashe qaỹoqtegue de'era, nache so Nabot maye lma' ye Jezrel, somaye huo'o so lanaxanaqa' uva lma', huaña som saqaỹapeque so lma' lta'araic so nta'a Ajab, maye naña ye Samaria.

Ezequiel 8:17

Qaq huaña nache Ñim Nataxala' aỹem 'enapega, 'eeta': «¿Peta'a 'aulota'a de'era? Na nhuo' le'ecpi na Judá, 'eeta'am da saq 'amaqtaq naqa'en nam ỹo'otpi maye ỹataqta qaiqaiga da huaña ne'ena, qataq nataqa'en nlaxalec naqa'en ne'ena 'alhua da loquiaxac. Nache nacalec lỹa da ỹo'ot da ỹayeloxo, qataq Aỹem iviro'ot na laita na lapiina.

Ezequiel 22:13

Aỹem ỹataqta salemata, souaxat da 'arhuotaxanaxac qataq da 'aralaataxanaxac.

Ezequiel 33:26

Qataq qaupi'iitega na qa'aiñiqui, qataq qauo'ocheetac nam ỹataqta seqaiga, qataq 'enauac da qoñeeta' ncachetague' ana sa lhua, qalaq ¿qaupicheetega peta'a da ishet da qaralamaxache ne'ena 'alhua?

Ezequiel 46:18

Ca nta'a saishet qome da ỹe'egueeta'a da ỹacona ca 'alhua maye lalamaxat na nhuo' le'ecpi. Qaq cam 'alhua maye ỹanec da lalamaxat naqa'en ca llalaqpi, qalaq iuen da ỹanec ca laỹe cam maiche lalamaxat na'alhua. Qaq 'era da 'eetec qome da yaqto' na ỹalamaxat nhuo' le'ecpi saishet da saqca ca na'alhua, qataq saishet da nlagaxattac.»

Amós 2:7

Qataq huetaiya' naqa'en na choxoraqpi, qataq saishet da ỹo'otec ca ỹaỹamaqchiguiñi lataxac nam qaica ca la'amaqchec. Qataq so nta'a qataq so ñalec qalaq lauatrapiguiñi' aso 'oonole 'alo, nache qaica ca 'enec naqa'en da qui'itta ỹe'enaxat.

Miqueas 6:12

Qaq na sallaxanecpi maye lma' ne'ena huaqta'a't nỹecpi ỹataqta qauemaicpi, qataq 'enauac namayepi ỹataqta tenataxanaxaicpi.

Isaías 3:14

Ñim Nataxala' anac qome da nmit na nqueroxonecpi qataq na lataxala'pi nam lalamaxatpi nhuo' le'ecpi. Nache 'enapega qome 'eeta': «Qami' maye qanlaxacheetapiguiñi co'ollaxa na ỹanaxanaqa' uva lma'pi, qataq qaucacheetacot na choxoraqpi, na qarcachaxache qalaq qaỹo'oxochiỹoiguilo naua qarma'achilli'.

Ezequiel 45:9

Aỹem Nataxala' shenapec: ¡Nache tachiguiña qome qami' nta'alpi na Israel! ¡Saishet qome da qoquiito'ot da qaica ca qaureñi, qataq da qarhuotaxanaxaqui! ¡Qauo'onataxañiỹa qome da nalochiguiñi, qataq da ỹaỹamaqchiguiñi lataxac! ¡Qaỹa'axañiiñi da qaucacheetega na na'alhua na ỹalamaxat nhuo' le'ecpi! Qaq 'era da ỹamaxasoxonaxac, Aỹem Nataxala'.

Amós 4:1

Ña qana'axaỹaxañiỹa de'era na'aqtac, qami' maye qoñeeta'am ana huacapi ye Basán, qami' 'alpi maye Samaria lashepi, maye huetaiya' naxa qanqa'eñi na choxoraqpi, qataq qaica ca nyacnataguec qanqa'eñi nam huo'o da lhuenaxanaxa, qataq qauamaqaitac naxa nam qarhuaipi, qoñiita': «Ña qandoiuo cam qaraquip lataxa».