Miqueas 2:12 - La'aqtaqa Ñim Lo'onatac 'Enauacna 2013

¹² Aỹem, llaỹona't qome na lauo' le'ecpi so Jacob, llapona't qome nam saq 'amaqtaq no'onañi Israel le'ecpi. Llaỹona't qome 'eeta'am ñaqa'en aca qaguetapi da huetaigui aca laỹe', 'eeta'am aca nlopi da huetaigui ca 'auaqpisat, nache da l-lamaxa 'eeta'am ca qalota shiỹaxauapi.

Toba del Oeste

¹² »Male jen yema'a't jo' qomle di'me noic jo'ne Jacob, nataq'aen jaconalo jogaa'me ja lama'y jo'ne ueteda'a di'me Israel. Male japetena't ena'am jaga'me 'nanaĝate, da'me jachaue jaga'me lae't, ena'am joga'me nelopi nale ue'ta ga'me auaqapiijat, qama'le yataqata yejam qa'a jalcote joga'me.

Miqueas 2:12 Referans Kwoze

Ezequiel 36:37

Qaq Aỹem Nataxala', shenapec: Nataqa'en huo'o da lỹa so'ot qome. Sanem qome na nhuo' Israel le'ecpi cam iỹaxanaique da so'otec namayepi, qataq ñequigaxatec qome ye lcata na lauo' le'ecpi, 'eeta'am ñaqa'en ana qaguetapi.

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Miqueas 7:14

'Am Nataxala', ña 'alo'ogue qome ne'ena 'aralamaxat nhuo' le'ecpi, anam 'aralamaqte qaguetapi maye ndauec da huetaigui na aviaq, maye coleesop na no'on 'alhua, qaq ña 'auauega qome 'anamayepi ye 'auaqpisat ye Basán qataq ye Galaad, 'eeta'am soua hua'au' vi'iye.

Miqueas 5:7

Qaq nam no'onañi lauo' le'ecpi so Jacob, qom ỹalectaigui na ỹotta'a't shiỹaxauapi qalaq 'eeta'am qome na 'aỹa maye namaq Ñim Nataxala', qataq 'eeta'am na auot da talec ana huouepi, maye saishet da iuatta'a ca 'eetapeguec na shiỹaxauapi.

Amós 1:12

Qaq ỹoqo'oye sauo'o qome ca norec da ỹavic ñaqa'en ye Temán, nache que'eca norec nlachiguiñi naqa'en qome na nma' lta'araicpi ye Bosra.

Oseas 1:11

Huaña qome nache lapona't na Judá, qataq na Israel le'ecpi, nache namayepi 'oonolec naqa'en ca lataxala', nache 'enauac na shiỹaxauapi ñe'eguelaxa qome ye Jerusalén. Nache ỹataqta lta'araic qome da la'amaqchec ye Jezreel que'eca na'a'q.

Ezequiel 37:21

Ime, nache qoneta': Da la'aqtac Ñim Nataxala', 'eeta': Aỹem ñeqateeguesop qome na Israel le'ecpi nam ỹotta'a't shiỹaxauapi maye taỹa co'ollaxa, nache sachegoxotteugalo qome da llaỹona't, nache ỹe'eguelaxa ñaqa'en ye maiche na'alhua.

Ezequiel 34:31

Qami' qaguetapi nache qami' ỹalamaqtepi, qataq qoñeetaigui na iquia'axanataxanaqa'. Aỹem nachaỹem Qanatamnaxala'ai. Qaq 'era da ỹa'aqtac Aỹem Nataxala'.»

Ezequiel 34:22

Qalaxaye Aỹem ñeca'alaxatec qome ana ilopi qaguetapi. Nache saishet da sa'aqta'a da queta da qaucacheetega. Aỹem serolec qome da nalochiguiñi lataxac da ñimit ana qaguetapi.

Ezequiel 34:11

Aỹem Nataxala', shenapec: Aỹem maiche souapegue' qome da selo'ogue ana ilopi qaguetapi.

Jeremías 23:3

Qaq maiche Aỹem qome da ñe'eguelaxat ana no'onañipi ana ilopi, sachegoxota'a nam 'alhuapi maye taỹa ñaqa'en co'ollaxa, nache llaỹona't qome da ñe'eguelaxata na maiche lquia'aqa' co'ollaxa, yaqto' qalota qome ca llalaqpi.

Isaías 34:6

Qaq so lainec Ñim Nataxala' huagui qome na ntago'q qataq na lcheta, 'eeta'am da 'eetec naxa da qaỹalauat na qagueta llalaqpi, qataq ana quetaqpi da nachetaqtaxanaqte qaỹavigaxatta. Cha'aye Ñim Nataxala' ỹo'ot qome ca ỹavigaxatta lachetaqtaxanaxat huaña naqa'en ye Bosra, qataq cam ỹataqta lta'araic lalaataxanaxac huaña ye Edom.

Isaías 27:12

Qaq que'eca na'a'q Ñim Nataxala' do'onataxan qome, chegoqchiguiña ye tala Éufrates nache ivitta'a so tala ye Egipto, 'eeta'am ca ichegoqtac ana ala ca nañiguishec, qalaxaye qami' Israel le'ecpi qami' qalaỹona't qome, qalaq qaỹacootaua'a ñi 'oonolec da qoñiita.

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

Jeremías 3:18

Qaq qom ivita que'eca na'a'q, nache ye Judá huaxaiguet qome ye Israel, qaq nache nnaictega't qome da ñe'eguela'q chegoqchiyiña ye 'alhua maye pa'aigue da sheu', da naỹalo nam 'alhua maye sanem co'ollaxa da yaqto' lalamaxat som hua'au qarta'ailpi.

Génesis 36:33

Qaq co'ollaq ileu so Bela, nache da lo'onataxanaxac da nta'a talec so Jobab som llalec so Zeraj, maye lma' ye Bosra.

Isaías 5:17

Na huaqta'a't nỹecpi ỹataqta nlachiguiñi qome, nache ana qaguetapi qataq ana quetaqpi lquia'aqa' qome namaye.

Miqueas 2:13

Qaq Ñim Lo'onatac 'Enauacna ỹo'otegue qome ca llec, qaq namayepi nache ca'atteueegue qome Ñimaye, nache tachiviigui naqa'en ca lasom ca huaqta'a't nỹecpi. Qaq ñim nta'a maye Nataxala', hua'auta'ague qome da taỹa'ague namayepi.

Miqueas 4:8

Qaq 'am Jerusalén, maye 'am nalloxolate qataq npaqtaxanaxat ye Sión, 'am 'avi'eguelaxa qome da togoshec 'ara'añaxac, nache 'am hueta'a qome da la'amaqchec da no'onataxanaxac.

Miqueas 5:8

Qaq nache 'eetec nam no'onañipi lauo' le'ecpi so Jacob qom ỹalectaigui na ỹotta'a't shiỹaxauapi, qalaq 'eeta'am ca llon da ỹalectaigui nam huauec shiguiỹacpi, qataq ca llon llalec da nlecchiguingui aca qaguetapi, nache icolaxattac, qataq ilaxachigui nache saishet da huo'o aca ỹetauec da nca'altauec naqa'en.

1 Crónicas 1:44

Qaq co'ollaq ileu so Bela, nache da lo'onataxanaxac somaye talec so Jobab, som llalec so Zeraj, maye lma' co'ollaxa ye Bosra.

Ezequiel 34:13

Aỹem ñeqateeguesop qome nam ỹaqa'a 'alhuapi, qataq llaỹona't, nache sauega ye maiche lalamaxat na'alhua. Qataq sauega qome aye qasoxonaxapi ye Israel da yaqto' sequia'axan, qataq ye la'auaxacpi, qataq 'enauac yem nma'pi maye qanayeetaña yi'iye 'alhua.

Sofonías 3:20

Qaq que'eca na'a'q, qami' ñaueguereuo qome, nache qami' sataxana't; nache ñaralaxat cam qami' taleguete qana'achecỹaxaqui, qataq qami' sanema da qayo'oxoyiqui, qataq da qara'amaqchiqui, da qaualliquiitaigui nam shiỹaxauapi ana 'alhua. Qaq 'era da ỹa'aqtac Aỹem Nataxala'.»