Miqueas 1:9 - La'aqtaqa Ñim Lo'onatac 'Enauacna 2013

⁹ Cha'aye da lque'emaxa ye Samaria ỹataqta qaica ca lata' nache ivira'a ye Judá, qataq ivitta'a ye Jerusalén, yem hueta'a nam ỹalamaxat ihuo' le'ecpi.

Toba del Oeste

⁹ Qa'a joga'me yédiñe di'me noic jo'ne Samaria yataqata qaya'te lata', nataq'aen da'me male yovita di'me aleua jo'ne Judá, chayovida'a di'me Jerusalén, nach'edi di'me noic jo'ne neta'ña jena'me yalaqapi.

Miqueas 1:9 Referans Kwoze

Miqueas 1:12

Qaq na lma' ye Marot qalaq ncocateguiñi qome souaxat da nqui'ic, nache iuattaique da nvita ca lamaicỹaxac, cha'aye Ñim Nataxala' namaq da qauem nache iviraua'a naqa'en ye ñegueuo ye Jerusalén.

Jeremías 15:18

¿Ta'ainco' da saishet da vi'iiguet da ñequi'ic? ¿Ta'ainco' da ique'emaxa da qaica ca lata', qataq saisheteguet ca lata'? Nache 'Am 'avi'eguelaxa da qoneta'am ca lqashelgaxa na 'alhua maye 'eeta'am ca lqashelgaxa ca 'etaxat.

Isaías 3:26

Qaq na huaqta'a't nỹecpi nỹen qome da ỹo'ot ca lasouaxac, nache ỹataqta imauec qome da qaỹalata'a't.

Jeremías 46:11

¡Qami' nhuo' Egipto le'ecpi, qanqo'oñiỹa qome ye Galaad da qauloỹaique ca qaratannaxanaxache! ¡Qalaxaye na'aictaxa da qalota ca natannaxanaxat da qaviñi, qalaxaye qaica qome ca naigui, cha'aye qaica ca natannaxanaxat ca ishet da qami' no'onaxa't!

Miqueas 6:13

Qaq ỹoqo'oye aỹem so'ot qome ca 'anhuaxanaguec, qataq 'am selaxachigui souaxat na 'arasouaxashetpi.

Nahúm 3:19

¡Qataq qaica ca lata' da 'aracagaxa, qataq saishet da qanataren da 'arque'emaxa! Qaq 'enauac nam ỹaỹaten de'era qauem maye qouaigui, namayepi ỹataqta iuaxana't naua lhua'q da ntonaxac, cha'aye, ¿negue't cam sa nque'etaxangui nam chochaq tatec qauem maye 'auo'ottacpi co'ollaxa?

Isaías 36:1

Qaq co'ollaq mashe ivi' soua catorce vi'iye, da lo'onataxanaxac so Ezequías maye nta'a ye Judá, nache so Senaquerib maye nta'a ye Asiria, iloquiaxan 'enauac so huaqta'a't nỹecpi maye ỹotta'a't naua nañalo ye 'alhua Judá, maye huo'o so sansattec lpaqtaxatpi nache loxonec.

Isaías 36:2

Qaq so nta'a ye Asiria chegoqchiguiña naqa'en ye Laquis, da ỹamaq so 'amaqtaqaic lataxala' na alleppi, nnaictague' naqa'en so 'añaxaicpi nalleppi, da yaqto' taỹa so nta'a Ezequías maye netaña ye Jerusalén, qaq somayepi hua'a co'ollaxa da lanataqa' so loigue so llec na 'etaxat maye chegaqasheguema aso laỹe' na 'etaxat, som nqa'aic maye taỹauga so no'onaxa som nỹoxonaq.